Daniel 8:22 - Dios Iwene

²² Ja̧danö nöaka paibaja̧ ikena ö'wejemu jawa'yekiya laebi̧ badekwachi̧ma, baikwö yötawa: Ajayi la'aka luwo̧ woaja̧ ikena, yöbawö ö̧jinemi 'da̧'yö tjujunakobe, ö'wejemubedö la'aka luwedö tjitebokwena yöbawö wetjobö. Ja̧danö, jobadöbi tjujuluwijayonö, ajayi luwo̧ ujuluwaja̧danöma tjujuluwökakwedö.

Daniel 8:22 Iomraidhean Croise

Daniel 11:4

Jo̧kwaijayonö, jwiinö juluwo̧ ö̧jenama, ö'wö baibakobe, ja̧danö jo̧ba yöbawö ö̧jaja̧ma, 'da̧'yö tjujunakobe, ö'wejemubedö tjitebokwena yöbawö wetjobö, ja̧wo̧ meajobekwö bakwo̧, jakwölakwö bakwo̧, jawo̧ laebobekwö bakwo̧, jakwölakwö bakwo̧. Ja̧danö jobadö ikena yöbawö wetjakwedöma, jo̧ba i̧tji̧muböködö, ja̧danö jo̧ba ujuluwaja̧danöma tjujuluwökakwedö, sule yöbawö weinemi ja'öda wetjobetjö̧.

Daniel 7:6

Jemi ikena jelo̧nöbi chedatö, yawidanö ichejekwo̧nö. Jo̧bama yawidanö ichejekwijayonö, pjiyuwadanö o̧wa̧ja̧pa ujuna̧linobe, oma'anö ö'wejemu jawa o̧wa̧japiya ujuna̧linobe. Ja̧danö ju'wibi, uuma, ö'wejemu jawa uubiya ujuna̧linobe. Ja̧danö, jo̧banö iyinobe, jojodö la'aka tjuluwo̧ ö̧jobö.

Daniel 7:7

Ja̧danö jemi ikenama jelo̧nöbi chedatö, ju'wedötjö bajalekwönönö juluwo̧nö, ja̧danö nöinö yetjaibökwe jwiinö labo̧nö. Jo̧ba o'yema 'dii jawatjö otikwo'ye ujuna̧linobe aanö, ja̧danö ju'wedönö yö̧bö libawö loinobe, ja̧danö 'delachajinö kwainobe, ja̧danö ji̧bajadönö ömasapiyanö ja̧tö loinobe. Jo̧bama jo̧batjö ajayinö jwaibalawatjö labebajadötjö jwiinö wainö ichejekwo̧ ö̧jinobe, ja̧danö ju'wibi uunö i'yeka domulataja jawaökiya ujuna̧linobe.

Daniel 8:21

Ja̧danö chiwoso̧ kwedajökwema, Grecia la'aka luwo̧nö badekwachobe. Ja̧danö, öbajalebiya 'da̧desaka nöaka i'yekama, Grecia la'aka luwo̧ ajayi luwo̧nö badekwachobe.

Daniel 8:23

Ja̧danö, jobadö yöbawö webö tjö̧benama jojodöma jwiinö sulabenö ja̧bö tjö̧jakobe, ja̧danö Dios jobadönö lȩebobö ja̧kobe. Jo̧kwaijayonö, yöbawö wetji̧ 'dö̧ibakwa̧ abönö, la'aka luwo̧ bakwo̧ itebotjö jelo̧ öbamatakobe, la'aka luwo̧ baibanö. Jo̧bama juluwo̧sa jö̧ba̧lö omukwatakobe, ja̧danö jwiinö labo̧ ö̧jakobe, ja̧danö omöna yöba̧lo̧ ö̧jakobe.

Daniel 8:3

Ja̧danö, jobe ja̧nö möakwö chedijatö, ja̧danö obejaso̧ nöbo̧nö chedijatö, ojwe ö'öbö jo̧nö. Jo̧ba obejaso̧ma, i'yeka dökalataja ujuna̧linobe, nöakama, jo̧kwaijayonö bakwakama jelekatjö bajalekwönönö ödöaka ji̧nobe. Ja̧kama jeleka laebaja̧ ikena laebijayonö, ajayi laebaja̧katjö bajalekwönönö ödöaka baibanö laebinobe.

Daniel 8:8

Ja̧danö ajayitjö bajalekwönönö jwiinö juluwo̧ baibinobe chiwoso̧ma, jo̧kwaijayonö juluwo̧ ö̧jemi ja'ötjö, i'yeka nöaka ujuna̧lakama paibinobe. Ja̧danö ajayinö jaka jinemi, ö'wejemu jawaökiya ökiyawi̧ laebinobe, jawo̧ laebobekwö bakwakabi, jakwölakwö bakwakabi, jawo̧ meajobekwö bakwakabi, jakwölakwö bakwakabi.