Apocalipsis 3:4 - Dios Iwene

⁴ Jejenö yötawijayonö, ökwödötjö ju'wedöma, obukwedöda, ina kwo̧'wo̧ luwo̧duwi okwanö otiwanö omukwatö kwö̧jaduwobe. Wanedö yötawa: Ökwödöma, sulabedökwö pjabacha̧lökönö, otiwanö omukwatö kwö̧jaduwobetjö̧, kamisi dewi̧, yȩamökö 'dutjawi̧danö 'dukawaduwobe. Chömöledö, ju'winö ökwödöma ötjökwö bakobe, kamisi dewi̧ 'dubawadö kwekachaduwakwedöja. Ja̧ kamisi dewi̧ 'dukawaduwakwa̧ma, Bidöma mikwawadö, Jesúskwö dötewanö bakobe kwetjachoböma, jö̧ba̧lö, wanekwachakobe.

Apocalipsis 3:4 Iomraidhean Croise

1 Reyes 19:18

Jo̧kwaijayonö lȩbebö kwabawö lotjobö wetijayonö, okobe deinö israel jojodönö kwabö lotjoböma wetökakwo̧sa, israel jojodötjö ina ötjönö ösödadö tjuju̧kwobetjö̧. Jau Elias, israel jojodötjö ina siete milbedö tju̧ju̧kwobe, Baalnö bȩbachibö ösödöködöma, ja̧danö Baal o̧'wo jawa du̧batö ösödöködöma, —jö̧ba̧lö weinobe Eliasnö.

Isaías 1:9

Jau chömöledö, ökwödö israel jojodöma, Sodoma comunidaddanö, ja̧danö Gomorra comunidaddanö badibo jö̧da̧linobe, Dios lȩebi̧tjö okobe deinö bakobe debö di̧'yo jö̧da̧linobe chömöledö. Jo̧kwaijayonö, okobe deinö debö di̧'yapji jö̧ba̧lö, Isabenö Jo̧ okobe jwiinö juluwo̧ Diosma ökwödö israel jojodötjö o̧bukwedönö tjöbeba̧lö pjaatajabe, Sodomadanö, ja̧danö Gomorradanö badibapji jö̧ba̧lö.

Isaías 52:1

Wilubi, wilubö a̧la̧ibi Sion mösa'o, yemidanö juluwachibi. Ökwö Dios itebo comunidad baibanö 'da̧batö ujuninemi Jerusalenma, otiwa̧do̧ 'dubawi, yȩbekwadöbi, Diosnö öpöjödadöbi kwitea apjude okwa tetjachökakwedö bemi tupakwöma.

Isaías 59:6

Jau chömöledö, awöka acha'bama, ja'yubebi mikwawokobe, awöka acha'batjö kamiji̧do̧ otidö, 'dutjawobö jwii̧, jö̧tö? Ökwödö kwotidaduwi̧bi ja̧danö chömöledö. Kwotidaduwi̧ma, bakobe sulabenö ja̧badöja, ja̧danö jojodönö sulabenö kwabö lobadöja.

Isaías 61:10

Jwiinö cho̧'wo ösöwachibanö chösödobe Isabenö Jo̧nö, —Chösödökwe Diosma otiwanö pjabato̧, —jö̧ba̧lö. Jau, baikwö wanedö yöta̧la, ji̧ikwa jawa kamisinö 'duatajabe ötjönö, ja̧danö otiwanö ja̧bö ja̧kwawa jawa wamesa̧do̧nöbi 'duatajabe. Jobekwö 'duatajökwe, ö'weje pjabato̧bi, ilekwonö emakwo̧bi jwiinö otiwaka butjawaka tjubutjawi̧danö, ja̧danö jilekwenö jemakwuju sasiyu jöni̧danö, otiwanö 'dubawö jo̧sa, chösödökwe Diosma otiwanö pjaatobetjö̧.

Isaías 61:3

Jau, okobe deinö Jerusalen comunidadtjö budekwadönö, ökwölaso̧pja tjuunö tjöwanajelö, balekwaka o̧bubiyatjö otikwaka butjawaka tjubutjawobö chiyobö weökwesa, ja̧danö tjubudesobu ji̧nemi, balekwobu o̧'wo ösöwachibakwawa o̧te chiyobö weinökwesa, ja̧danö budekwadö 'dutjawa̧do̧ 'dutjawajemi, balekwa̧do̧ tjo̧'wo ösöwachibanö Diosnö ösödadö 'dutjawa̧do̧ chiyobö weinökwesa. Ja̧ möle 'diinö ja̧nö Dios wei̧ a̧ja̧kwö tjö̧jobetjö̧, —Isabenö Jo̧ wei̧ a̧ja̧kwi̧owi encina towibiya, —jö̧ba̧lö ötjabikwawö̧. Jobekwö 'diinö tjö̧jobö ujunakwo̧ Diosma, jobadönö edö, jo̧banö otiwanö omukwatö tjösödakobetjö̧.

Isaías 64:6

Okobe deinö kwöba a'otjö yȩbekwadödanö babibadösa chuluwo̧. Ja̧danö otiwanö ja̧badösa jö̧ba̧lö yöda̧li̧jayonö, ja̧di̧ma yȩekwado̧, iwonö lu̧ju pjajawa̧do̧danö ichejekwobe. Ökwödöma towisöja kököachibi̧danö ichejekwadösa, ja̧danö jwa̧le'epjo e'ewibobedanö, sulabenö ja̧bö dö̧ji̧ma jelobekwö badibanö öibawö̧sa.

Mateo 10:11

Tupakwö weinobe Jesúsma: —Comunidadbe kwichibaduwenama, jobetjö otiwanö ja̧bö jo̧nö kwisakwaduwo, jo̧ba ejunö kwö̧jaduwobö, ja̧danö jo̧ba ejunö kwö̧jaduwo, ja̧ comunidadtjö lakebaduwenanö kabatö.

Marcos 16:5

Jo̧kwaobetjö̧ i̧lȩdo̧ okwa tebachijadötö. Tebachibö tjöwaisobekwöchobe tjedemi möayo̧ma, kamijido̧ dewado̧ 'dubawo̧ bi̧jetö. Jo̧banö edö jwiinö yebaibijadötö.

Lucas 20:35

Jejenö tji̧lȩkwa̧munö emöködö mölejȩbe ju̧kwadöma. Jau, baikwö yötawa: Mölejȩbe tjö̧jobö mikwawadö, bidöma woawatjö tjetjachajobö mikwawadö jö̧ba̧lö Dios omukwatawö̧ma, la'akatjöda woböködö batjibobe. Jobadöma Dios i̧tji̧mu woawatjö tjeatajinawö̧tjobetjö̧, ángelesdö wöboködö tjö̧ji̧danö ö'wö babiböködö tjö̧jobe. Jo̧kwajabetjö̧ jobetjö tji̧lȩkwa̧munö tjemökakwedö. Ja̧danö, mölejȩbe ju̧kwadö tji̧lȩkwa̧munö emöködö tjö̧jobetjö̧, bakwo̧bi ilekwo jö̧jökakwuju— jö̧ba̧lö atadinobe Jesúsma—.

Lucas 21:36

Jau chömöledö, ökwödöma ba̧kwȩlö̧jatebö eda̧lö ja̧nö Diosnö akebaduwo kwujuluwachibaduwanö pjaatobö, yötawaja̧ baledakwa̧ jawa baledenama, otiwanö kwöbaledaduwakobetjö̧, ja̧danö baledajadö ötjö jojo baibanö jeminökwe chöba a'otjö otiwanö kwö̧jaduwakobetjö̧— jö̧ba̧lö yöawinobe Jesúsma.

Hechos 1:15

Ju'wi möle jobadö tjoko̧ko̧kwena, ciento veinte jenanö ju̧kwijadötö. Pedroma jobadö tjö'da̧denö jamatö yöbawijetö:

2 Tesalonicenses 1:5

Jau chömöledö, jejenö kwö̧jaduwi̧ma kwi̧sekwaduwobe Dios jweinö ja̧i̧ma. Ökwödöma Dios La'aka Luwo̧ ö̧jakwa̧ omukwatö, usula emawadöja babema, ¿jö̧tö? Ja̧danö Diosma ökwödönö ja̧bo̧, jo̧ba webö ö̧jena tjö̧jo jö̧ba̧ladö bakibaduwanö.

Judas 1:23

Ja̧danö ju'wedönöbi pjakataduwo. Wanedö yötawa: Ökwöla nöola ö'öbö tjö̧ji̧tjö tjö̧jibanö do̧kataduwodönö. Ja̧danö, ju'wedö inesö sulabenö ja̧bö ju̧kwadönöbi lȩlö̧jinö edö pjakataduwo chömöledö, ja̧danö jejenö pjakataduwenama, te'ada̧lönö yebabinö kwö̧jaduwo, sulabenö ja̧tji̧danö ökwödöbi sulabenö ja̧köbaduwapji jö̧ba̧lö. Jau chömöledö, jobadönö lȩlö̧jinö edö kwösödaduwijayonö, ja̧tji̧ma kwösödaduwoko yelösöda, isabenö Dios öpöjödi̧ jawa jö̧ba̧lö.

Apocalipsis 1:11

Ja̧ ökwöi̧ma jojo yöa̧li̧da cha̧ja̧kwijatö. Ja̧danö, baikwö jö̧a̧lijatö ötjönöma: —Juan, biya̧ kwedi̧ma wȩyudi weköbo jelemutjö dötölatajanö tjuju̧kwitenia ju̧kwadönö, ötjönö ösödö ko̧ko̧kwa̧ladönöma. Biya̧ comunidadesnö ju̧kwadönö, Éfesonö, Esmirnanö, Pérgamonö, Tiatiranö, Sardisnö, Filadelfianö, Laodiceanö ju̧kwadönö wȩyudi weköbo, ötjönö ösödö ko̧ko̧kwa̧ladönöma— jejenö weijatö ötjönöma, trompeta pjutji̧danö ökwöinö yöba̧lo̧ma.

Apocalipsis 11:13

Katjekwachaja̧ okobema böjȩ niji jwiinö tjö̧bebö li̧leibobe. Yelösöda, tjö̧bebö li̧leibobetjö̧ jobe comunidad o̧di̧juma pjolachakwawobe. Ja̧danö, jobe ju̧kwadöma, siete mil jojodö wotjobe, jejenö niji tjö̧bebö li̧leibobetjö̧. Ja̧danö, jejenö baledobetjö̧ ju'wedöma jwiinö yetjaibobe. Ja̧danö, Diosnöda omukwatö tjösödobe, ¡Ayö! Diosma, mölejȩbe jo̧ma, jwiinö juluwo̧, jö̧ba̧lö.

Apocalipsis 14:4

Jobadö ciento cuarenta y cuatro ömadöma, isujukwö la'akatjöda jö̧ködö. Jobadöma, Diosnöda ösödö, jo̧ba wei̧da a̧ja̧kwö, ju̧kwadö. Ja̧danö, jobadöma Obeja Itji̧danö Jo̧ ökömanö kwebachadö. Ja̧danö, jobadöma böjȩnö ju̧kwadötjö ajayinö Dios omudawö eminawö̧. Batjo junawatjö ajayinö wa̧ji̧, damötjö wainö Diosnö tjiyinadanö, jobadöma Diosnöbi, Obeja Itji̧danö Jo̧nöbi ajayinö omudawö iyawinadö.

Apocalipsis 19:14

Ja̧danö, jo̧ba ökömanö ba̧jekwadö 'bötjabikwawakwedönö chedijatö, ka̧ba̧yu̧dö dewadö tjoma'anö 'ya̧dönöma. Jobadöma kamisi jwiinö otiwi̧ salöinö dewi̧ o̧do̧ 'dubawadö.

Apocalipsis 19:8

Yelösöda otiwanö 'dujawajabe, Dios jejenö otiwanö 'dujawobö weobetjö̧. Jökamijido̧ma jwiinö otiwado̧. Salöinö dewado̧. Bakwai̧ linotjö otikwado̧. Ja̧do̧ bakwai̧ linotjö otikwado̧ma, Dios ömöledö babibinadö, Dios öba a'otjö suli̧ jwiinö, otiwanö tjö̧ji̧ wanekwachobe, jö̧ba̧lö jwötjeba̧li̧ cha̧ja̧kwijatö.

Apocalipsis 3:18

Chömöledö, jejenö usulasedödanö kwö̧jaduwobetjö̧ ökwödönö pjabatö yötawaduwakwö, wanedö yöbawö. Ötjötjö orotjö kwemaduwo juna̧ladödanö bakibaduwakobetjö̧. Ja̧ oro, ökwölatjö laebaja̧ bakwai̧ oro, jwiinö mikwawi̧ oroma. Ja̧danö, ja̧ oro, ötjötjö kwemaduwi̧ oroma, Dios isabenö mikwawi̧ iyi̧ jawa wanekwachobe. Ja̧danö, kamisi̧ dewi̧ o̧di̧juma ötjötjö emibö 'dukawaduwo, otiwanö taba jwiinö kwekachaduwakobetjö̧. Ja̧danö, jowobu'be ötjötjö emö, kwöbajalebiyaduwi kwa̧bekwaduwo yemidanö otiwanö kwedaduwakobetjö̧.

Apocalipsis 3:5

Yötawaduwakwö. Sulabetjö juluwinadöma jejenö, kamisi dewi̧ 'dutjawakwedö. Isabenö jobadö tjimibiyama söbebö lotökakobe, tjimi wȩyukwa'yetjö, ba̧kwȩlö̧jatebö ja̧kwawa juna̧ladö tjimi wȩyukwa'yetjöma. Jobadö tjimi yötawakwo̧sa Chabe'donöbi, iteda ömöayedö ángelesdönöbi, Bidö tjimi yöta̧lawö̧ ba̧kwȩlö̧jatebö ja̧kwawa juna̧ladö tjimi, jö̧ba̧lö.

Apocalipsis 4:4

Ja̧danö, jo̧ba bo̧ ö̧bemi okobe jwiinö isȩko̧nö veinticuatronö jojodö, damö la'aka luwedöma tjö̧bajijatö. Jobadöma veinticuatronö jawa ökiya, la'aka luwedö tjö̧baji̧ ökiyanö tjö̧bajijatö. Jobadö ba̧jadöma kamisi dewi̧ 'dubawadö. Ja̧danö, bakwo̧nökwena tjuunö butjawa ökiya, orotjö otikwa ökiya butjawadö.

Apocalipsis 6:11

Jejenö atjeba̧lökwe Obeja Itji̧danö Jo̧ma, jobadönö kamijido̧ dewado̧ iyö, yöawijatö: —Ina ja'yubeda lekwa. Kwite'ada̧laduwo. Ina ju'wedönöbi kwabawö lotjakobe, kwömöledöduwinö, Dios weina ja̧badönöma. Ökwödönö kwabawö lotjinadanö jobadönöbi kwabawö lotjakobe. Tjo̧'omanö 'dö̧tjibanö kwabawö lotjaja ikena, balekwa mikwa lȩtebakwo̧sa—yöawijatö Obeja Itji̧danö Jo̧ma.

Apocalipsis 7:9

Ikenama chedemi yelösöda jojodö, ba̧jekwadönö, ba̧ja̧dakwawa jwienanö ba̧jekwadönö chedijatö. Jobadö chedinawö̧ma jelobebi jelobe jojodöbi, wainökwena ji̧nadötjö tupadanö jojodöbi, wainökwena tjiwene yöba̧ladöbi, okobe deinö jojodöma. Jobadöma Dios ö̧bemi badeibö, Obeja Itji̧danö Jo̧ ö̧jemi badeibö tjö̧jobe chedijatö. Jobadöma kamisi dewi̧ odo̧ 'dubawadö. Ja̧danö, öjiya, 'wiawa öjiya, wa̧cha öjiyadanö ichejekwi̧ tjömamunö do̧ba̧lakwawadö.