Daniel 7:1 - Dios Iwene

¹ Babilonia niji la'aka luwo̧ Belsasar la'aka luwo̧ ö̧bena, Danielma i̧'wi̧dinö edinobe. Ja̧ i̧'wi̧dinö edinama, Belsasar luwo̧ weayi ajayi o̧banö i̧'wi̧dinö edinobe. Kamapjonö yö̧te ba̧nö, i̧'wi̧dinö edinobe, ja̧danö i̧'wi̧didanö edinobe. Jemi ikenama, i̧'wi̧dinö edaja̧ iwȩyudinobe, baikwö:

Daniel 7:1 Iomraidhean Croise

Génesis 15:1

Jemi ikenama Isabenö Jo̧ Diosma Abramnö i̧sebijetö, i̧'wi̧didanö. Ja̧danö, Abramma Isabenö Jo̧ Dios yöawobe a̧ja̧kwijetö, baikwö yöawi̧ma: —Abram yekabi. Ötjöma ökwönö tjöbeba̧lo̧sa, sulabe baledokobö. Ja̧danö Abram, ötjöma ökwönö jwiinö mikwawinö chiyakwo̧sa— yöbawijetö.

Génesis 46:2

Ikenama yö̧te ja'ö Israelma a̧ja̧kwijetö jo̧banö Dios jwöi̧ma: —Jacob, Jacob— jwöbijetö. Jwöökwe atadijetö: —Bena chö̧ja— atadijetö.

Isaías 30:8

Diosma ötjönö weinobe, baikwö: —Ökwödönö yötawi̧ kwi̧wȩyudo, kwiyalu'yenö kwödo, Juda jojodö tjujuna̧lobö. Ja̧danö, jejenö kwiyiawö̧, baledakwa̧ jawa baledenama, i̧sȩkwa baibanö tjujuna̧lakwedö, ja̧danö tupakwöbi ba̧kwelöjateböbi tjujuna̧lakobetjö̧.

Isaías 8:1

Jemi ikenama Isabenö Jo̧ma ötjö Isaiasnö weinobe: —Isaias, wȩyukwöte emibö, otiwanö öwawinö kwi̧wȩyudo, –Böte wȩyukwötema, Maher Salal Jasbaz mikwo̧ itea wȩyukwöte, –jö̧balö.

Daniel 1:17

Diosma isabenö otiwanö pjaatinobe Danielnöbi, wa̧medukwa ömöledönöbi, ju'wedötjö bajalekwönönö waisanö tjomukwatobö, ja̧danö ju'wedötjö bajalekwönönö Babilonia jojodö tjiwȩyudina jawabi, ju'wi tjöwaisachi̧ jawabi tjöwaisachibobö. Ja̧danö ju'wibi Danielnö pjaatinobe, tji̧'wi̧dinö tjedi̧ jawabi, tji̧'wi̧didanö tjedi̧ jawabi labebö lobö yöawobö.

Daniel 2:1

Nabucodonosor inesö la'aka luwo̧ ja̧nö döbalataja o̧biya weaja̧ ikena baikwö baledinobe: Ju'wi yö̧te i̧'wi̧dikwinobe, ja̧danö edajiö̧kö̧ jawa i̧'wi̧dikwajabetjö, Ayö, dakwö jö̧ba̧lö chi̧'wi̧dikwaja̧jö jö̧ba̧lö bö̧ti̧ jwibekwö ö̧jinobe.

Daniel 2:26

Yöawiökwe, la'aka luwo̧ma Danielnö, ju'wi 'yayi̧ imi Beltsasar jö̧ba̧lö mikwo̧nö abebö a̧ja̧kwinobe: —¿Isabenö chi̧'wi̧dikwinabi, chi̧'wi̧dikwina labebö loawabi yökawobö waiso̧köbobeji̧?— jö̧ba̧lö?

Daniel 4:13

Tupakwö yöawinobe Nabucodonosorma, i̧'wi̧dinö edina jawama: —Ja̧danö, kamapjonö chö̧bonö, chi̧'wi̧didanö chedijatö baikwö: Bakwo̧ mölejȩbe jo̧ ángelma mölejȩbetjö jwiachinobe,

Daniel 4:5

Ja̧danö, cho̧'wo̧ ösöwanö chö̧jemi ja'ötjö, chi̧'wi̧dikwijatö, ja̧danö chi̧'wi̧dikwajabetjö yetaibijatö, taji jö̧ba̧lö chi̧'wi̧dikwaja̧jö jö̧ba̧lö. Ja̧danö, kamapjonö ba̧nö chi̧'wi̧dikwaja̧ omukwatö yebabinö chö̧bijatö abökönö.

Daniel 5:1

Ja'yubenö lekwajabetjö Nabucodonosor ö'wö baibaja̧ ikenama, Nabucodonosor itji̧ Belsasar mikwo̧ma Babilonia la'aka luwo̧ ö̧binobe. Ja̧danö, ju'wi möle pjiesta ujuninobe, iteda ömöaeyedö la'aka luwedö tjukwobö, ja̧danö jobadö milbedökwö nöinö ubasobu o̧'dobu owinobe.

Daniel 5:22

Ja̧ baledina jawa waiso̧ja chuluwo̧ Belsasar, jo̧kwaijayonö ja̧ baledina kwöwaisijayonö, Dios öba a'otjö nija̧kwönönöbo̧sa̧ jö̧ba̧löma omukwatökönö jo̧ja.

Daniel 5:30

Ja̧danö, iya̧da yö̧teda Daniel yöawaja̧danö baledinobe, Babilonia jojodö la'aka tjuluwo̧ Belsasarnö kwabö lotjinobe.

Daniel 7:13

Ja̧danö chi̧'wi̧dinö ina cheda̧lonö, ju'wibi chedatö, bakwo̧ ojwio'wokwö mölejȩbetjö jwibacho̧nö chedatö. Jo̧ba mölejȩbetjö jwibacho̧ma, jojoso̧ ichejekwinobe, ja̧danö jo̧banö ichejebö, Ajayitjö ji̧na Dios öba a'o tji̧sebinobe Diosnö.

Daniel 7:15

Tupakwö iwȩyudinobe Danielma: Jobekwö chedatö chi̧'wi̧dinö, ja̧danö jejenö edajo̧ cho̧'wo̧ tjo̧bekwö chö̧jatö, tajijö jö̧ba̧lö.

Daniel 7:7

Ja̧danö jemi ikenama jelo̧nöbi chedatö, ju'wedötjö bajalekwönönö juluwo̧nö, ja̧danö nöinö yetjaibökwe jwiinö labo̧nö. Jo̧ba o'yema 'dii jawatjö otikwo'ye ujuna̧linobe aanö, ja̧danö ju'wedönö yö̧bö libawö loinobe, ja̧danö 'delachajinö kwainobe, ja̧danö ji̧bajadönö ömasapiyanö ja̧tö loinobe. Jo̧bama jo̧batjö ajayinö jwaibalawatjö labebajadötjö jwiinö wainö ichejekwo̧ ö̧jinobe, ja̧danö ju'wibi uunö i'yeka domulataja jawaökiya ujuna̧linobe.

Daniel 8:1

Jejenö chi̧'wi̧dinö chedaja̧ ikena, Babilonia niji la'aka luwo̧ Belsasar ina la'aka luwo̧ ö̧bayi, ida̧ökö wa̧pötakwa o̧biya luwo̧ ö̧benama, yemidanö chi̧'wi̧didanö chedijatö.

Romanos 15:4

Jau chömöledö, Dios iwene damötjö tjiwȩyudina jawama, ökwödö döwaisachibobö tjiwȩyudinobe. Ja̧danö, tjiwȩyudina döwaisachenama, dujuluwachibanö döwaisachibena, ja̧danö juluwanö me'dawachibökönö, Diosnö do̧'wo̧ wana̧lö dö̧jena, Isabenö Dios jö̧a̧li̧danö baledakobe, jö̧ba̧lö.

2 Corintios 12:1

Jau chömöledö, jejenö otiwo̧sa yöta̧lobö chöpöjödijayonö, ju'wedö otiwadösa yötja̧li̧danö yöta̧lobö jo̧be. Jejenö yöa̧lakwawama isabenö pjaatökö ji̧ chömöledö, ja̧danö jejenö yöa̧lakwawa chöpöjöda, jo̧kwaijayonö yayonö jejenö yöta̧lobö jo̧be ökwödönö. Ja̧danö chömöledö, babema chi̧'wi̧di̧danö chedinabi, Duluwo̧ ötjönö i̧sebina jawabi yötawa, Duluwo̧ isabenö otiwanö i̧sebinökwesa jö̧ba̧lö.

Apocalipsis 1:19

Ina yöawijatö: —Juan, wetakwö, kwedi̧ma kwiwȩyudo, babe baledi̧ kwedi̧bi, ju'winö baledakwa̧ chi̧sebobe kwedi̧bi.

Apocalipsis 10:4

Jobadö tjökwödi̧ma, Chiwȩyudo, jö̧ta̧lemi, mölejȩbetjö iwene ökwöi̧ cha̧ja̧kwijatö: —Ja̧ tjökwödi̧ wanekwachi̧ma jojodö tjöwaisoböma jwiobe. Wȩyudökönuwi— ökwöi̧ cha̧ja̧kwijatö.