Daniel 4:35 - Dios Iwene

³⁵ Jo̧ba öba a'otjö isabenö mikwawöködösa ökwödö böjȩ jojodöma, jo̧ba ujuluwi̧danöma juluwöködösa. Jo̧bama iteda ösödi̧danöda ja̧bo̧ma, ángelesdö tjöjena mölejȩbetjöbi, jojodö dö̧jena böjȩtjöbi. Bakwo̧bi deobe jo̧banö, Kabati, jö̧ba̧lö webo̧ma, bakwo̧bi deobe sulabenö ja̧köba, ¿tajawedö jejenö ja̧köbaja̧da? jö̧ba̧lö lȩbebo̧ma jö̧ba̧lö yöa̧linobe Nabucodonosorma Diosnö.

Daniel 4:35 Iomraidhean Croise

Diosnö ösödo̧ Job mikwo̧ usula emawina jawa 23:13

—Jo̧kwaijayonö, Dios wei̧ a̧ja̧kwö chö̧jijayonö, yayonö usula chemawinö webo̧ Diosma. Balewö lobö̧kö̧ Diosma, ja̧danö bakwo̧bi Diosnö webo̧ma deobe, –Omukwatö kwujunaja̧ kabatibi, –jö̧ba̧lö webo̧ma. Iteda omukwati̧danö ja̧bö jo̧ Diosma, iteda ösödi̧danö.

Diosnö ösödo̧ Job mikwo̧ usula emawina jawa 34:29

—Jo̧kwaijayonö ju'wibi yötawakwö, jojodö sulabenö ja̧tjijayonö, lȩbebökönö, –Yadakwöda, –jö̧ba̧lö Dios iteada̧lobö ösöditjö̧ma, yayonö bakwobi jo̧banö yöa̧lobö jwiobe, –Dios, Sulabenö lȩbebö̧kö̧ja, –jö̧ba̧lö, Diosda inesö la'aka luwo̧obetjö̧. Ja̧danö Diosnö tjedapji jö̧ba̧lö, Dios uju̧kwawobö jö̧a̧litjö̧ma, bakwo̧bi jo̧banö edobö jwiena. Jejenö jo̧be Job, ja̧danö ju'wikwenama juluwanö lȩbebökönö, ö̧ji̧ tjedobö i̧sȩbököjayonö, jo̧bada inesö la'aka luwo̧ma, tjitebokwena inesö la'aka luwo̧bi, jojodö bakwo̧nökwena inesö la'aka tjuluwo̧bi jo̧bada.

Diosnö ösödo̧ Job mikwo̧ usula emawina jawa 40:2

—Job, ökwöma ötjö Okobe Jwiinö Juluwo̧ Dioskwö jwöjwöbakwawö, jwekebobö jö̧ka̧li̧ji̧? Ötjö Diosnö yöka̧lajabe, –Diosma sulabenö ja̧ajabe, –jö̧ba̧lö, tajawedö abebö cha̧ja̧kwaja̧ atadökönö kwö̧jobeda? Isabenö ötjönö jwekebobö ji̧tjö̧ma, kwatado jö̧ka̧lena, —jö̧ba̧lö yöa̧linobe.

Diosnö ösödo̧ Job mikwo̧ usula emawina jawa 42:2

—Chuluwo̧ Dios, chöwaisa, –Okobe jwiinö kwotidobö juluwo̧ja, –jö̧ba̧lö. Chöwaisa, –ju'wi jaye kwotidobö omudawö kwujunitjö̧ma, bakwo̧bi tjöeba̧lobö jwibo̧, –jö̧ba̧lö.

Diosnö ösödo̧ Job mikwo̧ usula emawina jawa 9:4

Jau, isabenö jwiinö waisanö omukwato̧ Diosma, ja̧danö isabenö jwiinö juluwo̧. Bakwo̧bi Dios öba a'o 'diinö jwöjwöbakwawö jo̧ ö̧jȩnaji̧? Bakwo̧bi Dios öba a'o ja̧nö, isabenö wene jwibo̧sa i̧sȩbo̧ma ö̧jenaji̧? Deobe la'akatjöda. Bakwo̧bi Dios öba a'o 'diinö jo̧ma deobe.

Proverbios 21:30

Ja̧danö, ju'wibi yötawa: Isabenö Jo̧ma ökwödö domajadenö domukwati̧ma waiso̧. Ja̧danö, ökwödö jojodöma yöda̧lena, Ökwödöma jweinö omukwatadösa̧, ja̧danö, di̧ya sulojobö jö̧ba̧lö, di̧ya otiwojobö jö̧ba̧lö waisadösa, ja̧danö, baledakwa̧ma ajayinö omukwatadösa, jö̧ba̧lö. Jobekwö domukwatijayonö Isabenö Jo̧ma ökwödö domukwati̧ öpöjöditjö̧ma weena domukwati̧danö badekwachinö waekwobö. Isabenö ¿dakwö badekwachoböda ökwödö domukwati̧danö Isabenö Jo̧ma öpöjöditjö̧ma? Badekwachokobe.

Isaías 19:17

Ja̧ möle Juda niji jojodönö jwiinö yetjaibakobe Egipto jojodöma, okobe deinö Egipto jojodötjö Juda jojodönö a̧ja̧kwadöma, jwiinö yetjaibakobe, —Ayö, Juda jojodö tjösödökwe Isabenö Jo̧ Okobe Jwiinö Juluwo̧ Diosma isabenö labinö ökwödönö lȩebobö omukwatö ujunajabe, —jö̧ba̧lö.

Isaías 26:9

Chuluwo Dios, jwiinö chösödakwö, yö̧tebi jwaikwöda ökwönö ösödo̧sa. Cho̧'wo luwo̧ma jwaikwöda ökwönö isakwö jo̧ chuluwo̧. Jau chuluwo̧, bö̧jȩtjö lȩekwa yöbawö, lȩkebenama, bö̧jȩ jojodöma otiwanö jabö ja̧kwawa, weköbi̧ a̧ja̧kwö ja̧kwawa waisachibadö, jo̧kwajabetjö̧ jwaikwöda ökwönö isakwö jo̧sa.

Isaías 43:13

Jau, ötjödasa ba̧kwelöjatebö ji̧na Diosma, ja̧danö ba̧kwelöjatebö 'dö̧jibajökönö ö̧jakwo̧ Diosma ötjödasa. Ötjö chotidobö jö̧ta̧lenama, bakwo̧bi tjöbeba̧lo̧ma deobe, ja̧danö ötjö chotidaja̧ma, bakwo̧bi chotidajokobedanö balewö loobö jwiobe, ötjödasa Diosbo̧chobetjö̧, jö̧ba̧lö yöa̧lobe Diosma.

Daniel 6:27

Jo̧bama iteda ömöledönö tjö̧jibinö pjabato̧, ja̧danö wene tjujuna̧li̧tjö latjebobö pjabato̧. Mölejȩbetjöbi, böjȩtjöbi iteda ujulu i̧sebö jojodö edajitjökö jawa i̧sebo̧ Diosma, ja̧danö jo̧bada iteda ujulu i̧sebö Danielnö didibadötjö ö̧jibinö pjaatajabe— jö̧ba̧lö iwȩyudinobe Daríoma.

Hechos 11:17

Chömöledö, yötawaduwakwö, Diosma jo̧ba O̧'wo̧ Luwo̧nö judío jojodöböködönöbi weijatö, Jesúsnö ösödadönöma. Jejenö weijatö jobadönö, ökwödö judío jojodönö bakwainö weinadanö, Jesúsma dö̧jibinö pjabato̧, jö̧ba̧lö, dösödinena Jesúsnöma. Jo̧kwaobetjö̧ chömöledö abebö cha̧ja̧kwa ötjödada, ¿Ötjöma Diosnö wetenaji̧, Dios bidönö Kwo̧'wo̧ Luwo̧nö weköba, jö̧ba̧lö? Ja̧maökö chömöledö. Ötjöma Diosnö webökösa— yöbawijetö Pedroma.

Hechos 4:28

Ja̧danö, jobadöma ökwöda ajayinö kwujulunö badedö kwujuninada baledobö ja̧tjinobe— abebijadötö Diosnö.

Hechos 5:39

Jo̧kwaijayonö, Dios jawaitjö̧ma yelösöda 'dö̧ibajokobe. Dios jawaitjö̧ma ökwödöma dujuluwökena jobadönöma. ¿Tijidöda Dios jawa 'dö̧ibajobö juluwadöma? Deobe chömöledö. Jo̧kwaobetjö̧ yöta̧la, tjöbeba̧lö̧jönö deda̧laduwo—yöbawijetö Gamalielma judío jojodötjö la'aka luwedönöma.

Hechos 9:5

Jejenö abebö a̧ja̧kwiökwe Sauloma abebö a̧ja̧kwijetö: —Chuluwo̧, ökwöma ¿tida?— abebö a̧ja̧kwiökwe: —Ötjöma Jesússa, ökwö sulabenö ja̧köbökwema— yöbawijetö—.

1 Corintios 10:22

Chömöledö, jejenö ja̧bö Duluwo̧ ökwödönö ödameakwo jö̧ba̧lö ja̧dena ichejekwa, ökwödönö ö'wiabinö edo jö̧ba̧lö. ¿Dakwö kwomukwataduwa chömöledö? ¿Ökwödöma Duluwo̧nötjö o̧penönö juluwadödobeji̧, jejenö wene jwiinö ja̧do jö̧ba̧lö? Juluwöködösa chömöledö.

1 Corintios 2:16

Jau chömöledö, Dios iwene baikwö laebobe: Böjȩ jojodötjö bakwo̧bi deobe, Duluwo̧ omukwati̧ waiso̧ma, ja̧danö bakwo̧bi Duluwo̧nö ba̧ja̧do̧ma deobe jö̧ba̧lö laebobe. Ja̧danö böjȩ jojodö Dios omukwati̧ tjöwaisoböma jwibadö. Jo̧kwaijayonö ökwödö Cristonö ösödadöma Dios omukwati̧ döwaisobö jo̧be chömöledö, ökwödöma Cristo omukwati̧ dujuna̧lobetjö̧.

Efesios 1:11

Chömöledö, Diosma okobe jwiinö baledobö ösödi̧ma badekwachinö ja̧bo̧. Ja̧danö, ökwödönö, judío jojodönö omudawö junijetö Cristokwö bakobe dötewinö badibobö, jejenö badibobö omukwatö ösödinobetjö̧.

Josué 2:2

Ja̧danö, jobe niji jojodödanö tjichejekwotö jö̧ba̧lö ja̧tji̧najayonö, ju'wedöma Jerico comunidad la'aka luwo̧nö yötjawinobe, —Duluwo̧, israel jojodötjö ju'wedöma babe yö̧te ditebo comunidad tetjachajabeta, ditebo niji tjedotö jö̧ba̧lö ichajadöma, —jö̧ba̧lö.

1 Samuel 3:18

Weökwe, Samuelma okobe jwiinö Dios yöawaja̧ yöawinobe Elinö, ja'yubebi tojö junökönö. Jadanö yöawökwe, Elima atadinobe, —Jau, jo̧bama duluwo̧ Isabenö Jo̧, iteda omukwatö ujuni̧danö ja̧obö jo̧be, —jö̧ba̧lö.