Daniel 10:19 - Dios Iwene

¹⁹ Ja̧danö ötjönö yöa̧linobe: —Jojoso̧, Dios jwiinö ile niebökweja, yebabökönui, kwo̧'wo̧ ösöwachibanö ja̧wi. Kwujuluwachibanö ja̧nö yebabökönö ja̧wi— jö̧ba̧lö yöa̧linobe. Jejenö yöa̧litjö, chujuluwachibijatö, ja̧danö jo̧banö chatadijatö: —Tjo̧wi̧ ötjönö chujuluwachibanö pjakatajabe, jo̧kwajabetjö̧ yöba̧li̧ chuluwo̧— jö̧ba̧lö.

Daniel 10:19 Iomraidhean Croise

Isaías 35:4

Tjomajadenö yebabinö ju̧kwadönö yökawaduwo, —Kwujuluwaduwachibanö, yebabökönö kwö̧jaduwo, chömöledö. Jau chömöledö, kwösödaduwökwe Diosma isabenö pjabatö ichakwo̧, öpöjojodö sulabenö ja̧tjiökwe, balekwa mikwa dameakwö ichakwo̧, lȩebobö. Jau chömöledö, kwöpöjojodöduwitjö kwö̧jibaduwanö, otiwanö ichakwo̧ Diosma, kwujuluwachibaduwo, —jö̧ba̧lö ökwödötjö tjomajadenö yebabinö ju̧kwadönö tjujuluwachibanö yökawaduwo.

Isaías 41:10

Yekabiduwoko ökwödö israel jojodö, ötjöda ökwödökwö jo̧chobetjö̧, ja̧danö kwo̧'wo tjo̧bekwö kwö̧jaduwoko, ötjöda kwösödaduwökwe Dioschobetjö̧. Jau, ötjöda kwujuluwaduwachibanö pjatatakwo̧sa, meköbaduwapji jö̧ba̧lö, ötjöda chömamu juluwamu chöwaisobekwöchobesamunö do̧balö pjatatakwo̧sa.

Isaías 41:14

Ökwödö Israel jojodöma, yekabiduwoko. Ökwödö Jacob itji̧mu tupadanö jojodöma, sa̧dö juluwöködö kwichejekwaduwijayonö, yekabiduwoko. Jau chömöledö, —Ötjödasa ökwödönö pjabato̧ma, —jö̧ba̧lö ötjö Isabenö Jo̧ma yötawaduwakwö, ökwödönö kwö̧jibaduwinö pjabato̧ma, ötjö Israel jojodö tjösödökwe Suli̧ Jwibo̧ Diosda, jo̧kwajabetjö̧ yekabiduwoko.

Daniel 10:18

Jejenö yöta̧liökwe, jojodanö ichejekwo̧ma yemidanö ötjönö mainobe, ja̧danö chujuluwachibanö pjaatinobe.

Daniel 9:23

Ajayinö Diosnö lȩlö̧jinö edobö jamatö akebenama, Diosma iteda yöawi̧ ökwönö weatö, ja̧danö ökwönö yöbawö chichajabe. Jau Daniel, Dios jwiinö ösödökweja, ja̧danö ökwönö yötawobö weajabe. Jo̧kwajabetjö̧ Dios ökwönö yöawi̧ a̧ja̧kwi, ja̧danö Dios i̧sebina jawa kwöwaisachibobö labebö lobö yötawocha— jö̧ba̧lö yöawinobe Gabrielma.

Juan 11:3

Jo̧kwaiawö̧, Lázaro öpöodöma bakwo̧nö yöbawö i̧'yobö wetjinobe, jelobe, Jesús ö̧jobekwö, jo̧banö yöawobö, Duluwo̧ kwömöledöso̧ Lázaro, kwösödökwema nöinö ö'wöchobe, jö̧ba̧lö. Yöawobö wetjajökwema Jesús ö̧jobekwö 'ya̧jo̧ ichibö wetjaja̧danö yöawinobe.

Juan 11:36

Jejenö ubudekwiawö̧ judío jojodöma jö̧ja̧linobe: —Edaduwi, jwiinö ösödinökwewe—jö̧tja̧linobe.

Juan 11:5

Ja̧danö, Jesúsma Martanöbi, jöjawujunöbi, jöjawo̧ Lázaronöbi jwiinö ösödinobe.

Juan 14:27

Chi̧'yajabe okobema kwo̧'wo̧duwi ösöwanö kwö̧jaduwobö pjatatakwo̧sa. Jejenö pjatati̧ma kwo̧'wo̧duwi ösöwanö kwö̧jaduwobö pjatati̧, böjȩ jawamaökö. Tjo̧'wo̧ luwo̧ okwa jawa, ba̧kwȩlö̧jatebö ji̧ jawama. Chöba̧ja̧di̧ waisachadö, kwo̧'wo̧duwi tjo̧kekwaduwa, ja̧danö yekabiduwa.

Juan 16:33

Ja̧danö, babe yötawaja̧ma kwo̧'wo̧ luwo̧duwi tjo̧bekwökönö kwö̧jaduwobö yötawajabe. Chömöledö, böjȩnö ja̧nö usula kwemawaduwakobe. Jo̧kwaijayonö, kwo̧'wo̧duwi̧ ösöwanö kwö̧jaduwo, ötjöma böjȩnö jawa okobe jwiinö chujuluwobetjö̧— yöawinobe Jesúsma öba̧ja̧di̧ waisachadönöma.

Juan 19:26

Ja̧danö, Jesúsma, jo̧ba ipjeanö ja̧dö, ojo'donöbi, ile niebökwe öba̧ja̧di̧ waisacho̧nöbi edö jö̧a̧linobe ojo'donö: —Chojo'do, bite chömöayo̧, ökwö kwipjeanö jo̧ma, ökwö kwitji̧danö baibakwo̧ —jö̧a̧linobe, Ökwönö ite'ada̧lakwo̧, jö̧ba̧lö.

Juan 21:20

Ikenama Pedro jalachibö edinobe jelo̧ ömöayo̧nö, Jesús ile niebökwenö. Jo̧bama Jesús öbube'onö waneba̧lö bi̧abina, bakobe kwanö tjö̧bajena. Jo̧bama Jesúsnö abebö a̧ja̧kwina, Chuluwo̧ ¿tida ökwönö iyö loakwo̧ma? jö̧ba̧lö.

1 Corintios 16:13

Chömöledö, te'ada̧lönö kwö̧jaduwo, ja̧danö 'diinö kwö̧jaduwo Jesúsnö ösödö dö̧ji̧ma, ja̧danö yebabökönö kwö̧jaduwo, ja̧danö kwujuluwachibaduwo chömöledö.

2 Corintios 12:9

Jo̧kwaijayonö baikwö atadinobe chömöledö: —Jo̧kwada, ja̧tjö kwö̧jibinö pjatatökö Pablo, jo̧kwaijayonö ja̧ nii̧tjö bajalekwönönö mikwa jwiinö lȩlö̧jinö pjatatakwö, ökwö kwujulu jwienama, ötjöda chujulu öwaetjöda öwawobetjö̧— jö̧ba̧lö atadinobe Duluwo̧ma. Ja̧danö, ötjö chujulu jwiena Duluwo̧ ujuluda öwawobetjö̧, ötjöma isabenö cho̧'wo̧ ösöwanö yöta̧lobe, chujulu jwii̧ma otiwa, jö̧ba̧lö, ötjönötjö Cristoma iteda ujulunö otidakobetjö̧.

Efesios 6:10

Babema bajaleapo yöbawö chiwȩyuda, chömöledö. Duluwo̧ma jwiinö juluwo̧ ¿jö̧tö? Ja̧danö, iteda ujulunö pjaatobetjö̧ kwo̧'wo̧ luwo̧duwinö jemi tupakwö juluwachibanö kwi̧'yaduwo.

2 Timoteo 2:1

Chitji̧danö chösödökwe Timoteo, Cristo Jesúsnö dötewanö kwö̧jiökwe, Diosma isabenö otiwanö lȩlö̧jinö iyökweja, jo̧kwajabetjö̧ baikwö wetakwö: Ja̧ Dios iyi̧tjö kwujuluwachibanö ja̧wi.

Josué 1:9

Jau Josue, wetaja̧danö yemidanö wetakwö, Kwujuluwachibanö yebabökönö kwö̧jo. Kwöpöjojodö tjöba a'o ja̧nö, yebabinö tjö̧bawöma kwö̧joko, ötjö kwösödökwe Isabenö Jo̧ Diosma okobe jwiinö kwekachi̧tenia ökwökwö chö̧jobetjö̧, —jö̧ba̧lö yöa̧linobe Isabenö Jo̧ma, Josuenö.

Apocalipsis 1:17

Ötjöma jo̧banö edinö, ¡Ayö! jö̧ba̧lö, 'dö̧bachibö metji̧danö metijatö nijibe, de'bo'bonö bamatö, jo̧ba ömasapiya la'aka. Jejenö chöbamatiökwe ömamu öwaisobekwöchobesamunö ötjönö tjo̧'omanö mabö yöawijatö: —Yekabi. Ötjöma la'akatjöda ji̧nasa. Ja̧danö, 'dö̧ibajenanö kabatö chö̧jakwo̧sa, chö̧ji̧ma 'dö̧ibajökönö.

Jueces 6:23

Jo̧kwaijayonö Isabenö Jo̧ma Gedeonnö yöawinobe, —Wene jwiköba, yebabökönui, ötjönö kwedajayonö, woköbökakwo̧ja, —jö̧ba̧lö.