Daniel 5:14 - Dios Iwene

¹⁴ Ökwönö cha̧ja̧kwajabe, isabenö diosbedö tjo̧'wo̧ luwo̧ tjö̧jökweja jö̧ba̧lö, ja̧danö isabenö waiso̧ja, ja̧danö okobe jwiinö waisanö okwanö omukwato̧ja jö̧ba̧lö cha̧ja̧kwajabe.

Daniel 5:14 Iomraidhean Croise

Génesis 41:15

Ikenama faraónma ichajo̧nö yöbawijetö: —Ötjöma chi̧'wi̧dikwatö, ja̧danö bakwo̧bi chi̧'wi̧dikwaja̧ labebö lobö yöawotjöwe jö̧ta̧lemi deatö. Ja̧danö, yötjawi̧ cha̧ja̧kwatö ökwönöma, 'wi̧di̧kwakwawa labebö loawa waiso̧, jö̧ba̧lö— yöbawijetö.

Génesis 41:38

Ikenama faraón jö̧ba̧lijetö ipjea jojodönö: —Isabenö Jelo̧ma bitedajayo̧nöma döbadekwajökena. Chedemi Dios O̧'wo̧ Luwo̧ma bitekwö jo̧— jö̧ba̧lijetö.

Daniel 2:22

Jo̧bada okwa jawa, jojodö wajwitji̧ jawa i̧sebo̧ma, ja̧danö bakwainö dewinö ö̧jijayonö, okobe jwiinö yȩa'wo okwa ji̧ jawa waiso̧ma jo̧bada.

Daniel 4:8

Ja̧danö, bajaleapo Danielma chöba a'o ichibinobe, ju'wi imi Beltsasar jö̧ba̧lö chimidinökwema. Ja̧ Beltsasar jö̧ba̧lö chimidinama, o̧'wo̧ jawa chösödökwe imi omukwatö chimidinobe, ja̧danö jo̧ba Danielma isabenö diosbedö tjo̧'wo̧ luwo̧ tjö̧jö̧kwe. Ichibajo̧nö chi̧'wi̧dikwina yötawijatö, baikwö:

Daniel 5:13

Jejenö yöjawiökwe, Belsasarma Danielnö tjichejebobö weinobe, ja̧danö tjichejebajökwenö yöa̧linobe baikwö: —¿Ökwöma chabe'do Nabucodonosor Judá nijitjö öbibö ȩwa̧jinökwe Daniel mikwo̧ kwö̧jiji̧?

Daniel 5:15

Ju'wedö waisanö omukwatadöbi, mea bobadöbi biya̧ wȩyukwi̧ jawa yötja̧loböbi, labebö lobö yötjawoböbi tjichatö, jo̧kwaijayonö waekwatö, labebö loböma yötjawökötö.

Daniel 6:3

Ja̧danö, Danielma omajadenö isabenö otiwanö otidobö jö̧a̧linobe, ja̧danö ju'wedötjö bajalekwönönö isabenö otiwanö otidinobe. Jejenö otiwanö otidö ö̧jiökwe, Daríoma omukwatinobe, okobe jwiinö iteda yöbawö weena niji la'aka luwo̧ baibanö Danielnöda ujunobö.