Daniel 9:21 - Dios Iwene

²¹ Ja̧danö, jejenö budekwö abebö chö̧jayi, Gabrielma, ajayinö chi̧'wi̧dinö chedinökwe ángelso̧ma juluwanö köbibö chö̧jobekwö ichinobe, yi̧benakwö möletenia Diosnö iyawa tjiyena jenanö.

Daniel 9:21 Iomraidhean Croise

1 Reyes 18:29

Möle ja'ö baledibanöbi, jemi tupakwöbi jobekwö tjo̧'wo jwibadö ja̧tji̧danö ja̧tjinobe, yi̧benakwö iyawa Diosnö iyatjenanö baibenanö, jo̧kwaijayonö Baal iwene ökwöinokobe, bakwo̧bi atadinokobe, ja̧danö bakwo̧bi a̧ja̧kwinokobe.

1 Reyes 18:36

Ja̧danö, jemi ikenama, yi̧benakwö iyajitjenanö jenanö, Dios yöawi̧ yöbawo̧ Eliasma iyawemi yöne ichibö, Diosnö aebinobe: —Chuluwo̧ Isabenö Jo̧, Abrahambi, Isaacbi, Israelbi tjösödinökwe Diosnö, baikwö atebakwö: Babe möleda kwi̧sȩbobö atebakwö, isabenö israel nijitjö Diosbo̧ja jö̧balö, ja̧danö isabenö ökwöda kwömöayo̧sa ötjö Eliasma, jö̧ba̧lö kwi̧sȩbobö atebakwö, ja̧danö babe jabö chi̧sebaja̧ma, ökwöda weköbitjö̧ ja̧bö chi̧sȩbajabe, jö̧ba̧lö kwi̧sȩbobö atebakwö.

Éxodo 29:39

Bakwo̧nö yȩayi̧, ja̧danö, bakwo̧nö yi̧bena juwö kwiyo.

Isaías 6:2

Ja̧danö jo̧ba öba a'o wamekwöchobe, ömöayedö serafines ötjabawö̧ tjuluwo̧nö tjiteada̧lobe chedijatö. Jobadö serafinesbedöma, tjöwa̧japa jelemutjö bakwapa̧ juna̧ladönö chedijatö, ja̧danö tjuluwo inesö otiwiawö̧, dö̧pa̧latajanö tjöba muchekwö tjö̧jobe chedijatö, ja̧danö dö̧pa̧latajanö tjömasapiya muchekwö tjö̧jobe chedijatö, ja̧danö dö̧pa̧latajanö kötjobe chedijatö.

Daniel 10:10

Jemi ikenama bakwo̧ ötjönö do̧atinobe, ja̧danö ötjönö möakwö a̧lapedinobe, chömamunöbi chu̧yu̧kijunöbi chö̧jobö. Jo̧kwajabetjö̧ chömamunö chu̧yu̧ki̧junö chö̧jijatö, jo̧kwaijayonö ina yebabinö tjö̧bawö chö̧jijatö.

Daniel 10:16

Jejenö chiwene jwiökwe, bakwo̧ jojodanö ichejekwo̧ma cha̧jȩ mainobe. Jejenö maaja̧ ikena, chiwene tjeachajinobe, ja̧danö chabönö jo̧ ángelso̧nö yöta̧lijatö: —Chuluwo̧, chi̧'wi̧didanö chedinobetjö̧, chujulu 'dö̧ibajabe, chi'medawachibajabe, ja̧danö tjö̧bawö chö̧jobe.

Daniel 10:18

Jejenö yöta̧liökwe, jojodanö ichejekwo̧ma yemidanö ötjönö mainobe, ja̧danö chujuluwachibanö pjaatinobe.

Daniel 8:16

Ja̧danö ojwe Ulai mikwödö bakwachödötjö jojo iwene ökwöobe cha̧ja̧kwijatö: —Gabriel, bite Daniel öwaisachibobö edaja̧ labebö lobö yöbawinö— jö̧ba̧lö cha̧ja̧kwijatö.

Daniel 8:18

Ötjönö Gabriel mikwo̧ ángel yöa̧lenama, 'dö̧tachibijatö, chöba nijakwö bamatö. Jo̧kwaijayonö, ötjönö mabö a̧lapedinobe.

Mateo 27:46

Ikenama, jawo̧ wöatena las tres jenanö, Jesúsma labinö jwöibinobe, Israel jojodö tjiwenenö: —Elí, Elí, ¿lama sabactani?— jö̧ba̧lö. Ja̧ jwöibinama, Chuluwo̧ Dios, Chuluwo̧ Dios, ¿tajawedö ötjönö le'dedö loköbaja̧da? jö̧ba̧lö laebobe.

Lucas 1:19

Jejenö atadiökwe, ángelma jwebebö baikwö yöawinobe: —Ötjöma Gabriel mikwo̧sa, Dios öba a'o jojosa, ja̧danö Diosda ötjönö weinobe, yötawaja̧ otiwa jawa wene ökwönö yötawobö.

Lucas 1:26

Elisabet ida̧ökö jelemutjö bakwo̧ ja̧wo̧dö metu'wo jö̧jenama, Diosma iteda ömöayo̧ ángel Gabriel mikwo̧nö weinobe, Galilea niji comunidadbe i̧'yobö, Nazaretbe.

Hechos 10:3

Ju'wi möle, ja̧wo̧ wöatena, ángelma öwaitjöda öwawachijetö Cornelionö, i̧'wi̧di̧danö. Ja̧danö, ángelma Cornelio eju okwa tebachö jwöbijetö: —Cornelio—jwöbijetö.

Hechos 10:9

Ja̧danö, ju'wi dewachö, jweinö ö̧jena, jobadö 'ya̧jadöma Jopetjöma yöneawachibobe 'yi̧jadötö. Yöneawachibobe tjichena Pedroma Diosnö abebö mö nöchijetö o̧do wame. Jobadö tjichakwa̧ma wajwibijetö Pedroma.

Hechos 12:7

Ikenama Pedro jejenö abonö omönanö öwawachijetö Duluwo̧ weajökwe ángelma. Öwawachena dewinö dejatijetö Pedro ö̧bȩko̧ okwama. Jo̧ba ángelma Pedronö ometupanö 'dobö wiludijetö.

Hechos 3:1

Ju'wi möle, Pedro, Juan, Dios ejube 'yi̧jadötö jojodö Diosnö abebö tebachajitjena.

Hebreos 1:14

Jejenö weinokobe jobadö isapjobedönöma Dios ömöayedödatjobetjö̧. Jobadöma Dios ömöayedö ja̧nö, jojodönö pjatjatobö Dios weawö̧. Isabenö, ángelesdöma jojodönö pjatjatobö weawö̧, Dios mikwa jwiinö tjö̧jibinö pjaati̧tjö tjemakwedönöma. Isabenö chömöledö, ángelesdöma Dios ömöayedöda, jojodönö pjatjatobö weawö̧. Jo̧kwaobetjö̧ chömöledö, döwaisachibanö wajuwanö i̧sebobe, Dios Itji̧ma ángelesdönötjöbi o̧penönö jwiinö inesö jo̧, jö̧ba̧lö.

Hebreos 1:7

Ja̧danö chömöledö ¿dakwö yöawobeda Diosma, ángelesdönö? Baikwö labebobe Dios iwenetjöma: Damötjö ángelesdönö chotidijatö chömöayedö batjibanö. Ja̧danö, jobadönö webo̧sa jelobe jelobebi tji̧'yobö, ötjö weti̧ a̧ja̧kwö 'ya̧jadönöma. Jwa̧lȩ'epjo jwa̧lȩ'ewi̧danö tji̧'yoböbi, ja̧danö, ökwöla ubi̧ juluwi̧danö tji̧'yoböbi webo̧sa, jobadö chömöayedö ángelesdönöma. Jejenö laebobe Dios iwenetjö, Dios iteda ömöayedö ángelesdönö yöawina.

Apocalipsis 9:17

Ja̧danö, ötjönö i̧sebi̧ma, baikwö chedijatö, abökönö chi̧'wi̧di̧danö: Jobadö ka̧ba̧yu̧dönö wa̧nö 'ya̧döma tjomuko tjöeba̧li̧ 'dubawadö. Ja̧ tjöeba̧li̧ 'dii̧ jawa 'dutjawi̧ma duwi̧, ökwöla ubi̧danö duwi̧. Ja̧danö, ö̧'dö̧wibi, duwapjayibi, ja̧ jawa tjöeba̧li̧ 'dutjawi̧ jawama. Ja̧danö, tja̧jwi̧mu ka̧ba̧yu̧döma, tjuuma, di̧di̧ba̧dö tjuudanö ichejekwadö. Ja̧danö, jobadö ka̧ba̧yu̧dö tjaatjöma ökwöla ubi̧kwö, imiyu'wokwö tubinö pjubadö. Ja̧danö, ju'wi jawa, azufre mikwi̧ laebi̧ chedijatö, jwiinö tubinö ubi̧ jawa, jobadö ka̧ba̧yu̧dö tjaatjö.