Daniel 1:4 - Dios Iwene

⁴ Ja̧danö, sule bakwainö otiwadönöda, ja'yubebi suli̧ jwibadönöda, waisanö omukwatadönöda, otiwanö waisakwawa tjöba̧ja̧dinawö̧nöda, tupakwö waisachakwawa tjöwaisachibobö juluwadönöda, ja̧danö inesö la'aka luwo̧ ejunö ja̧nö tjotidobö waisadönöda 'da̧batö ujunobö weinobe Nabucodonosorma Aspenaznö. Ja̧danö tupakwö weinobe, jejenö 'da̧batö ujunajawö̧nö Babilonia jojodö tjiwene tjöba̧ja̧dobö, ja̧danö Babilonia jojodö tjiwȩyudina jawa tjöba̧ja̧dobö weinobe.

Daniel 1:4 Iomraidhean Croise

Génesis 41:46

Joséma Egipto la'aka luwo̧ faraón wei̧ jamatö otidena treinta a̧yo juna̧lijetö. Ja̧danö, otidiabijetö Joséma faraón ö̧jelö labebö okobe jwiinö Egipto nijinö kwebachö 'ya̧nö.

2 Samuel 14:25

Absalonma isabenö wamenö otiwo̧ ö̧jinobe, okobe deinö israel jojodötjö bakwo̧bi deinobe, jojodö edö, —Aaa, itema otiwo̧, —jö̧ba̧lö Absalonnö yötja̧li̧danö yötja̧lökwema. Okobe jwiinö iteba'oma, jwiinö otiwo̧ ö̧jinobe, suli̧ jwiinö.

Proverbios 22:29

Jemi ikena jweinö omukwatadö yötjawina jawama baikwö laebobe: Isabenö yötawa: Bakwo̧ waisanö otido̧ma otiwanö ö̧jakwo̧. Iteda otikwama otiwanö öwaisobetjö̧ inesö la'aka luwo̧ma nöinö ösödo̧ jo̧banöma, otidobö webö. Jobekwö jo̧ba waisanö otido̧ma inesö la'aka luwo̧ ömöayo̧ baibanö otidakwo̧. La'akatjö̧da jo̧kwadabedö wetji̧ otidokobe, inesö la'aka luwo̧ ömöayo̧ baibanö, otiwanö ja̧nö otidakwo̧.

Isaías 36:11

Jobekwö Juda jojodö tjiwenenö yöa̧liawö̧, Eliaquinbi, Sebnabi, Joabi yötja̧linobe, —Ökwödö kwömöayedöma, kwiwene arameo waisadösa, jo̧kwajabetjö̧ kwiwenenöda yöka̧lodönö. Ju'wedö Juda jojodö comunidad tjöekwemi ja̧dö tja̧ja̧kwa̧lonö, Juda jojodö diwenenö yöka̧loko, yöda̧lakwawi̧ tja̧ja̧kwapji jö̧ba̧lö, —yötja̧linobe.

Daniel 2:10

Yöa̧lawö si̧li̧'idönö waisachadöma tjatadinobe: —La'aka duluwo̧, bakwo̧bi deobe böjȩtjö, kwi̧'wi̧dikwaja̧ ökwönö yöbawo̧ma. Ja̧danö okobe deinö la'aka luwedötjö, juluwöködötjöbi, juluwadötjöbi bakwo̧bi deobe babe akebaja̧danö abebo̧ma. Ökwödö mea bobadönöbi, tupakwö baledakwa̧ yöbawadönöbi, si̧li̧'i̧dönö waisachadönöbi la'aka luwo̧ bakwo̧bi la'akatjöda aebinokobe, ökwö babe akebaja̧danöma duluwo̧.

Daniel 2:2

Jo̧kwajabetjö̧ Nabucodonosorma weinobe okobe deinö mea otidadö i̧'wi̧dikwaja̧ yöbawö tjichobö, tupakwö baledakwa̧ yöbawadöbi, mea bobadöbi, si̧li̧'idönö waisachadöbi.

Daniel 3:8

Ja̧danö, ja̧ möle si̧li̧'idönö waisachadötjö ju'wedöma Nabucodonosor öba a'o ichibö tjo̧'wo suli̧nö yötjawinobe Judá jojodönö.

Daniel 4:7

Jo̧kwajabetjö̧ mea bobadöbi, tupakwö baledakwa̧ yöbawadöbi, si̧li̧'idönö waisachadöbi chöba a'o tjichibinobe. Ichibajadönö chi̧'wi̧dikwaja̧ yötawijatö, jo̧kwaijayonö labebö lobö yötjawobö wajwitjinobe, baikwö jö̧ba̧lö kwi̧'wi̧dikwajabe jö̧ba̧lö.

Daniel 5:11

Isabenö kwömöayedötjö bakwo̧ ö̧jobe, juluwadö diosbedö tjo̧'wo̧ luwo̧ tjö̧jökwema. Kwabe'do Nabucodonosor ina yöbawö ö̧jayi, jo̧banö tjöbadekwajinobe, nöinö waiso̧nö, waisanö omukwato̧nö, bakwainö diosbedö tjomukwati̧danö omukwato̧nö tjöbadekwaijinobe. Ja̧danö ökwötjö ajayinö ji̧na la'aka luwo̧bina Nabucodonosorma jo̧banö ujuninobe, okobe deinö mea bobadötjöbi, si̧li̧'idönö waisachadötjöbi, tupakwö baledakwa̧ yöbawadötjöbi inesö la'aka luwo̧ baibanö.

Daniel 5:7

Ja̧danö Belsasarma juluwanö jwöeba̧linobe mea bobadönöbi, si̧li̧'idönö waisachadönöbi, tupakwö baledakwa̧ yöbawadönöbi öbibö tjichejebobö, ja̧danö tjichejebawö̧nö yöawinobe baikwö: —Bakwo̧ biya̧ wȩyukwi̧ yöba̧löbi labebö lobö yöbawöbi pjaatijö̧ma, isabenö otiwanö chiyakwo̧sa jobanö. La'aka luwo̧ ökamijido̧ 'dutatocha, ja̧danö orotjö otikwopja u̧lu̧meanö chöladocha, ja̧danö inesö la'aka luwo̧ baibanö 'da̧batö chujunocha, chipjea jojo, wa̧medukwa jojo baibanö— jö̧ba̧lö yöawinobe.

Daniel 9:1

Biya̧ chiwȩyudi̧ma, Darío mikwo̧ Babilonia niji la'aka luwo̧ ö̧jena ajayisaba baledina wene. Jo̧ba Daríoma Asuero mikwo̧ itji̧, medo jojodö tji̧tji̧ tupadanö jojo, ja̧danö Babilonia niji la'aka luwo̧ tjujuninökwe.

Hechos 7:20

Ja̧ möle bakwujuma tjemunö emijotö. Jo̧ba tjemuma Moisés mikwijetö. Jo̧bama otiwijetö yelösöda. Ja̧wo̧dö wa̧medukwanö ojo'doma jo̧banö tojibö bötjatijotö, jobadö tjejutjöma.

Hechos 7:22

Ja̧danö, Moisésma okobe jwiinö Egiptonö ju̧kwadö tjöwaisi̧ jawa waisachijetö. Jojodöma Moisésnö edö jö̧ba̧lijadötö, Jo̧bama waisö yöba̧lo̧, otiwanö ja̧bo̧, jö̧ba̧lö— yöbawijetö Estebanma.

Efesios 5:27

Jejenö ökwödönö dichö loinobe Cristoma, jwiinö otiwadönöda, dewamachibadönöda emobö. Ja̧danö, Cristoma dichö loinobe itenöda ösödadönöma, iteda ömöledö batjibinö 'da̧batö junö, ja'yubebi suli̧ jwibadö batjibinö.

Jueces 8:18

Ikenama, Gedeonma Zebanöbi, Zalmunanöbi abebö a̧ja̧kwinobe, —Tabor mösa'otjö kwabö loköbinaduwawö̧ma, didöjayedönö kwabö loköbinaduwa̧da? —jö̧ba̧lö. Aebawö̧, tjatadinobe, —Okobe deinö jobadöma ökwö kwichejekwi̧danö, inesö la'aka luwo̧ i̧tji̧mudanö ichejekwadönö kwabö lodijatö, —jö̧ba̧lö.