Daniel 10:8 - Dios Iwene

⁸ Jo̧kwajabetjö̧ jo̧dawa'ye jobe chö̧jibijatö, ja̧danö ötjöda ja̧ jojodö edajitjökö jawa chedijatö. Chedenama, chujulu 'dö̧ibaijinobe, ja̧danö chöbama deöja baibinobe ötjönö wajwitjachibanö.

Daniel 10:8 Iomraidhean Croise

Génesis 32:31

Ikenama ju'wi dewachö jawo̧ laebena Jacobma labebijetö jelö Penieltjö. Jiko, jiko 'yi̧jetö isȩ'bo niiökwe.

Éxodo 3:3

Ja̧danö, jö̧ba̧lijetö itedada: Juluwanö 'ya̧wibö chedaja jötjema. La'akatjöda ediachijökötö jejenöma. ¿Tajawedö ubijayonö ubö lokötjeda ja̧? jö̧ba̧lö.

Daniel 10:16

Jejenö chiwene jwiökwe, bakwo̧ jojodanö ichejekwo̧ma cha̧jȩ mainobe. Jejenö maaja̧ ikena, chiwene tjeachajinobe, ja̧danö chabönö jo̧ ángelso̧nö yöta̧lijatö: —Chuluwo̧, chi̧'wi̧didanö chedinobetjö̧, chujulu 'dö̧ibajabe, chi'medawachibajabe, ja̧danö tjö̧bawö chö̧jobe.

Daniel 10:17

Chuluwo̧, chujulu jwiobe ökwökwö yöta̧lakwawobö, ja̧danö wayobe cho̧'wo̧ chemobö— jö̧ba̧lö.

Daniel 7:28

Jobekwö chedatö chi̧'wi̧dinö. Ja̧danö ötjö Danielma, ja̧ jawa omukwatö yetaibatö, tajijö jö̧ba̧lö, ja̧danö chöbama deöja baibatö. Jo̧kwaijayonö ju'wedönö yötawökötö ja̧ chedaja̧ma.

Daniel 8:27

Jemi ikenama ötjö Danielma jwiinö chime'dawachibijatö, ja̧danö ju'wi mölekwena chö'wöchijatö. Jemi ikenama, a̧laibö la'aka luwo̧ wei̧ yemidanö otidö chö̧jijatö. Jo̧kwaijayonö, yemidanö otidö chö̧jijayonö, chedina jawa omukwatö cho̧'wo̧ tjo̧bekwö chö̧jijatö, ja̧ baledakwa̧ma, diya̧jö jö̧ba̧lö.

Daniel 8:7

Jo̧ba chiwoso̧ labinö ichobekwö chedijatö, ja̧danö obejaso̧ dökalataja juna̧lo̧nö mebibö töinobe, ja̧danö obejaso̧ uusaka dökalataja pabebö loinobe. Ja̧danö jejenö uusaka pabebö loajökwe, obejaso̧ chiwoso̧nö ölakwabikwawobö ujulu jwiinobe, ja̧danö chiwoso̧ma jo̧banö nijakwö ikwö loinobe, ja̧danö ja̧tö loinobe. Bakwo̧bi obejaso̧nö ö̧jibinö pjaatobö juluwo̧bi deinobe, isabenö juluwo̧ ö̧jinobe chiwoso̧ma.

Mateo 17:6

Ja̧ iwene ökwöi̧ a̧ja̧kwö, jobadö wa̧medukwa Jesús öba̧ja̧di̧ waisachadöma yetjaibinobe yelösöda, ja̧danö yebabinö tjöba nijakwö tjöbamatinobe nijinö.

Juan 16:32

Jejenö ösödö yöka̧laduwijayonö yötawaduwakwö. Tjo̧wi̧, ötjö chö̧jelö dökibaduwakobe, kwejuduwikwena ȩwa̧jö. Jau, ötjönö le'dedibö kwȩwa̧jaduwakwa̧ möle yöneawacha babema. Ja̧danö, döbibajö kwȩwa̧jaduwajabe okobema jo̧dawa'ye chö̧jakwo̧sa. Jo̧kwaijayonö, jo̧dawa'yemaökö, Chabe'do ötjökwö jo̧.

Apocalipsis 1:17

Ötjöma jo̧banö edinö, ¡Ayö! jö̧ba̧lö, 'dö̧bachibö metji̧danö metijatö nijibe, de'bo'bonö bamatö, jo̧ba ömasapiya la'aka. Jejenö chöbamatiökwe ömamu öwaisobekwöchobesamunö ötjönö tjo̧'omanö mabö yöawijatö: —Yekabi. Ötjöma la'akatjöda ji̧nasa. Ja̧danö, 'dö̧ibajenanö kabatö chö̧jakwo̧sa, chö̧ji̧ma 'dö̧ibajökönö.