Daniel 6:1 - Dios Iwene

¹ La'aka luwo̧ Darío mikwo̧ma omukwatö ujuninobe, yöbawö wei̧ nijima, pjeikwena 'da̧'yö ujunobe, cientoveinte estado baibanö. Ja̧danö, 'da̧'yö junajo̧, estadokwena gobernador baibanö la'aka luwo̧nö ujuninobe.

Daniel 6:1 Iomraidhean Croise

Daniel 11:1

Jau Daniel, ötjöma Dios weökwe ángelso̧ Miguelnö pjabatö jo̧sa. Medo jojodötjö inesö la'aka luwo̧ Darío mikwo̧ luwo̧ baibina o̧bama, ötjöma ajayinö Miguelnö pjatatijatö, ja̧danö ja̧ o̧batjö baikwö bajalenö Miguelnö pjabatö jo̧sa, ökwödö israel jojodönö tjöbeba̧lö pjabatö.

Daniel 3:2

Ikenama, otidö junajo̧, La'aka luwo̧ Nabucodonosorma okobe deinö tjitebotenia luwedönö tjichobö weinobe, jalobe la'aka luwedönöbi, gobernador otidadönöbi, balada te'ada̧ladönöbi, lȩekwa otidadönöbi, okobe deinö ju'wedö luwedö jawa otidadönöbi tjichobö a̧debinobe, o̧'wo̧ jawa ujunajökwenö ösödakwawa ajayi möle tjujunobö.

Daniel 5:31

Ja̧danö, Belsasar ajayinö yöbawö weinemima, medo jojo Darío mikwo̧ma Babilonia niji la'aka luwo̧ baibinobe. Darío jejenö la'aka luwo̧ baibenama, sesenta y dos o̧biya junalo̧ la'aka luwo̧ baibinobe.

Daniel 6:2

Ja̧danö, jobadö ciento veintebedö tjuluwedö batjibanö ömadö wa̧medukwanö presidentedö batjibanö ujuninobe, Danielnöbi, ju'wedö du̧ju̧tajanöbi, jobadöda gobenadorbedönö wetjobö, ja̧danö tjotidina jawa tja̧ja̧kwobö. Jejenö omukwatö ujuninobe Daríoma, yöbawö wei̧ jawa otiwanö tjite'ada̧lobö.

Daniel 9:1

Biya̧ chiwȩyudi̧ma, Darío mikwo̧ Babilonia niji la'aka luwo̧ ö̧jena ajayisaba baledina wene. Jo̧ba Daríoma Asuero mikwo̧ itji̧, medo jojodö tji̧tji̧ tupadanö jojo, ja̧danö Babilonia niji la'aka luwo̧ tjujuninökwe.

1 Pedro 2:14

Ja̧danö, emperador ujuninawö̧ luwedö gobernador ötjabiwö̧ wetji̧bi ja̧bö kwö̧jaduwo. Jau chömöledö, jobadö luwedöma döpöjojodöböködö, ökwödönö pjatjato jö̧ba̧lö la'aka luwo̧ ujuninawö̧. Jau chömöledö, pjabatadö batjibanö emperadorma jobadönö ujuninobe, otiwanö ja̧badönö ösödö, otiwanö ja̧badöja jö̧ba̧lö yötjawobö, ja̧danö ju'wibi sulabenö ja̧badönö lȩtjebobö ujuninobe la'aka luwo̧ma. Jo̧kwajabetjö̧ jobadönö öpöjödökönö wetji̧ ja̧bö kwö̧jaduwo.