Daniel 4:5 - Dios Iwene

⁵ Ja̧danö, cho̧'wo̧ ösöwanö chö̧jemi ja'ötjö, chi̧'wi̧dikwijatö, ja̧danö chi̧'wi̧dikwajabetjö yetaibijatö, taji jö̧ba̧lö chi̧'wi̧dikwaja̧jö jö̧ba̧lö. Ja̧danö, kamapjonö ba̧nö chi̧'wi̧dikwaja̧ omukwatö yebabinö chö̧bijatö abökönö.

Daniel 4:5 Iomraidhean Croise

Génesis 41:1

Ja̧danö, ja̧ baledina ikena dötölataja a̧yo la'aka luwo̧ faraónma 'wi̧dikwijetö, baikwö: I̧'wi̧dinöma jo̧bama ojwe ö'öbö, Nilo mikwödönö ö̧jobekwö.

Daniel 1:7

Ja̧danö, jobadönö omudawajo̧, Aspenazma jobadönö tjimi wainö imidinobe, Babilonia jojodö tjimikwi̧danö, baikwö: Danielnö Beltsasar jö̧ba̧lö imidinobe, ja̧danö Ananiasnö Sadrac jö̧ba̧lö imidinobe, ja̧danö Misael mikwo̧nö Mesac jö̧ba̧lö imidinobe, ja̧danö Azarías mikwo̧nö Abednego jö̧ba̧lö imidinobe.

Daniel 2:1

Nabucodonosor inesö la'aka luwo̧ ja̧nö döbalataja o̧biya weaja̧ ikena baikwö baledinobe: Ju'wi yö̧te i̧'wi̧dikwinobe, ja̧danö edajiö̧kö̧ jawa i̧'wi̧dikwajabetjö, Ayö, dakwö jö̧ba̧lö chi̧'wi̧dikwaja̧jö jö̧ba̧lö bö̧ti̧ jwibekwö ö̧jinobe.

Daniel 2:3

Ja̧danö, ichajadönö weinobe Nabucodonosorma, baikwö: —Jo̧da yö̧te chi̧'wi̧dikwatö, ja̧danö chi̧'wi̧dikwaja̧tjö cho̧'wo̧ tjoekwobe, taji jö̧ba̧lö chi̧'wi̧dikwaja̧jö jö̧ba̧lö. Jo̧kwajabetjö̧ chi̧'wi̧dikwaja̧bi, chi̧'wi̧dikwaja̧ labebö loawabi yöbawaduwitjö— jö̧ba̧lö weinobe.

Daniel 4:10

Kamapjonö ba̧nö chi̧'wi̧dikwaja̧ma baikwö yötawa: Böjȩ ö'wejenö jo̧wi towi chedijatö, jwiinö möowima.

Daniel 4:13

Tupakwö yöawinobe Nabucodonosorma, i̧'wi̧dinö edina jawama: —Ja̧danö, kamapjonö chö̧bonö, chi̧'wi̧didanö chedijatö baikwö: Bakwo̧ mölejȩbe jo̧ ángelma mölejȩbetjö jwiachinobe,

Daniel 4:15

Jo̧kwaijayonö towi jubö loköbaduwijayonö, towi la'aka sa'oma 'yebökönaduwi, jubö lobajadö, 'dii jawanöbi, broncenöbi jwabaduwi. Ja̧danö isa'o jobe meje ö'wejenö jo̧bö junibaduwi jö̧ba̧lö weinobe ángelma. Ja̧danö tupakwö towi jawa yöawinobe ángelma, jojonö yöa̧li̧danö, baikwö: Jo̧banö webaduwi, tebonö ju̧kwadökwö mejenö ö̧jobö, ja̧danö mejenö ja̧nö, yȩayikwena si̧li̧'idö tji'olinö i̧'bȩkwobö webaduwi.

Daniel 4:19

Jejenö yöawiökwe, Daniel, ju'wi imi Beltsasarma o̧'wo̧ tjo̧bekwö ö̧jinobe, yöbawökönö, ja̧danö Nabucodonosor i̧'wi̧dikwina jawa omukwatö, Ayö jö̧ba̧lö omukwatö ö̧jinobe. Jejenö ö̧jiökwe, Nabucodonosorma jo̧banö yöa̧linobe: —Yebabökönui, chi̧'wi̧dikwina omukwatö yebabökönui, ja̧danö labebö loawa omukwatöma yebabökönui, yebabökönö jweinö yöbawitjö— jö̧ba̧lö. Yöa̧liökwe, Daniel ju'wi imi Beltsasarma atadinobe: —Chuluwo̧, kwi̧'wi̧dikwina jawa ökwönö baledobö chöpöjöda, kwöpöjojodönöda baledobö chösöda, isabenö labi̧ jawa baledakwa̧ kwi̧'wi̧dikwinobetjö̧.

Daniel 5:10

Belsasarbi, ju'wedö luwedöbi yötja̧lakwawobe a̧ja̧kwö, Belsasar ojo'doma pjiesta tjukwȩko̧ tebachö yöjawinobe: —La'aka chuluwo̧, lekwe duluwo̧ kwö̧jobö chösöda. Biya̧ baledaja̧ omukwatö yekaboko, ja̧danö kwöba deatji baibanö kwö̧joko chuluwo̧, pjabato̧ deokobe, isabenö pjabato̧ ö̧jobe.

Daniel 5:11

Isabenö kwömöayedötjö bakwo̧ ö̧jobe, juluwadö diosbedö tjo̧'wo̧ luwo̧ tjö̧jökwema. Kwabe'do Nabucodonosor ina yöbawö ö̧jayi, jo̧banö tjöbadekwajinobe, nöinö waiso̧nö, waisanö omukwato̧nö, bakwainö diosbedö tjomukwati̧danö omukwato̧nö tjöbadekwaijinobe. Ja̧danö ökwötjö ajayinö ji̧na la'aka luwo̧bina Nabucodonosorma jo̧banö ujuninobe, okobe deinö mea bobadötjöbi, si̧li̧'idönö waisachadötjöbi, tupakwö baledakwa̧ yöbawadötjöbi inesö la'aka luwo̧ baibanö.

Daniel 7:1

Babilonia niji la'aka luwo̧ Belsasar la'aka luwo̧ ö̧bena, Danielma i̧'wi̧dinö edinobe. Ja̧ i̧'wi̧dinö edinama, Belsasar luwo̧ weayi ajayi o̧banö i̧'wi̧dinö edinobe. Kamapjonö yö̧te ba̧nö, i̧'wi̧dinö edinobe, ja̧danö i̧'wi̧didanö edinobe. Jemi ikenama, i̧'wi̧dinö edaja̧ iwȩyudinobe, baikwö:

Daniel 7:28

Jobekwö chedatö chi̧'wi̧dinö. Ja̧danö ötjö Danielma, ja̧ jawa omukwatö yetaibatö, tajijö jö̧ba̧lö, ja̧danö chöbama deöja baibatö. Jo̧kwaijayonö ju'wedönö yötawökötö ja̧ chedaja̧ma.