Daniel 6:8 - Dios Iwene

⁸ Jejenö weawama isabenö otiwa duluwo̧, ja̧danö bakwo̧bi ja̧ weawa balewö loapji jö̧ba̧lö wȩyudajo̧ sello dobö kwödo. Jau duluwo̧, ökwödö medo jojodöbi perso jojodöbi duluwo̧ sello dobö weitjö̧ma, balewakwawa jwiinö weawa jo̧be, ja̧danö ja̧ weawa isabenö otiwobetjö̧ jejenö weköbobö dösöda duluwo̧— jö̧ba̧lö yötja̧linobe.

Daniel 6:8 Iomraidhean Croise

Isaías 10:1

Isabenö Dios lȩebakwawö̧ja, ökwödö la'aka luwedötjö tjömöayedö usula tjemawinö webadöma, kwömöayedöduwi usula tjemawinö weawa sulabenö wȩyudö weköbaduwobetjö̧.

Daniel 5:28

Ja̧danö Parsin jö̧ba̧löma, 'da̧'yö ujunajabe jö̧ba̧lö. Jejenö laebi̧ma, yöbawö weköbi̧ niji Diosma 'da̧'yö ujunajabe, ja̧danö ja'ö medo tjitebo jojodö wetjakobe, ja̧danö ja'ö perso jojodö wetjakobe, jö̧ba̧lö yöawinobe Danielma Belsasarnö.

Daniel 6:12

Jejenö edajadö, la'aka luwo̧ Darío öba a'o ichibö yötja̧linobe: —Duluwo̧, weawa kwiwȩyudatö, diosbedötjö bakwo̧nöbi, jojodötjö bakwo̧nöbi atjebobö jwiobe, sule la'aka luwo̧ Daríonöda tjo̧'wo̧ wana̧lö atjebobö jo̧be treinta möle baledibanö jö̧ba̧lö kwiwȩyudatö, ¿jö̧tö? Ja̧danö bakwo̧ jelo̧nö aebitjö̧ma, didibadö tja̧jaju i̧lȩdo̧nö ikwö lotjakwo̧ jö̧ba̧lö kwiwȩyudatö, ¿jö̧tö?— jö̧ba̧lö. Yötja̧liökwe, Darío atadinobe: —Jau, jejenö wȩyudö wetajabe, ja̧danö ökwödö medo jojodönöbi perso jojodönöbi weawaobetjö̧, balewö loawa jwiobe ja̧ weawama— jö̧ba̧lö atadinobe Daríoma.

Daniel 6:15

Ja̧danö, yö̧te baibenama, Danielnö öpöjödadöma ichö la'aka luwo̧nö yötja̧linobe: —La'aka duluwo̧, kwöwaisa ökwödö meda jojodöbi perso jojodöbi weawa jawama. La'aka duluwo̧ weawa wȩyudajo̧ imi öditjö̧ma, tupakwö balewö loawa jwiinö jo̧be ja̧ weawama. Jo̧kwajabetjö̧ Danielnö didibadö tja̧jaju i̧lȩdo̧nö jabö lotjobö jo̧be— jö̧ba̧lö.

Mateo 24:35

Jau chömöledö, isabenö yötawi̧danö baledakobe. Baikwö yötawa: Böjȩbi, mölejȩbi isabenö 'dö̧ibajakobe, jo̧kwaijayonö ötjö yötawi̧ma ba̧kwȩlö̧jatebö ja̧kobe— jö̧ba̧lö yöawinobe Jesúsma.