Apocalipsis 20:4 - Dios Iwene

⁴ Ja̧danö, chedijatö ba̧kwawa ökiya, nöinö, la'aka luwedö tjö̧baji̧ ökiya. Ja̧ ökiyanö ba̧jadöma Dios lȩebakwa̧ jawa yötjawobö ba̧jadö. Ju'wedönöbi chedijatö, öwawöködönö. Jobadöma tjuubiya bulabinö lotjinawö̧, Dios iwenebi Jesús yöawinabi yötjawobetjö̧. Jobadöma ojwe okwatjö labebinanö, jo̧ba o̧'wo̧ jawabi öpöjödadö. Ja̧danö, jo̧ba imi número doawa, tjömamunöbi tjöbanöbi öpöjödadö. Jejenö tjöpöjödobetjö̧, tjuu bulatö lotjinawö̧. Ja̧danö, jobadöma wotjinajayonö yemidanö 'yabibajinadö, Cristokwö jojodönö webö tjö̧jobö, ja̧ mil imiamebiya jenanö.

Apocalipsis 20:4 Iomraidhean Croise

Daniel 2:44

Ja̧danö, jobadö tjö̧jakwa̧ möle, mölejȩbe jo̧ Diosma bakwo̧nö ujunakobe, inesö la'aka luwo̧ baibanö, ja̧danö jo̧ba yöbawö ö̧jakwa̧ma la'akatjöda 'dö̧ibökakobe. Bakwo̧bi jo̧banö ujuluwökakobe, ja̧danö jo̧ba ömöledöböködöma la'akatjöda jo̧ba yöbawö ö̧jemi balewö lotjökakwedö, öpöjojodöda webö tjö̧jobö. Jo̧bama okobe deinö jo̧batjö ajayinö ji̧nadö la'aka luwedöbinadö yöbawö tjö̧jinama söbebö loakobe, ja̧danö jo̧ba yöbawö ö̧jakwa̧ma ba̧kwȩlö̧jatebö ja̧kobe.

Daniel 7:18

jo̧kwaijayonö jemi ikenama bajalianö Mölejȩbe Jo̧ Diosma iteda ömöledönö iyakobe, böjȩtjö yöbawö wetjobö. Ja̧danö, Dios ömöledö yöbawö wetjakwa̧ma, ba̧kwȩlö̧jatebö 'dö̧ibajökenanö yöbawö wetjakobe— jö̧ba̧lö yöawinobe.

Daniel 7:22

Ja'yubenö lekwe Diosnö ösödadönö ujuluwinobe, bajaleapo Ajayitjö ji̧na Dios ichibö, itenöda ösödadönö pjabatö tebonö jo̧nö lȩebenanö kabatö. Ja̧danö bajalianö Diosnö ösödadö yöbawö webadö batjibobe chedatö. Jobekwö chedaja̧ma, ¿taji jö̧ba̧lö chedaja̧da? Labebö loköbobö chösöda— jö̧ba̧lö abebö cha̧ja̧kwatö.

Daniel 7:27

Jemi ikenama okobe deinö ajayinö ji̧nadö böjȩ luwedö tjujuluma, okobe jwiinö juluwo̧ Dios ömöledönö iyakobe. Ja̧danö ba̧kwȩlö̧jatebö yöbawö weakobe, ja̧danö okobe deinö böjȩnö tjitebotenia ju̧kwadöma jo̧ba wei̧ otidö tjö̧jakobe— jö̧ba̧lö yöawinobe.

Daniel 7:9

Ja̧danö, ina cheda̧lonö, ju'wibi la'aka luwedö tjö̧ba̧kwaökiya tjujunobe chedatö, ja̧danö ajayitjö ji̧na Diosma tebachö öbamatobe chedatö. Jo̧ba ökamijido̧ma jwiinö bakwainö dewado̧ chedatö, ja̧danö öwö'yema, obeja öwö'yedanö bakwainö dewa'ye chedatö. Ja̧danö, iteaka ba̧kwawaka chedatö, kolukasa'o ja̧kama, ja̧danö iteaka ökwölanö ubobe chedatö, ja̧danö iteaka kolukasa'o ubobe chedatö.

Mateo 19:28

Aebökwe, Jesúsma atadinobe: —Isabenö yötawaduwakwö chömöledö, okobe jwiinö 'yayinö Dios otidena, ja̧danö ötjö jojo baibanö jeminökwe salöinö dewaka teakanö, inesö la'aka luwo̧ iteakanö chö̧wenama, ökwödö chökömanö lubibajadöbi a̧li̧nösamutjö dökalatajanö kwö̧waduwakobe, Israel jojodötjö a̧li̧nösamutjö du̧ju̧tajasaso jojodö tjuluwedö bakibaduwanö.

Mateo 24:10

Ja̧ möle, ba̧jekwadö katjatibakobe, ja̧danö tjömöledönö tjöpöjojodönö iyö lotjakobe, ja̧danö tjömöledönö tjöpöjödakobe.

Marcos 6:16

Jo̧kwaijayonö la'aka luwo̧ Herodes jojodö yötja̧lakwawi̧ a̧ja̧kwö jö̧ba̧lijetö: —Bite Jesúsma, Juan Ojwenö Bu̧dato̧ ji̧na. Uu bulatö lotjobö wetinökwema yemidanö 'yabibajö Jesúsda baibinena— jö̧ba̧lijetö Herodesma.

Marcos 6:27

Jo̧kwaobetjö̧, te'ada̧lökönö webijetö bakwo̧nö ka̧lena ba̧kwawejube 'ya̧nö Juan uu ubulatobö. Bulatibö ja̧yuma ichejebobö webijetö. Jejenö weökwe, bakwo̧ 'ya̧nö ka̧lena ba̧kwawejutjö Juan uu bulatijetö.

Marcos 9:11

Ikenama jobadöma Jesúsnö abebö a̧ja̧kwijadötö: —Moisés iwȩyudina ba̧ja̧dadöma yötjawobe, Elíasmine yemidanö ichakobe, Dios jojodö tjö̧jibinö pjaatobö weakwo̧ ichakwa̧ abönö, jö̧ba̧lö. ¿Dakwö jö̧ba̧lö yötjawobeda, Elíasma abönö ichakwo̧, jö̧ba̧löma?— abebö a̧ja̧kwijadötö.

Lucas 1:17

Jo̧bama damötjö ji̧na Dios yöawi̧ yöbawo̧ Elías mikwo̧ juluwinö yöbawö ö̧jinadanö, Duluwo̧ abönö i̧'yakwo̧. Abönö 'ya̧nö, jo̧bama tjabe'dodö tji̧tji̧mukwö wene tjujuna̧li̧ pjaatakobe, tji̧tji̧munö yemidanö otiwanö omukwatö tjösödobö. Ja̧danö ju'wibi Dios wei̧ a̧ja̧kwöködönö pjaatakobe, Dios öba a'otjö otiwanö ja̧bö ju̧kwadö tjomukwati̧danö tjomukwatobö. Jejenö pjaatakobe kwitji̧ma, jojodö Duluwo̧ ichakwa̧ otiwanö te'ada̧ladö batjibakobetjö̧— jö̧ba̧lö yöawinobe ángelma, Zacaríasnöma.

Lucas 14:14

Jau chömöledöso̧, jobadöjayedönö pjabatö kwiyenama, balekwa mikwa ökwönö pjabatö tjiyoböma jwibadö, jo̧kwaiökwe Diosda otiwanö omukwatö mölejȩbetjö ökwönö iyakobe, 'dö̧ibaji̧ möle otiwadönö woawatjö tjetjachajinö ja̧enama— jö̧ba̧lö yöawinobe Jesúsma.

Lucas 22:30

Jau chömöledö, inesö la'aka luwo̧ ja̧nö, yöbawö wetocha, ja̧danö ökwödö chöba̧ja̧di̧ waisachadönö chiyobe, ötjökwö yöbawö weköbaduwobö. Jo̧kwajabetjö̧ ötjökwö luwedö kwö̧jaduwobetjö̧, ötjö ba̧nö chukwöte mesasötetjö ökwödöbi kwanöbi kwukwaduwakwedöja, ja̧danö owöbi kwowaduwakwedöja. Ja̧danö, ju'wibi Israel jojodö a̧li̧nösamutjö dösolataja saso jojodötjö tjuluwedö ja̧nö, luwedö tjiteaka wa̧kwawaökiya wamatö jobadönö yöbawö weköbaduwakobe— jö̧ba̧lö yöawinobe Jesúsma, iteda öba̧ja̧di̧ waisachadönöma.

Juan 14:19

Babema lekwokobe ötjö wotakwa̧ma. Wotaja̧ okobema ötjönö öpöjödadöma ötjönö yemidanö tjedökakwedö. Jo̧kwaijayonö ökwödöma ötjönö yemidanö kwedaduwakwedöja. Ja̧danö, ötjöma wobajaletjö tjetachajakobetjö̧ ökwödöbi wobajaletjöma tjekachajaduwakwedöja, ba̧kwȩlö̧jatebö kwö̧jaduwobö.

Romanos 11:15

Jau chömöledö, Diosma Israel jojodönö kaatibinobe ichejekwa, ja̧danö jejenö kaatibenama, Israel jojodöböködönö Dios ömöledö batjibanö ja̧inobe. Jejenö ja̧inobema, otiwinobe ökwödönö Israel jojodöböködönöma, ¿jö̧tö? Jo̧kwaijayonö, ja̧ otiwinajayonö, tupakwö jwiinö otiwakobe Israel jojodöbi yemidanö Dios ömöledö batjibenama chömöledö, wobajadö woawatjö yemidanö tjebachajadödanö ichejekwakobe.

Romanos 8:17

Ja̧danö, ju'wibi jo̧be chömöledö. Dios i̧tji̧mudobetjö̧, Diosma iteda i̧tji̧munö otiwa jawa iyakwa̧ma, ökwödönö ja̧ jawa iyakobe chömöledö. Ja̧danö, otiwa jawa Jesúsnö iyi̧tjöbi, ja̧danö ökwödönöbi iyakobe chömöledö, Jesúskwö bakobe dö̧jobetjö̧. Jau chömöledö, ina böjȩnö ja̧nö, Cristo usula emawinadanö, bakwainö usula emawadösa. Ja̧danö, tupakwö, mölejȩbe ja̧nö, Dabe'do Dios jo̧banö otiwa jawa iyakwa̧bi bakwainö ökwödönöbi iyakobe chömöledö.

2 Timoteo 2:12

Ja̧danö, usula tjemawijayonö tjo̧'wo̧ 'dibachibö baledadöma, ju'wibi tupakwö Cristokwö luwedö batjibanö yöbawö tjö̧jakwedö. Ja̧danö, Cristonö ösödökönö, Duluwo̧bö̧kö̧ Cristoma, jö̧ba̧lö öpöjödadöma, ju'wibi Cristo öpöjödakwawö̧, Chömöledöböködö, jö̧ba̧lö.

Apocalipsis 1:2

Ja̧danö, ötjöma biya̧, Dios iwene, Jesucristo i̧sebi̧ jawa wenema wȩyudö wetaduwakwö okobe jwiinö i̧sebi̧ chedi̧ma.

Apocalipsis 1:9

Chömöledö, ötjöma ökwödö kwömöledöduwiso̧sa. Ökwödöma bakweminö Jesúskwö dötewinö babibinadösa. Ja̧danö, Jesúsnö dösödobetjö̧ ökwödönöbi, ja̧danö, ötjönöbi inia tjödinö baledobe. Ja̧danö, ju'winö, bakweminö Jesúskwö dö̧jakwedösa, iteda La'aka Luwo̧ ö̧jakwa̧ möle baledena. Ja̧danö, ökwödöma ja̧ möle baledakwa̧ bakweminö te'ada̧ladösa, Jesús La'aka Luwo̧ ö̧jakwa̧ möle baledakwa̧ma. Ja̧danö, labi̧ jawa baledenabi, do̧'wo̧ 'dibachibö ja̧nö ju̧kwadösa, bakweminö. Ja̧danö, chömöledö, ökwödönö yötawobö jö̧ta̧la ötjönö baledina, kwöwaisaduwobö. Ötjöma, Dios iwenebi, Jesús ö̧jina wenebi yötawobetjö̧ ötjönö do̧batö, e'ewö lotjijatö bi'o o'wejesa'onö, Patmos mikwa'onö le'dedö. Jau, le'dedö lotjinökwesa ötjöma, bi'onöda chö̧jobö.

Apocalipsis 11:11

Jo̧kwaijayonö wa̧pötakwa mölenö ja'ö baibajena wobinadöma yemidanö 'yabibajadö tjö̧jobe. Jobadönö kwabö lotjinajayonö, wa̧pötakwa möle ja'ö baibajena Dios imiyu'wo teachibawö̧ yemidanö 'yabibajadö tjö̧jobe. Ja̧danö, 'yabibajö tjöjamatiawö̧, jobadönö edadöma, ¡Ayö! jö̧ba̧lö, jwiinö yetjaibobe, yelösöda.

Apocalipsis 11:15

Jemi ikena trompeta pjubo̧, jelemutjö domulatajasanu pjubo̧ baibanö pjubo̧ pjuenama mölejȩbetjö labinö tjiwene yötja̧li̧ cha̧ja̧kwijatö, biya̧ tjiwenenö ökwöi̧: —Tjo̧wi̧ta. Böjȩma Duluwo̧ Dios La'aka Luwo̧ ö̧jena badekwachajabe. Ja̧danö, Dios weinökwe, jojodö tjö̧jibinö pjaatobö weinökwe La'aka Luwo̧ ö̧jenanö badekwachajabe. Jobadöma ba̧kwȩlö̧jatebö webö tjö̧jakwedö— jö̧ba̧lö, ökwöi̧ cha̧ja̧kwijatö.

Apocalipsis 11:3

Ikenama Diosma ötjönö yöawijatö: —Jobadö sulabenö ja̧badöma sulabenö webö tjö̧jonö, ju'wedö du̧ju̧tajama, ötjö yötawi̧ yötjawobö wetawö̧ma yötjawakobe, jejenö yötjawobö chujulu iyö wetakobetjö̧. Ja̧danö, jobadöma lekwe, mil doscientos sesenta möle baledibanö, jobetjö yötjawakwedö, ju'wedö, jobe ju̧kwadöma yelösöda sulabenö ja̧tjonö. Jobadö du̧ju̧taja yötawi̧ yöbawadöma, kamijido̧ pjelewado̧, tjömöledö wotjaiawö̧ 'dutjawi̧danö 'dubawö tjö̧jakwedö—yöawijatö Diosma ötjönöma.

Apocalipsis 11:7

Ja̧danö, jobadö yötjawi̧ 'dö̧ibajena, böjȩ teebe laju möajunö a̧jo̧ma, jajutjö labeibö jobadö tjö̧jobekwö i̧'yobe, jobadönö ujuluwobö. Jobe 'ya̧nö kwabawö loobe jobadönöma.

Apocalipsis 12:11

Dios ömöledö babibinadö wobinadöma Awetja weelö ji̧binadö, Obeja Itji̧danö Jo̧ ökwösobutjö tjidichawobetjö̧. Ja̧danö, Dios iwene yötjawinobetjö̧ Awetjanö juluwinadö. Jobadöma tjo̧'wo̧ 'dibachibö ja̧nö yöbawinadö, jobadönö kwabö lotjenabi.

Apocalipsis 14:11

Yelösöda ba̧kwȩlö̧jatebö, tiibökönö ubakobe imiyu'wo kaaminö. Möle baledibanö, yö̧te baledibanö usula tjemawakwedö— jejenö ángel jwöeba̧lobe cha̧ja̧kwijatö.

Apocalipsis 15:2

Ikenama ju'wi i̧sekwi̧ma chedijatö. Ja̧danö, ojwe nöödö chedijatö, isa̧yu̧ salöi̧danö salöödö. Jödönöma ökwölanö ubi̧danö lo̧be chedijatö. Jöödö ö'öböma jojodö tjö̧jobe chedijatö. Jobadöma ojwe okwatjö labebajo̧nö juluwadö. Jobadöma ojwe okwatjö labebajo̧nöbi, jo̧ba o̧'wo̧ jawabi tjo̧'wo̧ wana̧löködö. Ja̧danö, jo̧ba imi númerobi wȩyukwöködö. Jobadöma, bakwo̧nökwena, harpa pjeawa do̧ba̧lö tjö̧jobe chedijatö, Diosnö ösödö pjeawa harpama.

Apocalipsis 17:8

Jo̧ba isuju jö̧wökwe, 'yaba̧lajo̧ma ida̧ökö ö'wö baibajabe. Jo̧kwaijayonö ju'winö yemidanö 'yabibajö, laju möajutjö laebakwo̧. Yelösöda, lajutjö laebenama böjȩnö ju̧kwadö, ba̧kwȩlö̧jatebö ja̧kwawa'ye tjimibiya iwȩyudinököwö̧ma, ¡Ayö ¿dakwö baibajö? Wobinama yemidanö tjeachajabe, jö̧ba̧lö, tjedakwedö, tjöbajale jalakanö baibanö. Ja̧danö, yemidanö tjebachajo̧ma, lajutjö labeibö jelobe i̧'yakwo̧. Jobetjö bakwo̧ma jo̧ba sulabo̧nö kwabö loakobe, yemidanö 'yaibajökönö— jejenö yöawijatö ángelma ötjönöma.

Apocalipsis 2:26

Ja̧danö, böjȩ 'dö̧ibajenanö baibanö ökwödötjö sulabetjö juluwinadönö, ötjö weti̧ a̧ja̧kwö ju̧kwinadönöma kabebö chujunakwo̧sa, okobe deinö jojodö tjuluwedö bakibaduwanö.

Apocalipsis 20:6

Yelösöda, wobinadötjö ajayinö tjebachajinadöma, tjo̧'wo̧ ösöwanö ja̧dö, Dios wei̧ a̧ja̧kwö, Cristokwö. Jobadöma nöola ubolanö okwa loawatjö ji̧badö. Ja̧danö, Dioskwö Cristokwö lekwe, mil imiamebiya jenanö, Diostjö jojodötjö ö'weje pjabatadödanö tjotidakwedö. Dioskwö, Cristokwö mil imiamebiya jenanö tjotidakwedö.

Apocalipsis 22:5

Ja̧danö, yö̧tebi jwiobe jobema, möledanö dewinö dejatobetjö̧. Ja̧danö, la̧pa̧la̧yu̧bi̧yabi jwiobe, dewinö dejatobetjö̧. Ja̧danö, ja̧wo̧bi idejatokobe, Duluwo̧ Diosda dewinö idejatobetjö̧. Jobe ju̧kwadöma la'aka luwedödanö webö tjö̧jobe, ba̧kwȩlö̧jatebö.

Apocalipsis 3:21

Chömöledö, bakwo̧ sulabetjö juluwinanöma chö̧jobekwö ichibena, ötjö la'aka luwo̧ webö chö̧bemi pjeanö ö̧bobö wetakwo̧. Ötjöma wobajaletjö chujuluwina ikena Chabe'do ö̧bemi pjeanö chöbamatijatö, ba̧kwȩlö̧jatebö jenada chö̧bobö. Ja̧danö, sulabetjö juluwinanöbi, chö̧jobekwö ichibena chipjeanö ö̧bobö, la'aka luwo̧ baibanö.

Apocalipsis 4:4

Ja̧danö, jo̧ba bo̧ ö̧bemi okobe jwiinö isȩko̧nö veinticuatronö jojodö, damö la'aka luwedöma tjö̧bajijatö. Jobadöma veinticuatronö jawa ökiya, la'aka luwedö tjö̧baji̧ ökiyanö tjö̧bajijatö. Jobadö ba̧jadöma kamisi dewi̧ 'dubawadö. Ja̧danö, bakwo̧nökwena tjuunö butjawa ökiya, orotjö otikwa ökiya butjawadö.

Apocalipsis 6:9

Ja̧danö, Obeja Itji̧danö Jo̧ma ösöja tö'awi̧ ö'be pöekwatjö bakwamusa'be baibanö kaebobe chedijatö. Ja̧'be kaebena juwö iyawemi chedijatö mölejȩbetjö. Jemi juwö iyawemi teebetjö chedijatö öwawöködönö, Jesúsnö ösödadönö kwabö lotjinawö̧ tjo̧'wo̧ luwo̧. Jobadöma, Dios iwene tjösödobetjö̧, ja̧danö, jo̧ba iwene yötjawobetjö̧ kwabö lotjinawö̧.

Apocalipsis 7:3

Baikwö cha̧ja̧kwijatö: —Kabataduwi, böjȩ, ojwe, towibiya sulabenö baibanö ja̧köbaduwi̧ma. Ina kwite'ada̧laduwo, Duluwo̧ Dios wei̧ ja̧badönö seyu dobö diwȩyudenanö kabatö. Ökwödöma seyu dobö diwȩyudakwedösa Dios wei̧ ja̧badö tjöbanö öwawobö, Bidöma Dios ömöayedö, jö̧ba̧lö— ángelma jwa̧lȩ'epjo tjöbeba̧lö ja̧dö ángelesdönö jwöi̧ma.