Daniel 6:10 - Dios Iwene

¹⁰ Danielma ja̧ weawa wȩyudö sello dobö ödina wene a̧ja̧kwinobe, ja̧danö a̧ja̧kwajo̧, ba̧kwȩlö̧jatebö abebajiadanö o̧do okwa tebachö Diosnö aebinobe. Jo̧bama ba̧kwȩlö̧jatebö mö̧sȩko̧ ventana po̧bebö, Jerusalénkwö edö Diosnö o̧'wo̧ wana̧lö abebiainobe, ja̧danö la'aka luwo̧ weaja̧ a̧ja̧kwajo̧, yayonö mösȩko̧nö uyu̧ko̧nö bamatö ventanasa'donö banö aebinobe, ju̧kwawökönö. Ba̧kwȩlö̧jatebö abebajiadanö, mölekwena wa̧pötakwanö jejenö Diosnö aebinobe, otiwanö pjabato̧ja jö̧ba̧lö.

Daniel 6:10 Iomraidhean Croise

1 Reyes 8:30

Jau chuluwo̧, beju jo̧bekwö, ötjö kwömöayo̧bi, ju'wedö kwömöledö israel jojodöbi ökwönö adebenama, inesö mölejebe kwö̧jemi ja̧nö kwa̧ja̧kwobö atebakwö, ja̧danö a̧ja̧kwajo̧, sulabenö ja̧daja̧ omukwatökönö, otiwanö pjakatobö atebakwö.

1 Reyes 8:38

Jejenö balediawö̧, kwömöledö israel jojodötjö bakwoö̧kö̧, okobe deinöö̧kö̧, –Usula emawadösa, –jö̧ba̧lö, beju jo̧bekwö tjömamu kabebö atjebitjö̧ma,

1 Reyes 8:44

—Ja̧danö ju'wibi atebakwö chuluwo̧, ju'winö kwömöledö israel jojodönö weköbakwo̧ja, jelobe 'ya̧nö, tjöpöjojodökwö tjölakwabikwawobö. Ja̧danö, jejenö tjölakwabikwawobö labebajadö, tjölakwabikwawakwa̧ abönö, bemi comunidad ökwöda omudawö kwujunina comunidad jo̧bekwö, jadanö beju ökwönö otiwanö omukwatö chotidineju jo̧bekwö edö, ökwö Isabenö Jo̧nö atjebenama,

1 Reyes 8:54

Jobekwö abebö, okobe jwiinö ja̧ Isabenö Jo̧nö aekwa aebinobe Salomonma. Jejenö aebonö, Isabenö Jo̧nö iyawöte öba a'o, u̧yu̧kiju̧kunö ja̧nö, ömamu mölȩjȩbekwö kabebö aebinobe, ja̧danö abebö kabatajo̧, jobetjö a̧la̧ibinobe.

Daniel 6:13

Jejenö atadawö̧ la'aka luwo̧ Daríonö yötja̧linobe: —La'aka duluwo̧, damötjö iteda itebo Judátjö öbibö tjichejebinökwe Danielma ökwönö a̧ja̧kwö̧kö̧. Jelo̧nö aebobö jwiobe jö̧ba̧lö wȩyudö weköbinajayonö, yayonö mölekwena wa̧pötakwanö iteda ösödökwe Diosnö abebo̧— jö̧ba̧lö yötja̧linobe.

Daniel 9:4

Ja̧danö Dios öba a'otjö sulabenö ja̧dina yöbawö lotijatö, baikwö yöba̧lö Diosnö atebijatö: Chuluwo̧ Dios, isabenö otiwo̧ ja̧danö juluwo̧ja. Ökwöma isabenö yöbawö kwujuninadanö ja̧bo̧ja, ja̧danö isabenö jwaikwöda kabatibökönö ösödo̧ja ökwö weköbi̧ a̧ja̧kwadönöma.

Marcos 3:3

Ja̧danö, Jesúsma ömamu 'wabo̧nö jwöbijetö: —A̧laibö ichi jojodö tjö'da̧de kwöjamato— jwöbijetö.

Lucas 14:26

—Bakwo̧ ötjö chöba̧ja̧di̧ waisacho̧ baibanö chökömanö ichobö ösöditjö̧ma, okobe deinö ju'wedötjö bajalekwönönö jwaikwöda ötjönöda ösödobö jo̧be. Baikwö yötawa: Iteda yöne ömöledönö, abe'donöbi, ojo'donöbi, ilekwonöbi, i̧tji̧munöbi, öjawo̧dö ömadönöbi, ya̧dönöbi ösödijayonö, jobadönö ösödi̧tjö bajalekwönönö ötjönöda ösödobö jo̧be. Jau chömöledö, jobadönö ösödi̧tjö jwiinö bajalekwönönö ötjönöda ösödobetjö̧, ömöledönö öpöjödobedanö ichejekwena, jobadötjö bajalekwönönö ötjönöda ösödobetjö̧. Jau chömöledö, ötjö isabenö chöba̧ja̧di̧ waisachadöma, ju'wedötjö bajalekwönönö ötjönöda tjösödobö jo̧be, ja̧danö ju'wibi itedada ösödakwawi̧tjö bajalekwönönö ötjönöda ösödobö jo̧be isabenö chöba̧ja̧di̧ waisacho̧ma, ja̧danö jejenö ötjönö ösödökötjö̧ma, isabenö chöba̧ja̧di̧ waisacho̧ ö̧joböma jwibo̧.

Lucas 22:41

Ja̧danö, jejenö yöbawajo̧, ja'yubenö tupakwönö i̧'yinobe, ödöokobe sule bakwo̧ inawa ikwemi meenanö i̧'yinobe, jo̧dawa'ye Diosnö aebobö. Ja̧danö, u̧yu̧ko̧nö bamatö, Diosnö aebinobe baikwö:

Hechos 10:9

Ja̧danö, ju'wi dewachö, jweinö ö̧jena, jobadö 'ya̧jadöma Jopetjöma yöneawachibobe 'yi̧jadötö. Yöneawachibobe tjichena Pedroma Diosnö abebö mö nöchijetö o̧do wame. Jobadö tjichakwa̧ma wajwibijetö Pedroma.

Hechos 2:15

Ökwödöma 'dukwachököwö̧sa ökwödö kwomukwataduwi̧ma. Ina möle ja'ö baibökö. Möle ja̧'ö baibakwa̧ abönöma owawö̧kö̧— yöbawijetö Pedroma—.

Hechos 20:24

Jau chömöledö, usula chemawena Jerusalénbe chȩwa̧jobema. Yayonö Jerusalénbe chȩwa̧jocha. Jejenö Jerusaléntjö usula chemawitjö̧ma usula chemawena. Isabenö yöta̧la. Ötjöma böjȩnö chö̧ji̧ wame jawama ba̧wa̧lö̧jinö edökösa. Ja̧ jawa mikwawökö chömöledö. Biya̧da ba̧wa̧lö̧jinö edo̧sa chömöledö: Otiwa wene yötawoböda ba̧wa̧lö̧jökwesa. Dios jojodönö lȩlö̧jino edö tjö̧jibinö pjaatinobe, jö̧ba̧lö, yötawoböda ba̧wa̧lö̧jökwesa chömöledö. Jejenö Duluwo̧ Jesúsma ötjö yötawoböda weijatö. Jo̧kwaobetjö̧ jo̧ba yötawobö weinama ¿dakwö yötawököjö? Yöbawo̧sa chömöledö. Ötjöma wotenanö baibanö yötawocha Dios weinama— yöbawijetö Pabloma.

Hechos 20:36

Ikenama Pabloma Éfesotjö ichajadö Jesúsnö ösödadö te'ada̧lakwawa jojodönö yöbawö kabatibö jobadökwö tju̧yu̧ju̧ki̧junö bamatö bȩbachibö ja̧bö Diosnö abebijadötö.

Hechos 21:5

Ikenama jelemutjö dötölataja möle baledibajena, tjo̧wi̧ ökwödöma di̧'ya jö̧da̧lawö̧ jobe ju̧kwadö Jesúsnö ösödadöma, tji̧lȩkwa̧mukwö, tji̧tji̧mukwö ökwödökwö tjichijatö tjolabe di̧'yobe, so̧bi̧ya̧pu̧bekwö. Jobe so̧bi̧ya̧pu̧nö du̧yu̧ju̧ki̧junö bamatö Diosnö adebijatö. Abebö kabatö: —Tjo̧wi̧ di̧'ya— jö̧da̧liawö̧: —Jau 'ya̧duwi— jö̧tja̧lijatö Tironö ju̧kwadöma.

Hechos 3:1

Ju'wi möle, Pedro, Juan, Dios ejube 'yi̧jadötö jojodö Diosnö abebö tebachajitjena.

Hechos 4:29

Ina abebijadötö: —Duluwo̧ Dios, babema, jobadöma ökwödönö, Usula kwemawaduwobö wedakobe, jö̧ba̧lö, yötja̧li̧ma a̧ja̧kwi. Ökwödönö, kwömöayedönöma pjabati, tabada̧lökönö yödawobö ökwö yökawinama.

Hechos 5:20

—Dios ejube 'ya̧jaduwi jojodönö kwöba̧ja̧daduwo tjöwaisachibobö ba̧kwȩlö̧jatebö ja̧kwawa wenema— jö̧ba̧lijetö.

Hechos 5:29

Jejenö jö̧a̧liawö̧ Pedroma ju'wedö Jesús webawedöbi jö̧ba̧lijadötö: —Ökwödöma Dios wei̧da a̧ja̧kwadösa. Böjȩnö jojodö wainö wetji̧ma, Dios weidanömaökö wetji̧ ja̧doböma jwiobe yelösöda.

Hechos 7:60

Ikenama, u̧yu̧ju̧ki̧junö jamatö, labinö jwöbijetö, Chuluwo̧, bidö ötjönö sulabenö ja̧tji̧ma omukwatöma lȩkeboko, jö̧ba̧lö. Jejenö jö̧a̧laja̧ ikena ö'wö babibijetö Estebanma.

Hechos 9:40

Ikenama Pedroma okobe deinö a'dewö lobijetö a̧petube. A'dewö lobajo̧ma u̧yu̧ju̧ki̧junö bamatö Diosnö abebijetö. Ja̧danö, abebö kabatö wobajajunö edö jö̧ba̧lijetö: —Tabita, a̧laibi—jö̧ba̧lijetö. Jejenö jö̧a̧lioko jöbajale 'bobebö Pedronö edö a̧laibö bi̧jotö kamapjonö.

Efesios 3:14

Jo̧kwaobetjö̧ Diosma ökwödönö jwiinö otiwanö pjaatinobetjö̧ chu̧yu̧ki̧junö bamatö chösödobe Dabe'do Diosnöma.

Filipenses 1:14

Ja̧danö ju'wibi, ötjöma ka̧lena chö̧bobetjö̧, ba̧jekwadö Jesúsnö ösödadöma tjujuluwachibobedanö ichejekwa Jesúsnö tjösödi̧ma, ja̧danö ajayitjö bajalekwönönö yebabökönö Dios iwene yöbawö tjö̧jobe.

Filipenses 1:20

Inesö jwaikwöda chösödi̧ma biya̧ chömöledö, la'akatjöda tabakwö chö̧jökena jö̧ba̧lö. Jau chömöledö, babebi, tupakwöbi ba̧kwȩlö̧jatebö yebabökönö chö̧jobö chösöda, ötjö ja̧bö chö̧ji̧ edinö jojodö otiwanö Cristonö tjomukwatobö. Jau chömöledö, ötjö böjȩnö chö̧ji̧ma, Cristo ösödi̧ ja̧totö jö̧ba̧lö chö̧jobe, ja̧danö ö'wö batibaja̧ ikenama, o̧penönö otiwakobe. Jo̧kwajabetjö̧ chö̧jitjö̧bi, wotitjö̧bi, bakweminö otiwanö Cristonö tjomukwatinö ja̧tobö chösöda.

Filipenses 4:6

Ja̧danö, okobe jwiinö baledi̧ma, kwo̧'wo̧ tjo̧kekwaduwa chömöledö, dakwö ja̧dakwajö jö̧ba̧löma. Kwo̧'wo̧ tjo̧bekwökönö, Diosnöda akebaduwo chömöledö, jo̧ba pjaatobö akebaduwonö, otiwanö pjabato̧ja jö̧ba̧lö.

Colosenses 3:17

Jau chömöledö, okobe jwiinö yöka̧laduwi̧ma, Duluwo̧ Jesús jawa i̧sebö yöka̧laduwo, ja̧danö okobe jwiinö ja̧köbaduwi̧ma, Duluwo̧ Jesús jawa i̧sebö ja̧köbaduwo. Ja̧danö, Jesús pjaatinobetjö̧, ba̧kwȩlö̧jatebö Dabe'do Diosnö kwösödaduwo, Otiwanö pjabato̧ja, jö̧ba̧lö.

Hebreos 13:15

Ja̧danö chömöledö, ju'wi Diosnö iyö dumusidi̧ midawama jwiobe. Jesús iteda iyawinada jo̧be. Jejenö ji̧jayonö babe mölema ökwödöma Diosnö diyi̧danö juna̧ladösa, Jesús imidawinobetjö̧. Ja̧danö ¿tajida babe Diosnö diyi̧ma? Biya̧ chömöledö: Babe böjȩnö ja̧nö, Diosnö diyi̧ma jo̧banö ba̧kwȩlö̧jatebö abebö, ösödö, Dios ökwöma jwiinö otiwo̧ja, jwiinö pjabato̧ja, jö̧ba̧lö, dö̧ji̧.

Hebreos 4:16

Jo̧kwaobetjö̧ Jesúsma, Diostjö jojodötjö ö'weje la'aka pjabato̧ baibanö jo̧obetjö̧ Diosnö yöbawö, abebö yebabökönö dichibaduwo chömöledö. Isabenö, Diosma ökwödönö lȩlö̧jino edobetjö̧, ökwödönö pjabato̧ do̧'wo̧ tjo̧bekwö dö̧jenama. Chömöledö, Dios, lȩlö̧jino edö pjabato̧nö do̧'wo̧ luwo̧ okwanö dichibenama, jo̧bakwö ö'wachö döbamatobe.

Apocalipsis 2:10

Yötawaduwakwö lekwokobetjö inia tjököbaduwinö baledakobe ökwödönöma. Jejenö baledi̧ma yekabiduwoko, chömöledö. Kwo̧'wo̧ 'dibachibö kwö̧jaduwo. A̧ja̧kwaduwitjö. Awetjama ökwödötjö ju'wedönö ka̧lena ba̧kwawejunö tjödobö weakobe, ötjönö kwo̧'wo̧ kwöwana̧laduwi̧ma kakatibaduwojobö edobö. Ja̧danö, jo̧bama inia tjököbaduwinö ja̧tjobö weakobe, ja'yubeda lekwe, domulataja möle baibanö. Ja̧danö, chömöledö, kabatibökönö kwo̧'wo̧ kwöwana̧laduwotjö, kwabö lotjobö jö̧tja̧lenabi. Yekabiduwoko chömöledö. Ö'wö bakibaduwaja̧ ikena, chöba a'o kwichibaduwena, ba̧kwȩlö̧jatebö ja̧kwawa chiyakwo̧sa, Otiwanö kwujuluwaduwajabe, jö̧ba̧lö.

Apocalipsis 2:13

Jo̧bama baikwö yöawobe ökwödö Pérgamo jojodönö, jo̧banö ösödadönöma: Ötjöma chöwaisa, jobe kwiteboduwima Awetja ba̧nö wei̧danö jo̧be. Jo̧kwaijayonö chedemi ökwödöma jweinö omukwatö, otiwanö kwö̧jaduwobe, Jesúsnöda ösödadösa, jö̧ba̧lö. Ja̧danö, bakwo̧, ötjönö ba̧kwȩlö̧jatebö yöbawo̧, Antipas mikwo̧nö, kwabö lotjenabi ökwödöma kwo̧'wo̧duwi 'dibachibö kakatibinaduwokobe ötjönöma.