Daniel 9:2 - Dios Iwene

² Jo̧ba yöbawö ö̧jena ajayisaba, ötjöma Dios iwene tjiwȩyudina'ye yöta̧lijatö, Isabenö Jo̧ Dios Jeremiasnö iwȩyudobö weinama. Ja̧danö, ja̧ laebi̧ma, Jeremías iwȩyudinobe baikwö: Jerusalén comunidad pjolö lotjakobe, ja̧danö yemidanöma tjotidökakobe, setenta o̧biya baledibanö jö̧ba̧lö iwȩyudinobe.

Daniel 9:2 Iomraidhean Croise

Isaías 64:10

Ökwöda kwitebo niji comunidadteniama, bakobe jojodö deobe baibajabe. Sion mösa'obi, jojodö deobe baibajabe, Jerusalen comunidadbi söbebö loawemi baibajabe.

Daniel 9:3

Jejenö iwȩyudina yöba̧lajo̧, chuluwo̧ Isabenö Jo̧ Diosnö budekwö atebijatö ökwödönö pjaatobö. Ja̧danö cho̧'wo̧ tjo̧achi̧ma Dios öba a'otjö öwawakobetjö̧, chu̧kwa ö̧töchö, kamijido̧ epju̧yunö kalukaa̧do̧ 'dubawö, ökwölaso̧pja̧nö ba̧nö atebijatö, isabenö chömöledö Israel jojodönö o̧'wo̧ tjo̧acho̧sa jö̧ba̧lö.

Mateo 24:15

Baikwö yötawa inesö mikwawi̧ wene chömöledö, ja̧danö biya̧ yötawi̧ wȩyukwöja yöba̧ladö otiwanö omukwatö yötja̧lobö jo̧be. Dios yöawi̧ yöbawina Daniel mikwo̧ma iwȩyudinobe, inesö suli̧ma Dios ejutjö jojodö teachakwawökȩko̧nö kwedaduwakobe jö̧ba̧lö, ja̧danö jo̧ba iwȩyudinadanö kwedaduwakobe 'dö̧ibaji̧ möle.

Marcos 13:14

Ja̧danö, ina yöbawijetö: —Jejenö baledonö jelo̧, jwiinö sulabenö ja̧bo̧ma Dios eju okwa tebachajo̧ tupakwö jojodö teachakwawökȩko̧nö tebachö ö̧bakobe, jojodö tetjachoböma jwiȩko̧nö. Ja̧ baledi̧ kwedaduwenama, kwöwaisaduwakobe, Tjo̧wi̧, sulabenö baledakobe, jö̧ba̧lö. Ja̧ mölema mö'ösa'okwö dökibajaduwo. Ja̧danö, biya̧ chiwȩyudi̧danö baledi̧ma kwedaduwena waisinö eda̧lö kwomukwataduwo— jö̧ba̧lö yöbawijetö—.

Hechos 8:34

Ikenama jo̧bama abebö a̧ja̧kwijetö Felipenö: —Ja̧ iwȩyudinama ¿tinö yöawobedaja? ¿Isaíasma itedada yöawinaji̧? ¿Jelo̧nöda yöawinaji̧? Chöwaisachibobö yöbawitjö— abebijetö.

1 Timoteo 4:13

Kabatökönö Dios iwenesa'ye yöka̧lo jojodönöma, ja̧danö kabatökönö Dios iwene yökawo jojodönöma. Ja̧danö, kabatökönö ja̧ jawa ba̧ja̧dö kwö̧jo, ökwökwö chichibenanö kabatö.

Apocalipsis 1:3

Chömöledö, biya̧ chiwȩyudi̧ma baledakwa̧ jawa. Ja̧danö, ja̧ baledakwa̧ma lekwokobe. Ja̧danö, biya̧ chiwȩyudi̧ eda̧lö ömöledönö yöbawadöma tjo̧'wo̧ ösöwanö tjö̧jakwedö. Ja̧danö, biya̧ chiwȩyudi̧ a̧ja̧kwadöbi tjo̧'wo̧ ösöwanö tjö̧jakwedö. Ja̧danö, biya̧ chiwȩyudi̧ weawa jawa a̧ja̧kwö ja̧badöbi tjo̧'wo̧ ösöwanö tjö̧jakobe. Jau, tjo̧'wo̧ ösöwanö tjö̧jakobe, biya̧ chiwȩyudi̧ baledakwa̧ma, Tjo̧wi̧ yöneawachobe, jö̧ba̧lö, waisö tjö̧jobetjö̧.