Daniel 5:8 - Dios Iwene

⁸ Jo̧kwaijayonö, okobe deinö jobadö waisanö omukwatadö jö̧ba̧lö ötjabiwö̧ tebachö tjedijayonö, bakwo̧bi deinobe wȩyukwi̧ yöba̧lo̧ma, ja̧danö bakwo̧bi deinobe labebö lobö yöbawo̧ma.

Daniel 5:8 Iomraidhean Croise

Génesis 41:8

Ja̧danö, dewachena faraónma i̧'wi̧dikwaja̧ omukwatö jwiinö o̧'wo̧ tjo̧bekwijetö. Jo̧kwaobetjö̧ jwöbijetö okobe deinö ma̧li̧mu̧nö, ja̧danö okobe deinö jwiinö waisadönö tjichobö. Ichajadönö i̧'wi̧dikwaja̧ yöawijayonö bakwo̧bi deijetö, jo̧ba i̧'wi̧dikwaja̧ labebö loawa waiso̧ma.

Isaías 47:9

Jo̧kwaijayonö, baikwö yötawakwö, ja̧ dötölataja jawama juluwanö ökwönö baledakobe. Juluwanö bakwöta möle, kwitji̧mu debuju bakibakwujuja, ja̧danö kwilekwe wobö ujunibinoko bakibakwujuja. Nöinö mea bobö, —Mea boti̧ma juluwi̧ ji̧, —jö̧ba̧lö mea boköbijayonö, ja̧ baledakwa̧ma labinö baledakwujuja.

Daniel 2:27

Abebö a̧ja̧kwökwe, Danielma atadinobe: —Isabenö böjȩtjö bakwo̧bi deobe kwi̧'wi̧dikwina yöbawo̧ma, waisanö omukwatadötjöbi, mea bobadötjöbi, tupakwö baledakwa̧ yöbawadötjöbi, si̧li̧'idönö waisachadötjöbi, bakwo̧bi deobe.

Daniel 4:18

Ötjö inesö la'aka luwo̧ Nabucodonosorma jobekwö chi̧'wi̧dinö chedina yötawakwö Beltsasar, ja̧danö labebö loköbobö atebakwö. Jau Beltsasar, okobe deinö ju'wedö chömöayedö waisanö omukwatadöma, labebö lobö yötjawobö jwibadö, jo̧kwaijayonö jobadö yötjawobö jwitjijayonö, chöwaisa ökwönö Beltsasar, isabenö yökawobö jo̧be jö̧ba̧lö. Jau Beltsasar, chöwaisa, isabenö diosbedö tjo̧'wo̧ luwo̧ tjö̧jökweja, ja̧danö isabenö yökawobö jo̧be— jö̧ba̧lö yöawinobe Nabucodonosorma Danielnö.

Daniel 4:4

Tupakwö yöawinobe Nabucodonosorma: Chömöledö, ötjö Nabucodonosorma cheju otiwejunö cho̧'wo̧ ösöwanö chö̧jijatö, wene jwiinö chö̧jijatö.

Daniel 4:7

Jo̧kwajabetjö̧ mea bobadöbi, tupakwö baledakwa̧ yöbawadöbi, si̧li̧'idönö waisachadöbi chöba a'o tjichibinobe. Ichibajadönö chi̧'wi̧dikwaja̧ yötawijatö, jo̧kwaijayonö labebö lobö yötjawobö wajwitjinobe, baikwö jö̧ba̧lö kwi̧'wi̧dikwajabe jö̧ba̧lö.

Daniel 5:15

Ju'wedö waisanö omukwatadöbi, mea bobadöbi biya̧ wȩyukwi̧ jawa yötja̧loböbi, labebö lobö yötjawoböbi tjichatö, jo̧kwaijayonö waekwatö, labebö loböma yötjawökötö.