Apocalipsis 9:3 - Dios Iwene

³ Jemi ikenama, ja'wo imiyu'wotjö ma̧la̧ka̧yö̧, yelösöda ba̧jekwadö latjekwibobe chedijatö. Jobadönöma tjujulu iyajawö̧, i̧ti̧yu̧dö lotjawi̧danö lotjawobö.

Apocalipsis 9:3 Iomraidhean Croise

1 Reyes 12:11

Chabe'doma ömökanö kwotidaduwobö weinobe, jokwaijayonö ötjöma ja̧tjö bajalekwönönö jwiinö ömökinö kwotidaduwobö wetakwo̧sa. Ja̧danö, chabe'do ökwödönö lȩebinatjö bajalekwönönö labinö lȩtebakwo̧sa, baikwö wanedö yötawa, Chabe'do ökwödönö lȩebenama, ba̧kwelöjatebö kwakwabajitjadanö ökwödönö kwakwainobe, jo̧kwaijayonö ötjö kwakwachakwa̧ma, itiyu ömadeba ji̧ kwakwaakanö ökwödönö kwakwachakwo̧sa, —jö̧ba̧lö kwatado, ejeanö weköbobö abebadönö, jö̧ba̧lö tjatadinobe Roboannö.

Isaías 33:4

Döpöjojodönö kwujuluwenama, ökwödö kwömöledöma tjitea otiwanö 'döbebö emadösa, achuwabi, ma̧la̧kayubi okobe jwiinö pokwi̧ jawa tjukwi̧danö, kwujuluwajawö̧ tjiteaja̧ 'döbebö emadösa.

Lucas 10:19

Jau chömöledö isabenö otiwanö chujulu chiyajabe ökwödönö, sulabedönö kwujuluwaduwobö, ja̧danö jejenö chiyobetjö̧, wene jwiinö a̧ko̧'dö̧nö ja̧tadöja, ja̧danö itiyunö ja̧tadöja, ja̧danö inesö kwöpöjojobi ujuluwököwö̧ja. Jau chömöledö, ökwödönö chujulu chiyobetjö̧, bakwo̧bi ökwödönö suli̧ öwaedoböma deobe, ja̧danö jejenö ökwödönö chiyi̧ma isabenö otiwobe chömöledö.

Deuteronomio 8:15

Jo̧bada jojodö deobe, nibadö a̧ko'döbi, itiyubi tju̧ju̧kwobe inesö kököobe niji otiwanö kwöbaledaduwobö pjabatinama. Jo̧bada 'dii̧ inawatjö ojwiyo döobö webinama, ojwiyo jwiena otiwanö kwowaduwobö,

Apocalipsis 9:5

Ja̧danö, jobadö ma̧la̧ka̧yö̧ma ja̧wo̧dö bakwamu luwanö Diosnö öpöjödadönö lotjawobö weinawö̧. Lotjawajawö̧ma inia tjöböda tjö̧jakwedö, ö'wö batjibökönö. Yelösöda, lotjibenama jwiinö nibadö, itiyu loibena nii̧danö.

Apocalipsis 9:7

Jobadö chedinawö̧ ma̧la̧ka̧yö̧ma wainö ichejekwadö. Ka̧ba̧yu̧dödanö ichejekwadö, guardia tja̧jwi̧mu ka̧ba̧yu̧dödanö. Ja̧danö, 'dii̧ jawatjö tjöeba̧linö 'dubawadö, 'bötjabikwawakwedö tja̧jwi̧munö 'dutjati̧danö. Ja̧danö, tjuunö butjawaka, 'dii̧ ökiya, la'aka luwedö tjubutjawi̧ ökiyadanö, orotjö otikwa ökiya butjawadö. Tjöbabi jojodö tjöbadanö ja̧wö̧.

Jueces 7:12

Jwiinö ba̧jȩkwadö madianitas jojodöbi, amalecitas jojodöbi, ju'wedö jawo̧ laebobekwötjö ichajadöbi tjö̧ba̧jekwinobe wabekonö, jwiinö tjö̧ba̧jȩkwobetjö̧ ma̧la̧ka̧yu tjö̧ba̧jekwi̧danö ichejekwinobe, ja̧danö tja̧jwi̧mu ka̧meyudöbi ba̧ja̧dakwawökenanö tjö̧jinobe, jwaibalawa ö'öbö so̧bi̧apu ba̧jȩkwi̧danö.