Apocalipsis 19:2 - Dios Iwene

² Dios lȩebi̧ma otiwanö, jweinö omukwatö lȩbebo̧. Ja̧danö, Babilonia, jelo̧ jelo̧nö ju̧junö wanekwachemi tjo̧wi̧ lȩebajabe. Jobema, jelo̧ jelo̧nö ju̧ju sulabenö ja̧ji̧danö baibinemi, böjȩnö ju̧kwadönö jobujunö tjö̧jotö jö̧ba̧lö öbibö. Ja̧danö, Diosma iteda ömöayedönö, tjökwösobu ebawinö kwabawö lobinadönö balekwa mikwa iyö lȩebajabe.

Apocalipsis 19:2 Iomraidhean Croise

2 Reyes 9:7

Ja̧danö, baikwö ja̧köbobö wetakwö: Okobe deinö kwuluwo̧mine Acab yöne ömöledönö kwabawö loköbo. Jau Jehu, Acab ilekwo Jezabelma ba̧jȩkwadö ötjö yötawi̧ yöbawadönö kwabö lobinuju, ja̧danö ba̧jȩkwadö ju'wedö ötjö Isabenö Jo̧ chömöayedönö kwabö lobinuju. Jo̧kwajabetjö jobekwö ja̧ji̧na lȩtebakobetjö̧, balekwa mikwa Acab yöne ömöledönö kwabawö loköbobö wetakwö.

Isaías 25:1

Chuluwo̧ Diosnö ösödö, baikwö yöta̧la: —Isabenö Jo̧, chösödökwe Diosja. Ökwöma isabenö inesö otiwi̧ jojodö edajitjökö jawa i̧sȩbo̧ja chuluwo̧, jokwajabetjö ökwönö ösödö yöta̧locha, –Chösödökwe Isabenö Jo̧ma ju'wedötjö bajalekwönönö juluwo̧, –jö̧balö. Jau chuluwo̧, damötjö̧ kwotidakwa̧ jawa omukwatö juninaja̧, –Yadakwö baikwö chotidocha, –jö̧ba̧lö, ja̧danö omukwatö kwujuninadanö badekwachinö kwotidajabe.

Daniel 7:26

Jo̧kwaijayonö bajalianö Diosma lȩekwa yöawobö öbamatakobe, ja̧danö lȩekwa yöbawö, jo̧ba ujulu 'döebakobe, ja̧danö jo̧banö jwiinö söbebö loakobe.

Deuteronomio 32:35

Isabenö ötjödasa sulabenö ja̧tji̧ balekwa mikwa lȩbebo̧ma, ja̧danö lȩtebobö badekwachenama, lȩtebocha. Baikwö wanedö yötawa: Ja'yubenö lekwajabetjö dusachibö metja̧kwedö, ja̧danö wene tjöbaledakwa̧ma juluwanö badekwachakobe, ja̧danö juluwanö jobadönö söbebö lotakobe, –jö̧ba̧lö yöawobe Diosma.

Deuteronomio 32:4

Jo̧ba Diosma inesö tjöeba̧la̧wa inawadanöbo̧, ja̧danö okobe jwiinö ja̧bö ö̧ji̧ma, otiwanö ja̧bö jo̧. Jojodönö wainökwena edökönö, bakwainö jweinö edo̧ jojodönö. Jo̧ba dösödökwe Diosma omöna yöba̧lö̧kö̧, ba̧kwelöjatebö jö̧a̧li̧danö ja̧bo̧, ja̧danö la'akatjöda sulabenö ja̧bö̧kö̧.

Deuteronomio 32:43

Isabenö okobe deinö tjo̧'wo ösöwanö Diosnö tjösödobö jo̧be, Dios ömöledö israel jojodöbi, ju'wedö tjitebokwena jojodöbi, isabenö iteda ömöledönö pjabato̧obetjö̧. Jau, iteda ömöayedönö kwabö lobadönöma balekwa mikwa kwabö lobo̧ Diosma, sulabenö ja̧tji̧ökwe lȩbebo̧ öpöjojodönöma. Jo̧banö öpöjojodö sulabenö tjöpöjödiökwe, balekwa mikwa lȩbebo̧, ja̧danö iteda ömöledö tjitebo niji dichö lobo̧, tjitebo niji otiwemi suli̧ jwiemi baibanö, —jö̧ba̧lö lo̧awa yöawinobe Moisesma, israel jojodönö.

Apocalipsis 15:3

Ja̧danö, jobadöma jobe ja̧nö lo̧tjobe chedijatö. Ja̧ lo̧tji̧ma, Dios ömöayo̧ Moisésmine lo̧inabi, Obeja Itji̧danö Jo̧ lo̧inabi, ja̧ lo̧tji̧ma. Ja̧ lo̧tji̧ma baikwö laebobe: Duluwo̧ Dios, ökwöma jwiinö juluwo̧ja. Kwujulu i̧sebo̧ja. Kwujulu kwi̧sebobe edö, Ayö, jö̧ba̧lö, yebabinö dö̧jobe, döbajale jalaka baibanö. Kwujulu i̧sebö ja̧köbi̧ma jweinö omukwatö, otiwanö ja̧bo̧ja. Ökwöma ba̧kwȩlö̧jatebö inesö la'aka luwo̧ja.

Apocalipsis 18:20

Ja̧danö chömöledö, ötjöma mölejȩbe ju̧kwadönö yöta̧lijatö, Kwo̧'wo̧duwi ösöwanö ja̧duwi, jö̧ba̧lö. Ja̧danö, ökwödö Dios ömöledö babibinadönöbi, Jesús webawedönöbi, Dios yöawi̧ yöbawinadönöbi, Kwo̧'wo̧duwi ösöwanö ja̧duwi, jö̧ba̧lö, yöta̧lijatö. Diosma ökwödönö inia tjököbaduwinö ja̧bujunö, balekwa mikwa iyö lȩebajobetjö̧, kwo̧'wo̧duwi ösöwanö ja̧duwi, jö̧ba̧lö yöta̧lijatö jobadönöma.

Apocalipsis 18:3

Tjo̧wi̧ pjolachaiba Babilonia comunidadma, jobetjöma jwiinö taba̧löji̧ jawa balediainobetjö̧. Ja̧danö, Babilonianö ju̧kwadöma böjȩ jojodö, jelobebi jelobe ju̧kwadönö sulabenö ja̧tjobö öbibö ja̧biatjinobe. Ja̧danö, böjȩ ju̧kwadö jelobebi jelobe ju̧kwadöma, Babilonia comunidadnö ja̧nö, Babilonia jojodökwö jwiinö taba̧löji̧ jawa ja̧biatjinobe. Jobadöma taba̧löji jawa ja̧tji̧ wanekwachobu tjowi̧danö owö, 'dukwachawö̧danö babibö ju̧kwiatjinobe, jwiinö taba̧löji̧ jawa ja̧bö. Ja̧danö, Babilonia jojodöma, bakwuju jelo̧ jelo̧nö jujudanö ja̧dö, ju'wedönö jobujukwö sulabenö ja̧tjobö öbibö. Ja̧danö, böjȩ la'aka luwedöma Babilonianö ja̧nö sulabenö ja̧biatjinobe Babilonia jojodökwö. Babilonia jojodöma, tea tjemoböda omukwatadö. Jo̧kwaobetjö̧ tea luwedöma yelösöda tea iyiatjinobe jobetjöma, balada juna̧ladö batjibanö. Yelösöda, sulabenö balediainobetjö̧, tjo̧wi̧ pjolachaiba Babilonia comunidadma, Dios lȩebi̧ baledö, jö̧ba̧lö la'aka luwo̧danö ichejekwo̧ ángel jwöeba̧lobe cha̧ja̧kwijatö.

Apocalipsis 6:10

Ja̧danö, jobadö öwawöködöma labinö Diosnö atjeba̧li̧ cha̧ja̧kwijatö, baikwö: —Duluwo̧ Dios, ökwöma okobe jwiinö webo̧ja, suli̧ jwibo̧ja, jweinö yöba̧lo̧ja. ¿Dokwa lekwe kwite'ada̧lakwa̧da ökwödönö kwabö lobinadönö lȩkeboböma? ¿Dokwa lekwe kwite'ada̧lakwa̧da balekwa mikwa lȩbebö weköbakwa̧ma?—budekwabinö atjeba̧li̧ cha̧ja̧kwijatö.