Daniel 9:17 - Dios Iwene

¹⁷ Chuluwo̧ Dios, ötjö kwömöayo̧ atebi̧ kwa̧ja̧kwobö atebakwö, ja̧danö lȩlö̧jinö edö ateba̧li̧ kwa̧ja̧kwobö ateba. Ja̧danö jojodö ökwönö otiwanö tjo̧mukwatakobetjö̧, ökwöda kweju jȩmi comunidad lȩlö̧jinö kwedobö ateba. Jau chuluwo̧, babema ökwö kwejuma jojodö deeju jo̧be, jo̧kwajabetjö̧ ökwöda kweju otiwanö kwedobö atebakwö.

Daniel 9:17 Iomraidhean Croise

1 Reyes 8:28

Jo̧kwaijayonö bejunöda kwö̧jököjayonö, yayonö ötjö kwömöayo̧ atebi̧ kwa̧ja̧kwobö atebakwö. Jau chuluwo̧, kwömöayo̧sa ötjöma, ja̧danö beju ökwö kweju badeibö ja̧nö, ökwönö budekwö atebakwö, jadanö atebi̧ a̧ja̧kwö pjakatobö atebakwö chuluwo̧.

Isaías 48:11

Ina tupakwönönö ökwödönö usula kwemawaduwinö weto jö̧ta̧lena chömöledö, jo̧kwaijayonö, ötjöda chimi chomukwatobetjö̧, tjo̧wita, babe kwö̧jibaduwinö pjatatakwo̧sa. Jau, bakobe ökwödö ötjöda chömöledönö söbebö lotitjö̧ma, kwöpöjojodöma idöda tjösödawö̧nö tjomukwatena, —Ökwödö dösödawö̧ma, Dios ömöledö israel jojodönö tjujuluwajabe, —jö̧ba̧lö. Jobekwö ötjönöda otiwanö tjo̧mukwato jö̧tja̧li̧ma, ju'wedönöda tjomukwatapji jö̧ba̧lö a̧'dȩlo̧sa, ja̧danö ju'wedönö omukwatökönö, ötjönöda otiwanö tjomukwatakobetjö̧, kwö̧jibaduwinö pjatatakwo̧sa.

Daniel 9:19

Chuluwo̧ Dios, ökwödönö kwa̧ja̧kwobö ateba, sulabenö ja̧di̧ omukwatökönö kwösödobö ateba, usula demawi̧ edö pjakatobö atebakwö chuluwo̧ Dios, okwönö otiwanö tjomukwatakobetjö̧. Jau chuluwo̧, Jerusalén comunidadma, Diosda ö̧jemi comunidad ötjabobe, ja̧danö Judá nijinö ju̧kwadönö, Diosda ömöledö jö̧ba̧lö ötjabobe, jo̧kwajabetjö̧ lȩlö̧jinö kwedobö atebakwö, dipjeanö ja̧döma ökwönö sulabenö tjomukwatapji jö̧ba̧lö Diosnö atebijatö.

Juan 16:24

Ina la'akatjöda ötjö chiminö akebaduwinokobe. Yötawaduwakwö. Ötjö chiminö akebaduwitjö̧ma Diosma a̧ja̧kwö pjaatakwo̧, kwo̧'wo̧duwi jwiinö ösöwanö kwö̧jaduwobö— yöawinobe Jesúsma öba̧ja̧di̧ waisachadönöma.

2 Corintios 1:20

Jau chömöledö, okobe jwiinö Dios ja̧tocha jö̧a̧lina, badekwachinö ja̧bo̧ma Jesucristoda, ja̧danö öwaetjöda öwawobe jö̧a̧li̧danö ja̧bo̧ jö̧ba̧lö. Ja̧danö, ju'wibi chömöledö, Jesucristoda Dios jö̧a̧lina badekwachinö ja̧bo̧obetjö̧, ökwödö jo̧banö dötewadöma amen jö̧ba̧ladösa, jejenö otiwa jö̧ba̧lö. Jau chömöledö, jejenö jo̧be, okobe deinö Diosnö otiwanö tjomukwatakobetjö̧. Ja̧danö chömöledö, Dabe'do Diosbi, Duluwo̧ Jesucristobi ba̧kwȩlö̧jatebö jweinö yötja̧lobetjö̧, ötjöbi jweinöda yöta̧lobö jo̧be.

Apocalipsis 21:23

Ja̧danö, 'yayi̧ Jerusalénnöma möle jawo̧bi yö̧te ja̧wo̧bi tjö̧lajokobe, detjobe. Dios ujulu dewinö idejati̧da dewobe jojodö tjedoböma. Ja̧danö, Obeja Itji̧danö Jo̧ma la̧pa̧la̧yu̧danö, dewinö idejati̧da dewo̧, 'yayi̧ Jerusalénnöma.