Daniel 3:22 - Dios Iwene

²² Ja̧danö, Nabucodonosor labinö weaja̧danö jwiinö tubinö ökwöla tjujuwobetjö̧, Sadracnöbi Mesacnöbi Abednegonöbi ikwö lobadö guardia jojodöma ubö debö tji̧'yinobe,

Daniel 3:22 Iomraidhean Croise

1 Reyes 13:28

Ikenama, ajwi bulu oma'a wanö, Dios yöawi̧ yöbawo̧ iteba'o isakwö i̧'yinobe, ja̧danö iteba'o mananö bo̧be öbadekwajinobe, ja̧danö didibabi, bulubi ö'öbö tjö̧jobe öbadekwajinobe. Didiba jojonö kwabö loajayonö, iteba'o ukwinokobe, jadanö ju'wibi bulunö meibinokobe.

Éxodo 12:33

Ja̧danö, Egipto jojodöma labinö webijadötö Israel jojodönö tjitebotjö juluwanö latjebobö, lakebaduwökötjö̧ma ökwödö Egipto jojodöma okobe deinö ö'wö badibena, jö̧ba̧lö.

Proverbios 11:8

Ja̧danö, ju'wibi yötawa: Isabenö Jo̧ma Dios wei̧ a̧ja̧kwo̧nö ö̧jibinö pjaatakwo̧ labi̧ jawatjö. Jobekwö pjaatökakwo̧ sulabenö omukwato̧nöma. Jo̧bama usula emawakwo̧ labi jawatjö ö̧jibökakwo̧.

Proverbios 21:18

Ja̧danö, ju'wibi yötawa: Sulabenö ja̧bo̧ma Dios wei̧ a̧ja̧kwo̧nö usula emawobö isakwo̧. Jobekwö isakwijayonö itedada usula emawakwo̧, balekwa mikwa baibanö. Jao, Diosnö öpöjödo̧ma otiwanö omukwato̧nö usula emawobö isakwijayonö itedada usula emawakwo̧, balekwa mikwa baibanö.

Daniel 1:7

Ja̧danö, jobadönö omudawajo̧, Aspenazma jobadönö tjimi wainö imidinobe, Babilonia jojodö tjimikwi̧danö, baikwö: Danielnö Beltsasar jö̧ba̧lö imidinobe, ja̧danö Ananiasnö Sadrac jö̧ba̧lö imidinobe, ja̧danö Misael mikwo̧nö Mesac jö̧ba̧lö imidinobe, ja̧danö Azarías mikwo̧nö Abednego jö̧ba̧lö imidinobe.

Daniel 2:15

Ariocnö abebö a̧ja̧kwinobe: —Inesö la'aka luwo̧ma, ¿tajawedö jejenö okobe deinö kwabö lotjobö weaja̧da?— jö̧ba̧lö. Ja̧danö abebö a̧ja̧kwökwe Ariocma baledaja̧ yöawinobe Danielnö.

Daniel 6:24

Jemi ikenama la'aka luwo̧ Daríoma weinobe okobe deinö iteda öba a'o ichibö tjo̧'wo̧ sulinö Danielnö wene jwöbebajadönö tjichejebobö, ja̧danö jobadönöbi, tji̧lȩkwa̧munöbi, tji̧tji̧munöbi okobe deinö i̧lȩdo̧ okwa ikwö lotjinobe, didibadö tjukwobö. Ja̧danö, jejenö tjikwenama, didibadöma juluwanö mebibö tjukwinobe, ina nijinö metja̧pjinö, jwiinö tji'delachajinö mebibö tjukwibinobe jobadönö.

Mateo 27:5

Ikenama Judasma tjiyina balada jobe Dios eju okwa nijibe ikwö loinobe, ja̧danö jobetjö labebajo̧, nubawö ö'wö baibinobe.

Hechos 12:19

Ja̧danö, la'aka luwo̧ Herodesma, Pedro dei̧ wene yötjawi̧ a̧ja̧kwö webijetö guardia jojodönö Pedronö tjisakwobö. Jobadöma tjisakwemi deijetö Pedroma. Deiökwe Herodesma abeba̧lijetö Pedronö te'ada̧lakwawa jojodö guardianöma ¿Dakwö baledaja̧da? jö̧ba̧lö. Ikenama, Bidöma otiwanö te'ada̧löködö, jö̧ba̧lö, webijetö ju'wedönö kwabö lotjobö jobadönöma, Pedroma jobadötjö döibajobetjö̧. Ikenama Herodesma Judeatjö labebö jelobe 'yi̧jetö, Cesareabe, ja'yubeda lekwe ö̧jobö.