Daniel 2:45 - Dios Iwene

⁴⁵ Jau chuluwo̧, jejenö badekwachobe inawa mösa'otjö laekwobe kwedina, jojo otidokonö laekwobe kwedinama. Ja̧ inawa o̧'wo̧ jawanö söbebö loinadanö, Dios ujunakwo̧ma okobe deinö ju'wedönö ujuluwakobe, ja̧danö jo̧ba yöbawö ö̧jakwa̧ma la'akatjöda 'dö̧ibökakobe. Chuluwo̧ Diosma isabenö otiwo̧, ja̧danö jo̧bama otiwanö i̧sebajabe tupakwö baledakwa̧ jawa ökwö la'aka chuluwo̧nö. Isabenö bakwainö kwi̧'widikwinadanö yötawajabe, ja̧danö isabenö okobe jwiinö yötawaja̧danö baledakobe— jö̧ba̧lö yöawinobe Danielma, la'aka luwo̧ Nabucodonosornö.

Daniel 2:45 Iomraidhean Croise

Génesis 41:26

Ja̧danö, pa̧ka̧yö̧ jelemutjö du̧ju̧taja otiwadöma jelemutjö dötölataja a̧yo jö̧ba̧lö ji̧. Ja̧danö, trigosanutjö ochobiya jelemutjö docholataja 'dalachaibaja̧ma, ja̧bi, jelemutjö dötölataja a̧yo jö̧ba̧lö ji̧. Sule bakwai̧ jawada kwi̧'wi̧dikwajabe— yöbawijetö.

Génesis 41:28

Ina yöbawijetö: —Chuluwo̧, ötjö yöta̧laja̧danö isabenö baledakobe. Diosma ökwönö i̧sebajabe baledakwa̧ma.

Génesis 41:32

Ina yöbawijetö: —Chuluwo̧, Diosma dötölatajanö bakwainö kwi̧'wi̧dinö i̧sebinobetjö̧ isabenö kwi̧'wi̧dikwaja̧danö baledakobe. Ja̧danö, te'ada̧lökönö baledobö weakobe Diosma.

2 Samuel 7:22

Jo̧kwajabetjö̧ yötawakwö Isabenö Jo̧ Dios, isabenö jwiinö otiwo̧ja chuluwo̧. Jau chuluwo̧, ökwödanö jo̧ma, bakwo̧bi deobe, ja̧danö jelo̧ ökwödanö jojodö tjösödökwema deobe. Okobe deinö ju'wedö tjösödawö̧nö yötja̧li̧ da̧ja̧kwenama, bakwo̧nöbi ökwödajayo̧nö a̧ja̧kwajidokobe la'akatjöda chuluwo̧, ökwöda inesö otiwo̧ma.

1 Crónicas 16:25

Isabenö juluwo̧, duluwo̧ Isabenö Jo̧ Diosma. Isabenö mikwawo̧, —Juluwo̧ja, —jö̧ba̧lö jo̧banö dösödobö. Jau, okobe deinö ju'wedö tjösödawö̧tjö bajalekwönönö, yebabinö omukwatö dösödo jö̧da̧lökwema Isabenö Jo̧ Diosda.

Diosnö ösödo̧ Job mikwo̧ usula emawina jawa 36:26

—Isabenö otiwanö juluwo̧ Diosma, ökwödö bö̧je jojodö dö̧waisi̧tjö bajalekwönönö juluwo̧. Isabenö lekwe o̧biya jo̧ Diosma, dö̧ba̧jadökenanö, jwiinö lekwe o̧biya jo̧ jo̧bama.

Isaías 28:16

Ötjö Isabenö Jo̧ma baikwö yötawaduwakwö: Jerusalen mösa'o Sion mikwa'onö inawa chödocha, –Isabenö otiwawa, –jö̧ba̧lö badedö chedinawama. Jawa, o̧do la'aka baibanö, ajayinö lödawawa nöinö mikwawawa baibanö chödocha, o̧do la'aka 'diinö jakobetjö̧. Ja̧danö jawa ösödadöma, –Dakwö jatakwajö, –jö̧ba̧löma omukwatö tjö̧jökakwedö.

Daniel 2:24

Ikenama Danielma yöbawö i̧'yinobe Ariocnö, Babilonia ju̧kwadötjö waisanö omukwatadö ötjabiwö̧nö kwabawö loobö Nabucodonosor weinökwenö. Ja̧danö Danielma Ariocnö yöa̧linobe: —Jobadö waisanö omukwatadö ötjabiwö̧nö kwabö loköboko. Nabucodonosor öba a'o 'ya̧jebitjö, i̧'widikwina jawa labebö lotakobetjö̧— jö̧ba̧lö.

Daniel 2:28

Jo̧kwaijayonö mölejȩbe Dios ö̧jobe, jojodö wajwitji̧ jawa i̧sebo̧ma, ja̧danö jo̧bama ökwö inesö la'aka luwo̧ Nabucodonosornö i̧sebinobe 'dö̧ibaji̧ möle baledakwa̧ma. Kamapjonö ba̧nö kwi̧'wi̧dikwinabi, ju'wi kwi̧'wi̧didanö kwedinabi baikwö yötawa:

Daniel 2:29

Kamapjonö ba̧nö tupakwö baledakwa̧ kwomukwatinobe la'aka chuluwo̧, tupakwö dakwö baledakwa̧jö jö̧ba̧lö. Ja̧danö jejenö kwomukwatiökwe, jojodö wajwitji̧ jawa i̧sebo̧ Diosma ökwönö i̧sebinobe tupakwö baledakwa̧ma.

Daniel 2:44

Ja̧danö, jobadö tjö̧jakwa̧ möle, mölejȩbe jo̧ Diosma bakwo̧nö ujunakobe, inesö la'aka luwo̧ baibanö, ja̧danö jo̧ba yöbawö ö̧jakwa̧ma la'akatjöda 'dö̧ibökakobe. Bakwo̧bi jo̧banö ujuluwökakobe, ja̧danö jo̧ba ömöledöböködöma la'akatjöda jo̧ba yöbawö ö̧jemi balewö lotjökakwedö, öpöjojodöda webö tjö̧jobö. Jo̧bama okobe deinö jo̧batjö ajayinö ji̧nadö la'aka luwedöbinadö yöbawö tjö̧jinama söbebö loakobe, ja̧danö jo̧ba yöbawö ö̧jakwa̧ma ba̧kwȩlö̧jatebö ja̧kobe.

Daniel 8:25

Jo̧bama waisanö omukwatö, ba̧jekwadönö omöna yöa̧lakobe, ja̧danö jejenö, ujulu nöamachibanö ja̧akobe, ja̧danö isabenö ju'wedötjö bajalekwönönö juluwo̧sa jö̧ba̧lö omukwatakobe. Jojodö tjo̧'wo̧ söba̧lö, bitekwö wene jwibadösa jö̧ba̧lö tjö̧jemi ja'ötjö, juluwanö jobadönö söbebö loakobe. Ja̧danö, jojodönö ujuluwi̧danö, inesö la'aka luwo̧ Dios ujulutjö ö̧jibobö isakwakobe, Diosdanö juluwo̧sa jö̧ba̧lö. Jo̧kwaijayonö, Diosma jo̧banö söbebö loakobe, ja̧danö jejenö söbebö loenama, böjȩ jojodö jo̧banö kwabö lotjökakobe, Diosda jo̧banö söbebö loakobe.

Mateo 21:24

Atjebökwe, Jesúsma yöawinobe: —Ötjöma bakwöta jawa abebö cha̧ja̧kwocha ökwödönö, ja̧danö atebaja̧ kwatadaduwitjö̧da, ötjönö webinanö yötawocha. Baikwö abebö cha̧ja̧kwaduwakwö:

Mateo 24:35

Jau chömöledö, isabenö yötawi̧danö baledakobe. Baikwö yötawa: Böjȩbi, mölejȩbi isabenö 'dö̧ibajakobe, jo̧kwaijayonö ötjö yötawi̧ma ba̧kwȩlö̧jatebö ja̧kobe— jö̧ba̧lö yöawinobe Jesúsma.

Lucas 17:20

Fariseo jojodötjö ju'wedö Jesúsnö abebö tja̧ja̧kwinobe, Dios la'aka luwo̧ ö̧jakwa̧ma, dianö ichakwa̧da jö̧ba̧lö. Atjebökwe, Jesúsma atadinobe: —Dios la'aka luwo̧ ö̧jakwa̧ma öwawökönö ichobe, jo̧kwajabetjö̧ ichi̧ i̧sekwi̧ jawa jwiobe, ichibobe jö̧ba̧lö tjöwaisobö.

Deuteronomio 10:17

—Jau chömöledö, isabenö Dios wei̧ kwa̧ja̧kwaduwobö jo̧be, baikwö yötawa: Kwuluwo̧duwi Isabenö Jo̧ Diosma, okobe deinö tjösödawö̧tjö inesö Diosbo̧ chömöledö, ja̧danö okobe deinö luwedötjö inesö la'aka luwo̧, ja̧danö jo̧bada inesö juluwo̧ Diosma, okobe deinö yetjaibo jö̧tja̧lökwema. Ju'wibi, wainökwena omukwatökönö, bakwainö edo̧ jo̧bama jojodönö. Ju'wedö lȩekwa jojodöma jweinö yöbawökönö, jojodö tjimidobö abebadö, sulabenö lȩekwa yötjawobö, jo̧kwaijayonö jejenöbö̧kö̧ Diosma chömöledö, bakweminö jweinö lȩbebo̧, juna̧ladönöbi jwibadönöbi.

Apocalipsis 1:19

Ina yöawijatö: —Juan, wetakwö, kwedi̧ma kwiwȩyudo, babe baledi̧ kwedi̧bi, ju'winö baledakwa̧ chi̧sebobe kwedi̧bi.

Apocalipsis 19:17

Ikenama jelo̧ ángelnö chedijatö, ja̧wo̧ idejatena jo̧nö. Jo̧bama labinö jwöobe cha̧ja̧kwijatö okobe deinö mö köba̧ladönö, baikwö: —Kwukwaduwo ichaduwi, Dios ökwödönö kwukwaduwobö iyi̧ jawa.

Apocalipsis 4:1

Ikenama, mölejȩbekwö chedemi apjude po̧ekwobe chedijatö. Jobekwö chedemi ötjönö ajayinö yöa̧li̧danö, trompeta pjutji̧danö labinö ökwöinö yöba̧lajo̧ma, ötjönö jwöi̧ cha̧ja̧kwijatö: —Baikwö mö ichi, ju'winö baledakwa̧ chi̧sebokwö—jö̧ba̧lö, jwöi̧ cha̧ja̧kwijatö.