Daniel 3:15 - Dios Iwene

¹⁵ Isabenö jejenö kwöpöjödaduwatjö̧ma, bakwötanö ina lȩlö̧jinö chedena, yemidanö kwösödaduwobö chite'ada̧lena. Jo̧kwajabetjö̧ yemidanö lo̧awa jawa ökwöi̧ kwa̧ja̧kwaduwenama, nijakwö bȩbachibö kwösödaduwo, ja̧danö jejenö kwösödaduwitjö̧ma, wene jwiena. Jo̧kwaijayonö kwösödaduwökötjö̧ma juluwanö ökwödönö ökwöla jwiinö tubola 'dii jawa otikwolanö ikwö lotakwawö̧ja. Ja̧danö jejenö ikwö lotitjö̧ma, ¿tida ökwödönö pjaatakwo̧ma? ¡Deakobe! Diosbedötjöbi bakwo̧bi deakobe, kwö̧jibaduwinö pjaatobö juluwo̧ma —jö̧ba̧lö yöawinobe Nabucodonosorma.

Daniel 3:15 Iomraidhean Croise

2 Reyes 18:35

Ja̧danö okobe deinö ju'wedö tjitebotenia jojodö tjösödawö̧tjö, dite ömöledönö tjö̧jibinö pjaatinada, jobadönö chujuluwapji jö̧ba̧löma? Deobe, jö̧tö? Jo̧kwajabetjö̧ ju'wibi öwawinö öwawobe, Isabenö Jo̧ma la'akatjöda pjaatökakwo̧, Jerusalen comunidadbi chujuluwapji jö̧ba̧lö, –chuluwo̧ Asiria luwo̧ yöawi̧ yötawaduwakwö, —jö̧ba̧lö yöawinobe yöbawo̧ma.

Éxodo 32:32

Jo̧kwaobetjö̧ babema ökwönö ateba, jobadö sulabenö ja̧tji̧ söbebö lobi, jö̧ba̧lö, kwösöditjö̧ma. Ja̧danö, jobadö sulabenö ja̧tji̧ söbebö loköbobö kwöpöjöditjö̧ma, ökwö kwömöledö tji̧mi̧ wȩyukwa'yetjö sule ötjö chimi ¡söbebö lobi!— abebijetö Moisésma Isabenö Jo̧nöma.

Éxodo 5:2

—Jo̧ba Isabenö Jo̧ma ¿tida? Jo̧ba wei̧, Israel jojodönö kakatakwawo, jö̧ba̧lö, ¿cha̧ja̧kwiji̧? ¡Cha̧ja̧wökö! Jo̧ba, Isabenö Jo̧nöma wajwitökwe. Isabenö yöta̧la: Israel jojodönö katatakwawökakobe— yöba̧lijetö faraónma.

Isaías 37:23

Tinö oköbinada Senaquerib, tinö juluwö̧kö̧ jö̧ba̧lö kwöpöjödinada? Ötjödasa juluwo̧ma jö̧ba̧lö, tinö öpöjödö jwökeba̧linada Senaquerib? Ötjö Israel jojodö tjösödökwe Sulabe Jwibo̧ Diosnöda sulabenö kwöpöjödajabe Senaquerib.

Daniel 2:47

Ja̧danö Nabucodonosorma Danielnö yöawinobe: —Chi̧'wi̧dikwina jawa jweinö yökawi̧tjö̧, chöwaisobe, isabenö kwuluwo̧ Diosda ju'wedö diosbedö tjuluwo̧ Diosma jö̧ba̧lö, ja̧danö jo̧bada la'aka luwedö inesö la'aka tjuluwo̧ma jö̧ba̧lö, ja̧danö isabenö jojodö wajwitji̧ jawa i̧sebo̧ kwuluwo̧ Diosma— jö̧ba̧lö.

Daniel 2:9

Isabenö yötawaduwakwö, chi̧'wi̧dikwaja̧ yökawaduwökötjö̧ma, kwabö lotakwawö̧ja. Chedemi bakobe omukwatö kwujunaduwajabe, tupakwönönö omöna wene ötjönö yökawaduwobö, Aaa, dite'ada̧litjö̧ma, Nabucodonosorma omukwati̧ kabatibö öbalewachena jö̧ba̧lö. Jo̧kwaijayonö chi̧'wi̧dikwaja̧ yökawaduwitjö̧ma, jenada chöwaisakwo̧sa, isabenö labebö loawabi yökawaduwobö waisadöja jö̧ba̧lö— yöa̧linobe Nabucodonosorma.

Daniel 3:17

Yöka̧lajadanö ökwödönö ökwölanö ikwö loköbitjö̧ma, Duluwo̧ma, wei̧ a̧ja̧kwö dösödökwe Diosma isabenö juluwo̧, okwöla jwiinö tubinö ubolatjö dö̧jibanö pjaatobö. Ja̧danö duluwo̧ Nabucodonosor, dedemi Diosma isabenö kwujulutjö dö̧jibinö pjaatakwo̧.

Daniel 6:16

Yötja̧liökwe, la'aka luwo̧ Daríoma weinobe Danielnö ikwö lotjobö, ja̧danö ikwö lotjakwa̧ abönö Danielnö yöa̧linobe: —Daniel, ba̧kwȩlö̧jatebö kwuluwo̧ Dios wei̧ a̧ja̧kwö jo̧ja, ja̧danö kwösödökwe Dios kwö̧jibinö pjaatobö chösödakwö— jö̧ba̧lö.

Daniel 6:20

Yöne ichibö, o̧'wo̧ tjo̧achö jwöinobe: —Yabalo̧ Dios ömöayo̧ Daniel, ¿ba̧kwȩlö̧jatebö wei̧ a̧ja̧kwö kwösödökwe Diosma, didibatjö kwö̧jibinö pjaatobö ujuluwaji̧?— jö̧ba̧lö.

Mateo 10:19

Jo̧kwaijayonö, ökwödönö do̧tjatenama, kwo̧'wo̧ tjo̧kekwaduwa chömöledö, ja̧danö, Ayö, ¿dakwö atjebi̧ma datadakwa̧jö?, ¿dakwö yödawakwa̧jö? jö̧ba̧löma kwo̧'wo̧ tjo̧kekwaduwa. Isabenö yökawaduwobö baibenama, yökawaduwakwa̧ kwujuna̧laduwakwedöja.

Mateo 27:43

Bitema Diosnö cho̧'wo̧ wana̧lo̧sa jö̧a̧linobe, ja̧danö Dios itji̧sa jö̧a̧linobe, jo̧kwajabetjö̧ isabenö yöawinojobö dedo. Diosma isabenö jo̧banö ösöditjö̧ma jo̧banö towisa'otjö̧ ö̧jibanö ja̧ena— jö̧ba̧lö sulabenö otjinobe Jesúsnö.

Marcos 13:11

Ja̧danö, ökwödönö do̧batibö e'ewö luwedö tjöba a'otjö tjujunena yekabiduwa kwatadakwawaduwakwa̧ma, ¿Dakwö chatadakwa̧jö? jö̧ba̧lö. Kwatadakwawaduwakwa̧ma Dios O̧'wo̧ Luwo̧ öba̧ja̧dakobe, iteda atadi̧ma. Ja̧danö, ökwödö kwo̧'wo̧duwi luwo̧nö Dios O̧'wo̧ Luwo̧ öba̧ja̧da̧lonö kwatadakwawaduwakobe, Dios O̧'wo̧ Luwo̧ öba̧ja̧dinö— jö̧ba̧lö—.

Lucas 12:11

Ju'wibi yöawinobe Jesúsma: —Ja̧danö, ötjönö kwösödaduwobetjö̧, ökwödönö do̧batö öbibö tjujunena, judío jojodö ba̧nö tja̧ja̧kwa̧leju jojodö tjöba a'otjöbi, lȩekwa luwedö tjöba a'otjöbi, la'aka luwedö tjöba a'otjöbi. Ja̧danö tjöba a'otjö junajadö, ökwödönö sulabenö yötja̧lena, bidöma sulabedö jö̧ba̧lö. Jejenö baledenama kwo̧'wo̧ tjo̧kekwaduwa chömöledö, ¿dakwö datadakwajö? ¿taji yöda̧lakwajö? jö̧ba̧löma, Dios O̧'wo̧ Luwo̧da kwatadaduwakwa̧ pjaatakobetjö̧.

Lucas 13:9

Ja̧danö, cho̧tjaja̧ ikena o̧ba wa̧jitjöma otiwa, jo̧kwaijayonö ina wa̧jökötjö̧ma, jenada jubö lotocha, jö̧ba̧lö atadinobe— jö̧ba̧lö wanedö yöawinobe Jesúsma.

Hechos 4:19

Jejenö lȩtjebijayonö Pedro, Juan jö̧ba̧lijadötö: —Dios öba a'otjö, jweinö ja̧dakwa̧ma ¿diya̧da? ¿Dakwö kwomukwataduwa? Ökwödöma, Jesús jawama yökawaduwoko, jö̧ba̧lö, weköbaduwobe, jo̧kwaijayonö Diosma wainö webo̧, yödawobö. Kwomukwataduwena ¿diya̧tjö ja̧dakwa̧da?

Hechos 5:29

Jejenö jö̧a̧liawö̧ Pedroma ju'wedö Jesús webawedöbi jö̧ba̧lijadötö: —Ökwödöma Dios wei̧da a̧ja̧kwadösa. Böjȩnö jojodö wainö wetji̧ma, Dios weidanömaökö wetji̧ ja̧doböma jwiobe yelösöda.

Hechos 6:15

Ikenama jobe la'aka luwedöma Estebannö tjedemi öbama salöijetö, ángel öba salöi̧danö.