Daniel 12:7 - Dios Iwene7 Abebö a̧ja̧kwökwe, ojwe wame jo̧ otiwado̧ dewado̧ 'dubawo̧ma, ömamiju kaebinobe mölejȩbekwö, ja̧danö yöa̧linobe: Ba̧kwȩlö̧jatebö Jo̧ Dios öba a'otjö ja̧nö, baikwö isabenö wene yötawakwö: Ja̧ jawama wa̧pötakwa o̧biya ja'ö baledibanö baledakobe. Jau, Dios ömöledö usula tjemawinö isabenö ja̧tja̧kobe Daniel, isabenö Dios ömöledö jejenö usula tjemawobö ja̧kobe, okobe jwiinö ja̧ yötawja̧ jawa baledenanö kabatö— jö̧ba̧lö atadinobe. Faic an caibideil |
Daniel 12:7
30 Iomraidhean Croise
Jemi ikenama Siria la'aka luwo̧ma yemidanö ömöayedö guardia jojodönö oko̧ko̧dakobe, ajayinö ö̧ko̧ko̧dinatjö̧ bajalekwönönö yelösöda ba̧jekwadönö o̧ko̧ko̧dakobe. Ja̧danö ja'yubenö lekwajabetjö yemidanö Egipto nijikwö ölakwabikwawobö i̧'yakobe, yelösöda ba̧jekwadö guardia jojodökwöbi, yelösöda nöinö itea kwakwaakwawa jawakwöbi.
Ja̧danö, ja̧ jelemutjö döbalataja o̧biya baledibajenama, ötjö Nabucodonosorma mölejȩbekwö chedijatö, ja̧danö yemidanö jojo omukwati̧danö otiwanö chomukwatijatö. Ja̧danö Okobe Jwiinö Juluwo̧ Diosnö chösödijatö, ba̧kwȩlö̧jatebö jo̧nö chösödijatö, otiwo̧, juluwo̧ jö̧ba̧lö. Isabenö ba̧kwȩlö̧jatebö la'aka luwo̧ jo̧ Diosma, isabenö ba̧kwȩlö̧jatebö 'dö̧ibajökönö la'aka luwo̧ ö̧jakwo̧.
Ju'wibi jo̧bama sulabenö Diosnö yöa̧lakobe, ja̧danö Diosnö ösödadönö sulabenö ja̧akobe, usula tjemawinö. Ja̧danö Dios weina pjiesta jawa möle balewö loobö isakwakobe, ja̧danö Dios jojodönö wei̧bi balewö lobö wainö weobö isakwakobe. Ja̧danö Diosma weakobe, wa̧pötakwa o̧biabi, ju'wi o̧ba ja'öbi Diosnö ösödadönö ujuluwobö.
Abebö a̧ja̧kwökwe, jelo̧ ángelma atadinobe: —Mil ciento cincuenta möle baledibanö jejenö ja̧kobe. Ja̧ mil ciento cincuenta mölebiyama, yȩayitenia Diosnö iyawabi, yi̧benatenia Diosnö iyawabi tjiyobö jwiakobe. Jemi ikenama, mil ciento cincuenta möle baledibajenama, yemidanö Dios eju otiwachibanö dichö lotjakobe— jö̧ba̧lö atadinobe.
Jau chömöledö, jejenö tjöba a'o kwö̧jaduwenama, ötjöda ökwödönö chiyakobe otiwanö jobadönö yökawaduwakwa̧ma, ja̧danö waisanö yökawaduwobö chiyakobe, jobe ja̧nö otiwanö yökawaduwakobetjö̧. Jau chömöledö, jejenö chiyobetjö̧, kwöpöjojodöma atadakwawa jwiinö tjö̧jakobe, ja̧danö jobadötjö bakwo̧bi deakobe, yötja̧li̧ma omöna jö̧ba̧lö yöa̧lakwo̧ma. Jejenö waisanö yökawaduwobö ötjöda chiyakobe chömöledö, jo̧kwajabetjö̧ tjöba a'otjö kwö̧jaduwakwa̧ abönö yökawaduwakwa̧ omukwatöma kwö̧jaduwoko. Jau chömöledö, yödawakwa̧ baibenama Jesúsda yödawakwa̧ iyakwo̧ jö̧ba̧lö kwite'ada̧laduwo, isabenö ökwödönö otiwanö yökawaduwobö chiyakobetjö̧.
Jobadötjö ba̧jekwadönö kwölöte'onö kwabö lotjakobe, ja̧danö jobadötjö ba̧jekwadönö tjitjebotjö öbibö, ju'wedö judío jojodöböködö tjitebokwena tjö̧jobö ötjibakobe. Ja̧danö, jemi tupakwö Jerusaléntjö judío jojodöböködöda webö tjö̧jakobe, Dios jobadö webö tjö̧ji̧tjö latjebobö ujunina möle badekwachenanö kabatö— jö̧ba̧lö yöawinobe Jesúsma.
Ja̧danö chömöledö, jejenö iteda wei̧ a̧ja̧kwö kwö̧jaduwitjö̧ma, isabenö otiwanö pjaatakwawö̧ja ökwödö israel jojodönö, baikwö yötawa: Diosda okobe deinö bö̧jȩ jojodönö 'da̧batö juninama, tjitebokwena jojodö batjibanö, jö̧tö? Ja̧danö isabenö Dios wei̧ a̧ja̧kwö kwö̧jaduwiökwe, okobe deinö jobadö tjitebokwena jojodötjö bajalekwönönöbedö bakibaduwanö kabebö ujunakobe, ökwödönö yöbawö ujunaja̧danö. Jau chömöledö, ökwödönö yöbawö ujunajabe Diosma, baikwö: –Israel jojodö weti̧ a̧ja̧kwö tjö̧jitjö̧ma, okobe deinö tjitebokwena jojodötjö bajalekwönönö, israel jojodönöda otiwanö ösödö yötja̧lobö pjatatocha, ja̧danö okobe deinö jobadönö tja̧ja̧kwobö pjatatocha, ja̧danö okobe deinö jobadönö otiwanö tjomukwatobö pjatatocha. Ja̧danö, ötjöda chömöledö inesö otiwadö tjö̧jobö chujunocha, –jö̧ba̧lö ökwödönö yöbawö ujunajabe kwuluwo̧duwi Isabenö Jo̧ Diosma, —jö̧ba̧lö yöawinobe Moisesma, israel jojodönö.
Ja̧ tjösödi̧ jawa söbebö lobö, wainö kwö̧jaduwobö jo̧be chömöledö, ökwödöma kwuluwo̧duwi Isabenö Jo̧ Dios ömöledököbaduwobetjö̧. Jau chömöledö, okobe deinö bö̧jȩ ba̧kwemeachibanö ju̧kwadötjö, kwuluwo̧duwi Isabenö Jo̧ Diosma ökwödö israel jojodönöda 'da̧batö ujuninobe, iteda ömöledö, ile niebawö̧ ömöledö bakibaduwobö, jo̧kwajabetjö̧ ju'wedö sulabenö tjösödi̧tjö wainö 'da̧bachibö kwö̧jaduwobö jo̧be.
Jo̧kwaijayonö jobadö Jesúsnö öpöjödö töbö metjijayonö, töböma meböködöja chömöledö, Dios omudawö ujuninawö̧ja, ja̧danö La'aka Duluwo̧ wei̧ otidadöja, ja̧danö mölejȩ jojodöja, ja̧danö Diosda ömöledöja chömöledö. Jau chömöledö, isabenö Dios wei̧ otidadö kwö̧jaduwobe. Diosma ökwödönöda 'da̧batö ujuninobe, jo̧ba inesö otiwanö pjaati̧ wene jojodönö yökawaduwobö. Jau chömöledö, Diosma isabenö otiwanö ökwödönö pjaatinobe, ökwödönö yȩa'wo okwatjö labeibö, iteda inesö idejatobekwö tekachaduwobö jwöinobe Diosma, ja̧danö jo̧ba inesö otiwanö pjaati̧ wene yökawaduwo jö̧ba̧lö, ökwödönö omudawö ujuninobe.
damö la'aka luwedöma, veinticuatronö jojodöma, inesö la'aka luwo̧ ö̧bemi badeibö tju̧yu̧ju̧ki̧junö bamatö, tjuu nijakwö bȩtjachibijatö, ba̧kwȩlö̧jatebö jo̧nö ösödö. Ja̧danö, jobadö veinticuatro damö la'aka luwedöma, bakwo̧nökwena tjuunö tjubutjawi̧ ökiya inesö la'aka luwo̧ ö̧bobekwö tjikwijatö, jo̧banö iyö. Iyö lo̧tjijatö:
Sanasan