Daniel 2:21 - Dios Iwene

²¹ Isabenö Diosda tupakwö baledakwa̧ omukwatö juno̧ma, babe baledakwa̧bi tupakwö baledakwa̧bi. La'aka luwedötjö ju'wedönö la'aka luwedö tjö̧ji̧tjö latjebobö webo̧ Diosma, ja̧danö la'aka luwedö tjö̧jinemi balekwedönö webo̧. Diosda jojodö waisanö omukwatadö batjibobö pjabato̧ma, ja̧danö jo̧bada waisachadö nöinö tjöwaisachibobö pjabato̧ma.

Daniel 2:21 Iomraidhean Croise

1 Reyes 10:24

Diosma isabenö otiwanö pjaatinobe Salomonnö, inesö jwiinö waisanö omukwato̧ baibobö, ja̧danö jejenö pjaatiawö̧, bö̧jȩ ba̧kwemeachibanö ju̧kwadöma Salomon öba a'o tjichibobö tjösödinobe, Salomon waisanö omukwatö yöawi̧ tja̧ja̧kwakobetjö̧.

1 Reyes 3:28

Jejenö waisanö omukwatö, lȩekwa yöawiawö̧, okobe deinö israel jojodöma tjaja̧kwinobe, jadanö a̧ja̧kwajadö, la'aka tjuluwo̧ Salomonö ösödö, otiwanö tjomukwatinobe jo̧banö, —Isabenö Diosda waisanö omukwatobö pjaatökwe, jweinö lȩekwa yöawobö waiso̧ duluwo̧ Salomonma, —jö̧ba̧lö.

1 Reyes 4:29

Ja̧danö, Diosma isabenö otiwanö pjaatinobe Salomonnö, isabenö waisanö omukwatobö, jadanö okwa jawa waisachibanö omukwatobö. Isabenö okobe jwiinö okwa jawama, waisachibanö otiwanö omukwatinobe Salomonma, öwaisi̧ma isabenö nöinö öwaisinobe, sobiapu ba̧jȩkwi̧danö.

1 Crónicas 22:12

Inesö chösödi̧ma bi̧ya chitji̧, otiwanö waisanö omukwato̧ bakibanö pjaatobö chösöda, otiwi̧ma suli̧tjö böjö omukwato̧ bakibanö. Jobekwö pjaatobö chösöda, Israel jojodö la'aka tjuluwo̧ bakibanö ujunenama, otiwanö kwösödökwe Isabenö Jo̧ Dios wei̧ a̧ja̧kwö kwö̧jakobetjö̧.

1 Crónicas 29:30

Jobadöma David ö̧jina wene tji̧wȩyudinobe, Israel jojodötjö la'aka luwo̧ ja̧nö webö ö̧jina jawabi, ujulu i̧sȩbina jawabi, jo̧banö baledina jawabi, israel jojodönö baledina jawabi, ju'wedö tjitebo jojodönö baledina jawabi.

Diosnö ösödo̧ Job mikwo̧ usula emawina jawa 12:18

Jo̧bada inesö la'aka luwedö tjujulu 'döbebö, ju'wedö tjömöayedö batjibanö webo̧ma.

Éxodo 31:3

Ja̧danö, ötjö Cho̧'wo Luwo̧ma Bezaleel o̧'wo̧ luwo̧nö pjabatö öibobe, o̧do otikwa jawa jwiinö otiwanö otido̧ baibanö, ja̧danö o̧do okwa jawa otikwabi. Ju'wi jawa, ju'wi jawabi o̧do otikwa jawa okobe jwiinö waisö otiwanö otido̧.

Éxodo 31:6

Ja̧danö, jelo̧nöbi omudawö chujunijatö Bezaleelkwö pjabatö otidobö, Aholiabnö, Ahisamac itji̧, Dansasotjö jojonöma. Ja̧danö, jo̧banö, ju'wedö ömadönöbi okobe jwiinö ökwönö wetina otiwanö tjotidobö tjöwaisakobetjö̧ pjabato̧sa.

Daniel 1:17

Diosma isabenö otiwanö pjaatinobe Danielnöbi, wa̧medukwa ömöledönöbi, ju'wedötjö bajalekwönönö waisanö tjomukwatobö, ja̧danö ju'wedötjö bajalekwönönö Babilonia jojodö tjiwȩyudina jawabi, ju'wi tjöwaisachi̧ jawabi tjöwaisachibobö. Ja̧danö ju'wibi Danielnö pjaatinobe, tji̧'wi̧dinö tjedi̧ jawabi, tji̧'wi̧didanö tjedi̧ jawabi labebö lobö yöawobö.

Daniel 10:1

Ciro mikwo̧ Persia niji la'aka luwo̧ inesö la'aka luwo̧ ö̧benama, ida̧ökö wa̧pötakwa o̧biya yöbawö weenama, Diosma yemidanö Danielnö, ju'wi imi Beltsasarnö iteda yöawi̧ yöawinobe. Ja̧ Dios Danielnö yöawi̧ma, isabenö wene yöawinobe, jo̧kwaijayonö yelösöda waiyinobe ajayinö, Daniel öwaisachibanö a̧ja̧kwobö. Jo̧kwaijayonö, Dios yöawaja̧ a̧ja̧kwöbi, i̧'wi̧didanö edaja̧kwöbi bajalianö öwaisachibanö omukwatinobe Danielma. Baikwö laebobe Daniel ja̧ wene iwȩyudina jawama:

Daniel 11:6

Jemi ikenama, ja'yubenö lekwe o̧biya baledaja̧ ikena, Egipto niji la'aka luwo̧ma Siria niji la'aka luwo̧kwö bakobe omukwatö yöbawö tjujunakobe, bakobe omukwatö bakwo̧nökwena pjabatakwawö dö̧jakwedösa jö̧ba̧lö. Ja̧danö, jejenö pjabatakwawö tjö̧ja̧kwa̧ yöbawö tjujunenama, Egipto la'aka luwo̧ itjijuma Siria la'aka luwo̧nö jemakobe, bitenö chemitjö̧ma chabe'dobi chilekwebi bakobe otiwanö pjabatakwawö tjö̧jakwedö jö̧ba̧lö. Jo̧kwaijayonö, waekwakobe, ja̧'yubenö lekwajabetjö jobujunöbi, jilekwe Siria la'aka luwo̧nöbi, jitji̧nöbi, jö̧möayedönöbi ju'wedö kwabö lotjobö wetjachakobe, ja̧danö bakobe pjabatakwawö tjö̧jo̧ jö̧tja̧linama waekwakobe.

Daniel 2:20

ja̧danö Diosnö ösödö Daniel yöa̧linobe: —Isabenö ba̧kwȩlö̧jatebö kabatökönö Diosnö dösödobö jo̧be, isabenö jo̧bada waisanö omukwato̧obetjö̧, ja̧danö isabenö jo̧bada juluwo̧obetjö̧.

Daniel 2:23

Cha'dödö Tjuluwo̧ Dios, ökwönö ösödö yöta̧la, otiwo̧ja, otiwanö pjabato̧ja jö̧ba̧lö. Isabenö otiwanö pjakatajabe ötjönö, waisanö omukwato̧ batibobö, ja̧danö juluwo̧ batibobö. Jo̧kwaijayonö ja̧damaökö, jemi bajalekwönönö otiwanö pjakatajabe, ökwönö adebaja̧danö otiwanö kwi̧sebajabe, la'aka luwo̧ Nabucodonosor i̧'widikwina jawa otiwanö kwi̧sebajabe— jö̧ba̧lö yöa̧linobe Danielma, Diosnö ösödö.

Daniel 2:9

Isabenö yötawaduwakwö, chi̧'wi̧dikwaja̧ yökawaduwökötjö̧ma, kwabö lotakwawö̧ja. Chedemi bakobe omukwatö kwujunaduwajabe, tupakwönönö omöna wene ötjönö yökawaduwobö, Aaa, dite'ada̧litjö̧ma, Nabucodonosorma omukwati̧ kabatibö öbalewachena jö̧ba̧lö. Jo̧kwaijayonö chi̧'wi̧dikwaja̧ yökawaduwitjö̧ma, jenada chöwaisakwo̧sa, isabenö labebö loawabi yökawaduwobö waisadöja jö̧ba̧lö— yöa̧linobe Nabucodonosorma.

Daniel 4:14

ja̧danö labinö jwöinobe, bowi towi jubö lobaduwi, ja̧danö towi ötjebiya 'wibö lobaduwi, ja̧danö öjiya dilö lobaduwi, ja̧danö wa̧ji̧ pjebawö lobaduwi. Towi teebe ba̧ja̧dö tebonö ju̧kwadönö a'dewö lobaduwi, ja̧danö towinö ja̧dö pji̧yu̧nö a'dewö lobaduwi.

Daniel 4:17

Jobekwö omukwatö tjujunajabe, böjȩ te'ada̧ladö la'aka ángelesdöma. Jobadöma jejenö wetjajabe, okobe deinö böjȩnö ju̧kwadö tjöwaisachibobö, Okobe Jwiinö Juluwo̧ Diosda böjȩnöbi yöbawö webo̧ jö̧ba̧lö, ja̧danö jo̧bada la'aka luwedönö omudawö juno̧ jö̧ba̧lö. Isabenö Diosda iteda ösödi̧danö omudawö juno̧ma, ja̧danö ösödenama jo̧kwadabedönöbi kabebö juno̧, la'aka luwedö batjibanö. Jobekwö böjȩ jojodö tjöwaisachibobö bite towi badekwachökwenö baledakwa̧ wetjajabe jö̧ba̧lö yöawinobe ángelma.

Daniel 4:22

Baikwö yötawakwö la'aka chuluwo̧ Nabucodonosor, jowi badekwachökwema ökwöda. Ökwöma isabenö juluwo̧ bakibajabe, ja̧danö wanedö yötawa, mölejȩbe ichibanö juluwo̧ bakibajabe ichejekwa, ja̧danö böjȩ bakwameachibanö ju̧kwadönö kwujuluwajabe, tjuluwo̧ bakibanö.

Daniel 4:32

ja̧danö jojodö tjö̧'da̧detjö ökwönö a'dewö lotjakwo̧ja. Tebonö ju̧kwadökwö kwö̧jakwo̧ja, ja̧danö pa̧ka̧yö̧ tjukwi̧danö meje'ye kwanö kwö̧jakwo̧ja, jelemutjö döbölataja o̧biya baledibanö. Jejenö baledakobe ökwönö, Diosnö bajalianö kwöwaisachibenanö kabatö, Isabenö Okobe Jwiinö Juluwo̧ Diosda inesö la'aka luwo̧ma, Diosda böjȩ luwedönö omudawö juno̧ma jö̧ba̧lö kwöwaisachibenanö kabatö— jö̧ba̧lö ökwöinobe.

Daniel 7:25

Ju'wibi jo̧bama sulabenö Diosnö yöa̧lakobe, ja̧danö Diosnö ösödadönö sulabenö ja̧akobe, usula tjemawinö. Ja̧danö Dios weina pjiesta jawa möle balewö loobö isakwakobe, ja̧danö Dios jojodönö wei̧bi balewö lobö wainö weobö isakwakobe. Ja̧danö Diosma weakobe, wa̧pötakwa o̧biabi, ju'wi o̧ba ja'öbi Diosnö ösödadönö ujuluwobö.

Romanos 13:1

Chömöledö, la'aka luwedö wetji̧ ja̧bö kwö̧jaduwo, Diosda jobadönö kabebö ujuninobetjö̧. Jau chömöledö, Diosda inesö la'aka luwo̧ma, ja̧danö jo̧bada okobe deinö böjȩ luwedönö kabebö junina.

1 Corintios 1:30

Ja̧danö, Diosma ökwödönö Cristo Jesúskwö bakobe bakibaduwanö ja̧inobe. Ja̧danö Diosma Cristonötjö iteda öwaisi̧ waisakwawa ji̧ma ökwödönö iyobe. Jau chömöledö, Cristoda sulabe jwibadö badibanö ja̧binama, ja̧danö Cristoda Dios ömöledö badibanö ja̧binama, ja̧danö Cristoda dö̧jibobö midawö wobinama.

Santiago 1:17

Isabenö chö̧ja̧wo̧dö, Diosma suli̧ jawa iyoböma jwibo̧. Ja̧danö, ökwödö sulabenö ja̧dobö domukwati̧ma ¿Diostjö ichobeji̧? Ichokobe Diostjöma. Suli̧ jawa ja'yubebi ichokobe Diostjöma. Dios iyi̧ma bakwai̧ otiwi̧da ji̧. Ja̧danö chö̧ja̧wo̧dö, ja̧ otiwi̧ jawa iyi̧ma Diostjöda ichobe, okobe deinö mölejȩbe dejatinö lö̧jadönö otido̧tjöda. Ja̧danö, jobadö Dios otidinawö̧, mölejȩbe dejatinö lö̧jadöma ju'wikwenama nöinö dejatadö. Ja̧danö, ju'wikwenama ja'yubeda dejatadö. Ju'wi möle jwiinö ba̧kwȩlö̧jateböma dejatöködö. Ja̧danö, ju'wikwena tjidejatemima isa'wo tjöeba̧lawö̧. Jo̧kwaijayonö chö̧ja̧wo̧dö, Dios otiwi̧ma la'akatjöda tjöeba̧lokobe. Wajuwanö ji̧, tjöbeba̧lökönö. Ba̧kwȩlö̧jatebö bakwai̧da tjöbeba̧lökönö ichobe Dios otiwi̧ma, jo̧batjö. Ja̧danö, Diosma la'akatjöda balewachökö. Bakwainöda jo̧, otiwo̧da. Ja̧danö, jo̧ba iyi̧ma otiwi̧da iyo̧.

Santiago 1:5

Jo̧kwaijayonö chö̧ja̧wo̧dö, ökwödötjö bakwo̧, wene baledena ¿dakwö chö̧jobö jo̧bejö? jö̧ba̧lö wajwiköbitjö̧ma Diosnö akebobö jo̧be, Dios ösödi̧danö jwaikwö kwi̧'yi̧ kwöwaisobö. Isabenö chö̧ja̧wo̧dö, Diosma okobe deinö jo̧banö abebadönö, Pjatato, jö̧ba̧lö, ösödö pjabato̧. Ja̧danö, Diosma jo̧banö abebo̧nö la'akatjöda jö̧ba̧lö̧kö̧, Sulabo̧ja. Pjatatökö, jö̧ba̧lö. Jo̧kwaobetjö̧ chö̧ja̧wo̧dö, wene baledena jwaikwöda kwi̧'yaduwobö wajwiköbaduwitjö̧ma Diosnö akebaduwobö jo̧be, ökwödönö pjaatobö. Jo̧kwaijayonö akebaduwena Diosnö kwo̧'wo̧duwi wana̧lö akebaduwobö jo̧be, Diosma isabenö pjabato̧, jö̧ba̧lö. Jejenö Diosnö kwo̧'wo̧duwi wana̧lö akebaduwiökwe Diosma ökwödönö pjabato̧. Chö̧ja̧wo̧dö, Diosma pjabatö̧kö̧ jo̧banö o̧'wo̧ wana̧lökönö abebo̧nö, Diosma pjaatenawe, pjaatökena, jö̧ba̧lö, dötölatajanö omukwato̧nöma. Wanedö yötawaduwakwö, Diosnö o̧'wo̧ wana̧lökönö jo̧nö wanedöma: Jo̧bama ojwe balawa loi̧danö jo̧, jwa̧lȩ'epjo dobibajö ojwe nöinö balawa loi̧danö. Jo̧bama jelobekwö, jelobekwö 'yo̧, jwaikwöda 'yö̧könö.

Apocalipsis 19:16

Jo̧ba ökamijido̧nöbi i̧sȩ'bonöbi wȩyukwo̧, Ötjödasa Inesö La'aka Luwo̧ma, jö̧ba̧lö, wȩyukwo̧. Ja̧danö, Jojodö inesö tjuluwo̧, jö̧ba̧lö wȩyukwo̧ ökamijido̧nöbi, i̧sȩ'bonöbi. Jejenö chedijatö mölejȩ apjude po̧ekwobema.