Daniel 4:1 - Dios Iwene

¹ Ju'wi o̧ba, la'aka luwo̧ Nabucodonosorma jojodönö yöawinobe jo̧banö baledina wene, baikwö: —Ötjöma Nabucodonosor mikwo̧sa, ja̧danö okobe deinö jelesokwena jojodönö, ja̧danö tjitebotenia jojodönö, ja̧danö tjiwenetenia yöba̧ladönö yötawa baikwö: Wene jwiinö otiwanö kwö̧jaduwobö chösöda.

Daniel 4:1 Iomraidhean Croise

1 Crónicas 12:18

Jobekwö yöa̧liökwe, Dios O̧'wo Luwo̧ma treintabedötjö luwo̧ Amasai mikwo̧kwö ichibinobe, ja̧danö Dios O̧'wo Luwo̧ weonö yöa̧linobe: —Duluwo̧ Isai itji̧ David, ökwödöma ökwöda kwömöledösa, isabenö ökwönö pjadatobö jö̧ba̧ladösa. Jau David kwuluwo̧ Diosma isabenö ökwökwö pjabatö jo̧, jo̧kwajabetjö ökwönöbi, okobe deinö ökwönö pjabatadönöbi Dios pjaatobö dösöda, —jö̧ba̧lö atadinobe Amasaima. Ja̧danö, jobekwö yöa̧liökwe, ösödinobe Davidma, ja̧danö jo̧bakwö batjibobö weinobe, ja̧danö jobadönö ujuninobe, iteda ömöayedö ölakwabikwawa jojodötjö luwedö batjibanö.

Daniel 3:29

Jo̧kwajabetjö̧ babema 'yayi̧ weawa wetobe baikwö: Bakwo̧bi bidö tjuluwo̧ Diosnö sulabenö yöa̧lobö jwiobe, okobe deinö chömöayedötjö tjitebotenia jojodöbi, bakwosokwena jojodöbi, wainökwena yöba̧ladöbi, otiwanö yötja̧lobö jo̧be bidö Sadracbi Mesacbi Abednegobi tjösödökwe Diosnö. Ja̧danö bakwo̧ jo̧banö sulabenö yöa̧litjöma, jo̧banö bulabinö lotjakwo̧, ja̧danö ejuma jwiinö pjolö lotjakweju, inasoda baibanö. Isabenö tjuluwo̧ Diosdanöbo̧ma deobe, jo̧ba pjaataja̧danö ömöayedönö tjö̧jibinö pjabato̧ma deobe— jö̧ba̧lö yöa̧linobe Nabucodonosorma.

Daniel 3:4

Ikenama jobe ko̧ko̧kwibajadönö yöbawo̧ma labinö yöawinobe: —Ökwödöma böjȩ bakwameachibanö tjitebotenia jojodöja, ja̧danö bakwasokwena jojodöja, ja̧danö wainökwena tjiwenetenia yöba̧ladöja, jo̧kwaijayonö okobe deinö bakobe kwa̧ja̧kwaduwobö jo̧be Inesö la'aka luwo̧ ökwödönö wei̧ma, okobe deinö ökwödönö wei̧ma bakwaiobe.

Daniel 6:25

Jemi ikenama Daríoma kwialusöja iwȩyudinobe okobe deinö jojodö iteda ömöayedönö, baikwö: —Ökwödö böjȩ bakwameachibanö ju̧kwadö kwiteboduwitenia ju̧kwadö, ja̧danö kwiweneduwitenia yöba̧ladönö chiwȩyudobe baikwö: Wene jwiinö otiwanö kwö̧jaduwobö chösöda.

Daniel 6:27

Jo̧bama iteda ömöledönö tjö̧jibinö pjabato̧, ja̧danö wene tjujuna̧li̧tjö latjebobö pjabato̧. Mölejȩbetjöbi, böjȩtjöbi iteda ujulu i̧sebö jojodö edajitjökö jawa i̧sebo̧ Diosma, ja̧danö jo̧bada iteda ujulu i̧sebö Danielnö didibadötjö ö̧jibinö pjaatajabe— jö̧ba̧lö iwȩyudinobe Daríoma.

Daniel 7:14

Ja̧danö Diosma jo̧banö iyobekwö chedatö, inesö la'aka luwo̧ baibobö. Dejatinö ujulu jo̧banö iyatö, ja̧danö yöbawö weakwa̧bi iyatö, okobe deinö böjȩ bakwameachibanö ju̧kwadö jo̧ba wei̧ tjotidobö, tjitebotenia ju̧kwadöbi, tjiwenetenia yöba̧ladöbi. Jo̧ba yöbawö wei̧ma, ba̧kwȩlö̧jatebö 'dö̧ibajökenanö yöbawö weakwo̧. Bakwo̧bi la'akatjöda söbebö loökakobe jo̧ba yöbawö wei̧ma, 'dö̧ibajökenanö kabatökönö yöbawö weakwo̧.

Hechos 2:6

Jobadötjö ju'wedöma Dios O̧'wo̧ Luwo̧ öjamatajawö̧ yötjawobe a̧ja̧kwijadötö. A̧ja̧kwö tjö̧jobekwö 'ya̧wibö bakwo̧nökwena tja̧ja̧kwemi idöda tjiwenekwena yötjawi̧ a̧ja̧kwijadötö. Jejenö a̧ja̧kwö jö̧bekwa̧lijadötö: —A̧ja̧kwaduwi. Jobadöma ¿dakwö yöbawadöjö?

Efesios 1:2

Chömöledö, Dabe'do Diosma ökwödönö lȩlö̧jino edobö chösöda. Ja̧danö, Duluwo̧ Jesucristobi ökwödönö lȩlö̧jino edobö chösöda. Ja̧danö, Dabe'do Diosbi Duluwo̧ Jesucristobi ökwödönö pjatjatobö chösöda, kwo̧'wo̧ luwo̧duwi ösöwachibanö bakibaduwinö.

1 Timoteo 1:2

Ja̧danö, böja kwialusöja chiwȩyuda ökwönö Timoteo. Ökwöma ötjöda chitji̧danöbo̧ja bakobe Jesúsnö ösödö dö̧jobetjö̧. Dabe'do Diosnöbi, Duluwo̧ Cristo Jesúsnöbi ateba, mikwa jwiinö otiwa jawa iyö ökwönö pjatjatobö, ja̧danö lȩlö̧jinö edö ökwönö pjatjatobö, ja̧danö kwo̧'wo̧ luwo̧nö wene jwiinö kwö̧jobö pjatjatobö.

1 Pedro 1:2

Jau chömöledö, Dabe'do Dios ajayitjöda ökwödönö öwaisinadanö, Dios O̧'wo̧ Luwo̧da ökwödönö 'da̧batö ujuninobe, Jesucristo wei̧ ja̧bö kwö̧jaduwakobetjö̧, ja̧danö Jesucristo ökwösobunö ökwödönö dichö loobö. Ökwödö Dios öwaisawö̧nö böja kwialusöja chiwȩyudobe ötjö Pedroma chömöledö. Böja wȩyudö jamatö, yötawaduwakwö chömöledö: Dios ajayitjö bajalekwönönö ökwödönö lȩlö̧jinö iyobö chösöda. Ja̧danö ajayitjö bajalekwönönö ökwödönö pjaatobö chösöda, kwo̧'wo̧ luwo̧ ösöwachibanö kwö̧jaduwobö.