Daniel 3:2 - Dios Iwene

² Ikenama, otidö junajo̧, La'aka luwo̧ Nabucodonosorma okobe deinö tjitebotenia luwedönö tjichobö weinobe, jalobe la'aka luwedönöbi, gobernador otidadönöbi, balada te'ada̧ladönöbi, lȩekwa otidadönöbi, okobe deinö ju'wedö luwedö jawa otidadönöbi tjichobö a̧debinobe, o̧'wo̧ jawa ujunajökwenö ösödakwawa ajayi möle tjujunobö.

Daniel 3:2 Iomraidhean Croise

1 Reyes 12:32

Ja̧danö, Juda nijitjö löwötenö ja̧kwawa ba'ali juniatji̧danö, jelemutjö wamedukwa jawo̧nö, a̧li̧samutjö bakwamu jawa mölenö ba'ali tjujunobö weinobe Jeroboanma. Ja̧danö, Betel comunidadtjö, iyawöte wame iteda otidinawö̧ o̧'wo jawa öba a'o, iyawa iyinobe Jeroboanma. Ja̧danö, ju'wibi jobe Beteltjö ju'wedönö 'da̧batö ujuninobe, möemi iyawemitenia otidadö, ö'weje pjabatadönö, iyawemi tjotidakobetjö̧.

Proverbios 29:12

Ja̧danö, ju'wibi yötawa, wanedö: Bakwo̧, inesö la'aka luwo̧ma, omöna yöba̧ladö jo̧banö yötjawi̧ a̧ja̧kwö ösödobe, otiwa jö̧ba̧lö. Jobekwö ösödobetjö̧ sulabenö webö ö̧jobe. Ja̧danö, sulabenö webö ö̧jobetjö̧ iteda yö̧ne ömöayedöbi sulabenö omukwatadö tjö̧jobe.

Daniel 3:27

Ikenama okobe deinö gobernadorebedöbi, ju'wedö luwedöbi, lȩekwa otidadöbi ko̧ko̧kwö tjedinobe ökwölatjö labebadönö, ja̧danö tjedemi ökwöla ja'yubebi juluwököwö̧nö tjedinobe. Ökwöla okwa kwetjachajayonö, tjöwö'yebi, tjö̧ka̧misi wamesado̧bi, ja'yubebi ubajököwö̧nö tjedinobe, ja̧danö ökwölatjö latjebijayonö, imiyu'wo 'dö̧ekwi̧ ja'yubebi 'dö̧bekwöködönö 'dö̧tjatinobe, ökwöla jwiena ja̧dödanö.

Daniel 3:3

A̧debaja̧danö, okobe deinö jobadöma tjichinobe, ja̧danö ichibajadö, o̧'wo̧ jawa Nabucodonosor ujunajökwe öba a'o tjö̧jinobe.

Apocalipsis 17:2

Böjȩ la'aka luwedöma sulabenö ji̧atjinobe, jobujukwö. Ja̧danö, böjȩnö ju̧kwadöma ösödiatjinobe jobuju taba̧löji̧ jawama. Ja̧ taba̧löji̧ jawama nio ojwiyo tjowi̧danö, ösödö owiatjinobe, böjȩnö ju̧kwadöma, 'dukwachawö̧ batjibanö— jö̧a̧lijatö ángelma ötjönöma.

Jueces 16:23

Jemi ikenama, ja'yubenö lekwajabetjö, filisteo jojodötjö luwedöma tjo̧ko̧ko̧kwinobe, bakobe ba'ali junö, tjösödökwe Dagon ötjabökwe o̧'wo jawanö iyawa tjiyobö. Dagonnö ösödö, —Dösödökwe Dagonda döpöjojo Sansonnö dujuluwobö pjabatinama, —jö̧ba̧lö tjo̧'wo ösöwanö yötja̧linobe.