Daniel 10:6 - Dios Iwene

⁶ Jo̧ba iteba'oma, nöinö mikwawi̧ inawiyadanö salöinö dejatinobe, ja̧danö öbama böba idejati̧danö dejatinobe. Öbajalebiyama dejewa'yu̧ ubö dejati̧danö dejatinobe, ja̧danö öjabi, ibȩjwa̧bi salöachibanö 'do̧tjaja̧ broncedanö salöinobe. Ja̧danö, yöa̧lenama, iwenema ba̧jekwadö jojodö bakobe jwötebali̧danö labinö ökwöinobe.

Daniel 10:6 Iomraidhean Croise

Mateo 17:2

Ja̧danö, jobe ja̧nö tjedemi, Jesús öbalewachobe tjedinobe. Jo̧ba öbama jawo̧ idejati̧danö dejatinobe, ja̧danö ökamijido̧ma salöinö dewinobe.

Mateo 28:3

Jo̧ba ángel öbama böba idejati̧danö salöinö dejatinobe, ja̧danö ökamijido̧ma jwiinö dewinobe.

Lucas 9:29

Ja̧danö, jobe ja̧nö Diosnö aebonö, Jesús öbama balewachinobe, ja̧danö ökamijido̧ma salöinö dewinobe.

Apocalipsis 10:1

Ikenama ju'wi i̧sebi̧ma chedijatö. Ja̧danö, mölejȩbetjö jwibacho̧ ángel, jwiinö juluwo̧nö chedijatö. Jo̧bama ojwiyo'wo lö̧ökwe. Ja̧danö, uu wamema mayo ö̧lökwe. Ja̧danö, jo̧ba ángel öbama ja̧wo̧danö dewinö dejato̧. Isȩ'biju salöbo̧, okwi'iju ubi̧ o'ijudanö.

Apocalipsis 19:12

Öbajalebiyama ökwöla ubi̧danö dejatökwe. Ja̧danö, la'aka luwo̧ ubutjawakadanö ichejekwi̧ ökiya butjawo̧, nöinö ökiya, uunöma. Jo̧bama imi wȩyukwo̧, iteda öwaisi̧ imima.

Apocalipsis 2:18

Ja̧danö, chedökwema ina chiwȩyudobö weijatö: —Juan, biya̧ yötawi̧ma wȩyudi weköbo, Tiatira jojodötjö ötjönö ko̧ko̧kwa̧lö ba̧nö ösödadönö te'ada̧lakwawa jojonöma. Jo̧banö weköbo, jobe ju̧kwadö ötjönö ösödadönö biya̧ yötawi̧ yöawo. Baikwö wȩyudi weköbo: Biya̧ chiwȩyudi̧ma Dios Itji̧ yöawi̧. Ja̧danö, öbajalebiya la̧pa̧la̧yu̧ ubi̧danö ubo̧, ömasapiyabi jwiinö salöbo̧ yöawi̧, biya̧ chiwȩyudi̧ma. Yelösöda, jo̧bama, jwiinö dei̧yanö ubi̧danö dei̧yanö ubo̧, ömasapiyama, 'dii̧ jawa, suli̧ jwii̧ baibobö ökwölanö juwawa. Jo̧bama ökwödönö baikwö yöawobe:

Apocalipsis 21:20

Ja̧danö, jelewanö ja'yuwawa pöa̧lobe, ónice mikwawa. Ja̧danö, jelewanö pöa̧lobe ja'yuwawa rubí mikwawa. Ja̧danö, jelewanö ja'yuwawa pöa̧lobe crisólito mikwawa. Ja̧danö, jelewanö ja'yuwawa pöa̧lobe berilo mikwawa. Ja̧danö, jelewanö ja'yuwawa pöa̧lobe topacio mikwawa. Ja̧danö, jelewanö ja'yuwawa pöa̧lobe crisoprasa mikwawa. Ja̧danö, jelewanö ja'yuwawa pöa̧lobe, jacinto mikwawa. Ja̧danö, jelewanö ja'yuwawa pöa̧lobe amatista mikwawa.