Daniel 2:11 - Dios Iwene

¹¹ Jwiobe yelösöda akebaja̧danö yödawoböma, ja̧danö böjȩnö ju̧kwadötjö bakwo̧bi deobe akebi̧danö yöbawo̧ma. Sule diosbedöda akebi̧danö yötjawobö juluwadö, jo̧kwaijayonö jobadöma dö'da̧de jö̧ködö, abebö da̧ja̧kwo jö̧ba̧lö— tjatadinobe.

Daniel 2:11 Iomraidhean Croise

Génesis 41:39

Jo̧kwaobetjö̧ faraónma jö̧ba̧lijetö Josénö: —Chi̧'wi̧dikwaja̧ labebö lobö yökawaja̧ okobe jwiinö Diosda ökwönö i̧sebobetjö̧ chedemi ökwödanö jweinö omukwato̧ waiso̧ma deobe.

Génesis 41:8

Ja̧danö, dewachena faraónma i̧'wi̧dikwaja̧ omukwatö jwiinö o̧'wo̧ tjo̧bekwijetö. Jo̧kwaobetjö̧ jwöbijetö okobe deinö ma̧li̧mu̧nö, ja̧danö okobe deinö jwiinö waisadönö tjichobö. Ichajadönö i̧'wi̧dikwaja̧ yöawijayonö bakwo̧bi deijetö, jo̧ba i̧'wi̧dikwaja̧ labebö loawa waiso̧ma.

1 Reyes 8:27

—Chuluwo̧ Dios, ökwö kweju chotidajabe, jo̧kwaijayonö bö̧jȩnöda jö̧kö̧ja chuluwo̧. Jau chuluwo, inesö nöbo̧ja, mölejȩ inesö möjȩnöbi kwobiökenanö, jokwajabetjö̧ chöwaisa, beju bö̧jesejunö kwobioböma jwibo̧ja, jö̧balö.

Éxodo 29:45

Ja̧danö, ökwödö Israel jojodökwö chö̧jakwo̧sa, ja̧danö ökwödö kwösödaduwökwe Dios chö̧jakwo̧sa.

Éxodo 8:19

Jo̧kwaiawö̧ maliba luwama jö̧ba̧lijadötö faraónnö, bejenö baledi̧ma Diosda wei̧, jö̧ba̧lö. Jo̧kwaijayonö faraónma ina omajade 'diinö ji̧jetö, Moisés, Aarón atjebi̧ öpöjödö.

Isaías 47:12

Ökwöma omukwatö ju̧juja: —'Diinö ja̧nö, okobe jwiinö mea 'boawa jawa ja̧tocha, ja̧danö tjemu bayuju chö̧jinelö baikwö bajalenö, ba̧kwelöjatebö mea 'boawa yöa̧lakwawa jawa yöba̧liachinadanö, tupakwönönö, yöta̧locha. Jobekwö jwaikwöda mea 'botitjö̧ma, sulabenö baledakwa̧ baledökönö, chöpöjojodö yetjabobö ja̧tena, —jö̧ba̧lö omukwatujuja.

Isaías 57:15

Jau, baikwö yöa̧lobe inesö mööjȩ mölejȩnö jo̧, ba̧kwelöjatebö jo̧, Suli̧tjö Ödö Jo̧ jö̧ba̧lö mikwo̧ Diosma: Ötjöma inesö möemi, suli̧tjö ödö jȩmi jo̧sa. Jo̧kwaijayonö ju'wibi, bakwo̧ sulabenö ja̧bina, o̧'wo tjo̧bekwö, —Sulabo̧ mikwawö̧kö̧sa, —jö̧ba̧lo̧kwöbi jo̧sa. Jo̧bajayo̧kwö jo̧sa, o̧'wo ujuluwachibanö pjatatakobetjö̧, sulabenö omukwataja̧ kabatibö balewachajo̧nö omajade ujuluwachibanö pjatatakobetjö.

Isaías 8:18

Ötjöbi, Isabenö Jo̧ iyinawö̧ chitji̧mubi i̧sȩkwa baibanö iyinawö̧sa, israel jojodö tjö̧'da̧de ja̧nö Dios yöbawö ujunina jawa di̧sebakobetjö̧. Jau chömöledö, Okobe Jwiinö Juluwo̧ Isabenö Jo̧ma, Jerusalennö ja̧'o Sion mösa'onö Jo̧, ja̧danö jobama ökwödönö ujuninobe, iteda ömöledö israel jojodönö i̧sȩkwa badibanö.

Daniel 4:4

Tupakwö yöawinobe Nabucodonosorma: Chömöledö, ötjö Nabucodonosorma cheju otiwejunö cho̧'wo̧ ösöwanö chö̧jijatö, wene jwiinö chö̧jijatö.

Daniel 5:11

Isabenö kwömöayedötjö bakwo̧ ö̧jobe, juluwadö diosbedö tjo̧'wo̧ luwo̧ tjö̧jökwema. Kwabe'do Nabucodonosor ina yöbawö ö̧jayi, jo̧banö tjöbadekwajinobe, nöinö waiso̧nö, waisanö omukwato̧nö, bakwainö diosbedö tjomukwati̧danö omukwato̧nö tjöbadekwaijinobe. Ja̧danö ökwötjö ajayinö ji̧na la'aka luwo̧bina Nabucodonosorma jo̧banö ujuninobe, okobe deinö mea bobadötjöbi, si̧li̧'idönö waisachadötjöbi, tupakwö baledakwa̧ yöbawadötjöbi inesö la'aka luwo̧ baibanö.

Mateo 19:26

Atjebökwe, jobadönö edö Jesúsma atadinobe: —Jojodö tjujulunö tjö̧jiboböma jwiobe. Jo̧kwaijayonö okobe jwiinö ja̧obö juluwo̧ Diosma, ja̧danö Dios pjaatitjö̧ma ji̧kwa jo̧be— jö̧ba̧lö atadinobe Jesúsma.

Juan 1:14

Ja̧danö, Dios Iwene Jo̧, jö̧ba̧lö, ötjabökwema jojo baibanö jeminökwe. Ja̧danö, jojo baibanö jeminökwema böjȩnö ökwödökwö ö̧jinobe. Ökwödöma jo̧banö edö, Jwiinö otiwo̧, jö̧ba̧lö, dösödijatö. Yelösöda, jo̧bama Dios Itji̧, iteakwo̧daobetjö̧ jwiinö otiwo̧. Ja̧danö, jo̧bama jwiinö lȩlö̧jino edöda pjabato̧. Ja̧danö, jweinöda yöba̧lo̧.

Juan 14:17

Jo̧bama Dios O̧'wo̧ Luwo̧, jweinöda yöbawo̧. Ja̧danö, jo̧bama otiwanö öba̧ja̧da̧lakwo̧ ökwödönöma, otiwanö kwöwaisachibaduwobö. Diosnö öpöjödadöma jo̧ba pjaati̧ma tjemökakwedö, tjomajade okwanö wajwitjökweobetjö̧. Jo̧kwaijayonö ida̧ökö ökwödöma kwöwaisaduwökwe babema ökwödökwö ö̧jobetjö̧. Ju'wi möle ökwödö kwo̧'wo̧ luwo̧duwi okwa tebachibö ö̧jakwo̧, ba̧kwȩlö̧jatebö ö̧jobö— yöawinobe Jesúsma öba̧ja̧di̧ waisachadönöma.

Juan 14:23

—Ötjönö ile nibebö ju̧kwadöma ötjö weti̧ a̧ja̧kwö ja̧badö. Ja̧danö, Chabe'doma jobadönö ile nibebö jo̧. Ja̧danö, ötjö, Chabe'do, jobadönö ichö, jobadökwö dö̧jakwedösa.

2 Corintios 6:16

Diosnö ösödakwawejutjö, Diosböködö o̧'wo̧ jawa tjösödobö ¿Diosma weenaji̧? Kwöwaisaduwa chömöledö, jejenömaökö, ¿jö̧tö? Jau chömöledö, isabenö Cristonö öpöjödadökwö bakibaduwoko, ökwödö Cristonö ösödadöda 'yaba̧lo̧ Dios ejubedö dö̧jobetjö̧. Jau chömöledö, isabenö Dios eju babibinadösa, Dios iwene laebi̧danö. Baikwö laebobe Dios iwene chömöledö Dios yöawinama: Ötjöma ötjö chömöledö tjo̧'wo̧ luwo̧nö chö̧jakwo̧sa, ja̧danö jobadö tjö'da̧de kwetachocha, ja̧danö ötjöma jobadö tjuluwo̧ Dios chö̧jakwo̧sa, ja̧danö jobadöma ötjö chömöledö tjö̧jakwedö, jö̧ba̧lö laebobe.

Apocalipsis 21:3

Ja̧danö, labinö ökwöi̧ iwene cha̧ja̧kwijatö, Dios ö̧belöma, baikwö: —A̧ja̧kwaduwitjö. Babema Dios iteda ömöledökwö ö̧jakwa̧ma, tjo̧wi̧ badekwacha. Ja̧danö, Diosma, jobadökwö ja̧nö, Bidöma ötjö chömöledö, jö̧ba̧lö, badekwacha.