Daniel 6:7 - Dios Iwene

⁷ Ökwödö okobe deinö yöbawö weköbena ju̧kwadö presidentebedöbi, gobernadorbedöbi bakobe omukwatö dujunajabe, otiwanö jojodönö weköbakwa̧ma. Isabenö otiwo̧ duluwo̧ja, diosdanöbo̧ja duluwo̧. Jo̧kwajabetjö̧ diosdanöbo̧ kwö̧jobetjö̧, isabenö ökwönöda tjo̧'wo̧ wana̧lö atjebobö jo̧be, treinta möle baledibanö. Jo̧kwajabetjö̧ jojodönö weawa kwiwȩyudo baikwö: Diosbedötjö bakwo̧nöbi, jojodötjö bakwo̧nöbi jojodö atjebobö jwiobe, sule inesö la'aka luwo̧ Daríonöda tjo̧'wo̧ wana̧lö atjebobö jo̧be treinta möle baledibanö. Ja̧danö bakwo̧ jelo̧nö o̧'wo̧ wana̧lö aebitjö̧ma, didibadö tja̧jaju i̧lȩdo̧nö jabö lotjakwo̧ jö̧ba̧lö kwiwȩyudo duluwo̧.

Daniel 6:7 Iomraidhean Croise

Daniel 2:4

Jejenö i̧'wi̧dikwa̧ja̧ jawa yöbawökönö, yötjawobö weawö̧, si̧li̧'idönö waisachadöma tjatadinobe Babilonia jojodö tjiwenenö: —La'aka duluwo̧, lekwe duluwo̧ kwö̧jobö dösöda. Ökwödö kwömöayedönö kwi̧'wi̧dikwaja̧ yökawo, ja̧danö a̧ja̧kwajadö, laebi̧ jawa labebö lobö yödawakobe— jö̧ba̧lö tjatadinobe.

Daniel 3:11

ja̧danö bȩbachibö ösödö̧kö̧nö ökwöla jwiinö ubolanö ikwö lotjobö weköbatö, ¿jö̧tö?

Daniel 3:2

Ikenama, otidö junajo̧, La'aka luwo̧ Nabucodonosorma okobe deinö tjitebotenia luwedönö tjichobö weinobe, jalobe la'aka luwedönöbi, gobernador otidadönöbi, balada te'ada̧ladönöbi, lȩekwa otidadönöbi, okobe deinö ju'wedö luwedö jawa otidadönöbi tjichobö a̧debinobe, o̧'wo̧ jawa ujunajökwenö ösödakwawa ajayi möle tjujunobö.

Daniel 3:27

Ikenama okobe deinö gobernadorebedöbi, ju'wedö luwedöbi, lȩekwa otidadöbi ko̧ko̧kwö tjedinobe ökwölatjö labebadönö, ja̧danö tjedemi ökwöla ja'yubebi juluwököwö̧nö tjedinobe. Ökwöla okwa kwetjachajayonö, tjöwö'yebi, tjö̧ka̧misi wamesado̧bi, ja'yubebi ubajököwö̧nö tjedinobe, ja̧danö ökwölatjö latjebijayonö, imiyu'wo 'dö̧ekwi̧ ja'yubebi 'dö̧bekwöködönö 'dö̧tjatinobe, ökwöla jwiena ja̧dödanö.

Daniel 3:6

Ja̧danö ökwödötjö bakwo̧ nijakwö bȩbachibö ösödobö öpöjöditjö̧ma, ökwölanö ikwö lotjakwo̧ bȩbachibö ösödö̧kö̧noma, nöola 'dii jawa otikwolanö— jö̧ba̧lö.

Daniel 6:16

Yötja̧liökwe, la'aka luwo̧ Daríoma weinobe Danielnö ikwö lotjobö, ja̧danö ikwö lotjakwa̧ abönö Danielnö yöa̧linobe: —Daniel, ba̧kwȩlö̧jatebö kwuluwo̧ Dios wei̧ a̧ja̧kwö jo̧ja, ja̧danö kwösödökwe Dios kwö̧jibinö pjaatobö chösödakwö— jö̧ba̧lö.

Daniel 6:22

Chuluwo̧ Dios öba a'otjö wene jwiinö chö̧jiökwe, Diosma iteda weökwe ángelnö weajabe, didibadö tjaa umu'dudobö, jo̧kwajabetjö̧ ötjönö suli̧ tjöwaedökötö. Jau chuluwo̧, Dios öba a'otjöbi, ökwö kwöba a'otjöbi wene jwiinö chö̧jobe, isabenö suli̧ waedökönö otiwanö chö̧jobetjö̧— jö̧ba̧lö atadinobe Danielma.

Mateo 12:14

Jemi ikenama fariseo jojodöma jobetjö labebö, omukwatö yötja̧lakwawinobe, Jesúsnö dakwö söbebö lotjobö, jö̧ba̧lö.

Mateo 26:4

Ko̧ko̧kwachajadö, omukwatö tjujuninobe, jojodö wajwitjonö Jesúsnö do̧tjatobö, ja̧danö jo̧banö kwabö lotjobö.

Marcos 15:1

Ju'wi dewachö yȩayi judío jojodötjö okobe deinö la'aka luwedöma, Diostjö jojodötjö ö'weje pjabatadö tjuluwedöbi, judío jojodötjö la'aka luwedöbi, Moisés iwȩyudina ba̧ja̧dadöbi, te'ada̧lökönö ko̧ko̧kwibö Jesúsnö ja̧tjakwa̧ma okobe deinö bakwainö omukwatijadötö. Jo̧kwaobetjö̧, Jesúsnö nu'yibö öbibö 'yi̧jadötö romano jojodö la'aka luwo̧, Pilato mikwo̧ ö̧jobekwö, jo̧banö iyö lobö. Ichibö Jesúsnö iyö lobijadötö Pilatonöma.

Juan 12:10

Ja̧danö, Jesúsma Lázaro yemidanö 'yaibajinö ja̧inobetjö̧ ba̧jekwadö judío jojodöma tjösödinobe Jesúsnöma, Bitema Dios weinökwe, jö̧ba̧lö. Jejenö ba̧jekwadö judío jojodö Jesúsnö tjösödiawö̧ Diostjö jojodötjö ö'weje pjabatadötjö la'aka luwedöma tjomukwatinobe, Lázaronöma kwabö lodonö, jö̧ba̧lö.