Daniel 4:22 - Dios Iwene

²² Baikwö yötawakwö la'aka chuluwo̧ Nabucodonosor, jowi badekwachökwema ökwöda. Ökwöma isabenö juluwo̧ bakibajabe, ja̧danö wanedö yötawa, mölejȩbe ichibanö juluwo̧ bakibajabe ichejekwa, ja̧danö böjȩ bakwameachibanö ju̧kwadönö kwujuluwajabe, tjuluwo̧ bakibanö.

Daniel 4:22 Iomraidhean Croise

Génesis 11:4

Ikenama yöba̧lakwawijadötö: —Duju̧kwemi comunidad dotido. Ja̧danö, comunidadnö o̧do möeju dotido mölejȩbe ichibanö. Jejenö dotiditjö̧ma okobe deinö böjȩnö ju̧kwadöma ökwödönö tjöwaisakobe, otiwanö tjotidinobe möejuma, jö̧ba̧lö. Ja̧danö, jejenö otidö ökwödöma bakwainö omukwatadö babibajadö benada otiwanö bakobe duju̧kwakobe. Jejenö dö̧jo böjȩ bakwemeachibanö wainökwena duju̧kwökakobetjö̧, ökwödötjö ju'wedö jelobe, ökwödötjö ju'wedö jelobebi— yöba̧lakwawijadötö.

Génesis 28:12

Jejenö abemi okwanö i̧'wi̧di̧nö edijetö Jacobma baikwö: Nöchawaka böjȩtjö̧ mölejebe dötewinö jo̧bekwö edijetö. Ja̧kanö Dios weajawö̧ ángelesdöma nöchöbi tjö̧nöchobekwö edijetö. Ja̧danö, yutubajöbi yututjajobekwö edijetö ja̧kanö.

2 Samuel 12:7

Jö̧a̧liökwe, Natanma Davidnö yöawinobe: —¡Ökwödaja David luwo̧danö jo̧nö yötawajökwema! Yöta̧laja̧ma ökwönöda wanekwachobe. Ja̧danö jejenö ja̧köbiökwe, baikwö yöawobe Isabenö Jo̧ israel jojodö Tjuluwo̧ Diosma: –David, Ötjödasa israel jojodö tjuluwo̧ bakibanö juninama, ja̧danö ötjödasa kwö̧jibinö pjabatinama, Saulmine ökwönö kwabö loapji jö̧ba̧löma.

Daniel 2:21

Isabenö Diosda tupakwö baledakwa̧ omukwatö juno̧ma, babe baledakwa̧bi tupakwö baledakwa̧bi. La'aka luwedötjö ju'wedönö la'aka luwedö tjö̧ji̧tjö latjebobö webo̧ Diosma, ja̧danö la'aka luwedö tjö̧jinemi balekwedönö webo̧. Diosda jojodö waisanö omukwatadö batjibobö pjabato̧ma, ja̧danö jo̧bada waisachadö nöinö tjöwaisachibobö pjabato̧ma.

Daniel 4:11

Jowi da̧peachinobe, bajalema mölejȩbe ichibanö da̧peachinobe, ödötjö böjȩ ö'öbötjöbi otiwanö öwawowi baibanö.

Daniel 4:21

ja̧danö öjiyama jwiinö otiwowi, ja̧danö nöinö wa̧jowi kwedinobe, ¿jö̧tö? Ja̧danö okobe deinö wa̧ji̧ tjukwowi, ja̧danö tebonö ju̧kwadö teebe tjö̧bowi, ja̧danö pji̧yu̧ tjö̧wajowi kwedinobe kwi̧'wi̧dinö, ¿jö̧tö?

Daniel 4:29

Daniel yöawaja̧ ikena o̧ba bakwaba baledaja̧ ikenama, iteda eju otiweju, Babilonia comunidadsejutjö mö kweachinobe, o̧dobi, comunidadbi edö kweachinobe.

Daniel 4:36

Ja̧ möle tebonö ju̧kwadö tjo̧mukwati̧danö omukwatökönö, chomukwati̧ma yemidanö otiwanö chomukwatijatö. Ja̧danö, jojo omukwati̧danö yemidanö otiwanö chomukwatenama, yemidanö otiwanö tjomukwatinobe ötjönö, ja̧danö yemidanö inesö la'aka luwo̧ chö̧jijatö. Okobe jwiinö ajayinö chujuna̧linama tjeachajinobe, chujulubi, otiwi̧ jawa chujuna̧linabi. Ja̧danö ötjönö pjabatinadöbi, ju'wedö luwedöbi ötjönö tjisakwinobe, ja̧danö inesö la'aka luwo̧ batibanö yemidanö chö̧jijatö, ja̧danö ajayitjö bajalekwönönö jwiinö juluwo̧ batibijatö.

Apocalipsis 18:5

Babilonianö ju̧kwadöma sulabenö ja̧tji̧ nöobetjö̧ jobadönö lȩbebo̧sa. Jo̧kwaobetjö̧, jobetjöma labebaduwi. Jobadö sulabenö ja̧tji̧ma, nöi̧. So̧bi̧ya̧pu̧ yudö wa̧tjawi̧danö wa̧tjawitjö̧ma mölejȩbe ichibenanö nöi̧, Babilonianö ju̧kwadö sulabenö ja̧tji̧ma. Ötjöma jobadö sulabenö ja̧tji̧ma cho̧'wo̧ jwibibö̧kö̧sa. Jobadönö lȩbebo̧sa.