Apocalipsis 18:17 - Dios Iwene

¹⁷ Yelösöda otiwanö tea ji̧nemima juluwanö tea jwiinö baiba, jö̧ba̧lö, budekwabinö jwöjwötjakwedö. Ja̧danö, ja̧ möle, Babilonia lȩebakwa̧ mölema ju'wedöbi tjubudekwabikobe. Okobe deinö isowinö 'ya̧kwawa la'aka luwedöbi, jobadö ömöayedöbi, ju'wedö isowinö 'ya̧jadöbi, okobe deinö tea iyabinö isowinö 'ya̧jadöbi ödöda ja̧nö tjubudekwabikobe.

Apocalipsis 18:17 Iomraidhean Croise

Isaías 23:14

Jobekwö baledinadanö baledakobe Tiro comunidadbi, jo̧kwajabetjö Tarsis niji isowibiyanö kwebachadö tjubudekwobö ja̧kobe, tjö̧lamatinola Tiro comunidad tjolama, söbebö loawemida jo̧betjö̧.

Isaías 47:9

Jo̧kwaijayonö, baikwö yötawakwö, ja̧ dötölataja jawama juluwanö ökwönö baledakobe. Juluwanö bakwöta möle, kwitji̧mu debuju bakibakwujuja, ja̧danö kwilekwe wobö ujunibinoko bakibakwujuja. Nöinö mea bobö, —Mea boti̧ma juluwi̧ ji̧, —jö̧ba̧lö mea boköbijayonö, ja̧ baledakwa̧ma labinö baledakwujuja.

Hechos 27:11

Jejenö jö̧a̧lijayonö guardia jojodö tjuluwo̧ma Pablo jö̧a̧li̧ öpöjödijatö. Jo̧bama ju'wedö tjomukwati̧ ösödijatö, isowi jwebeba̧lo̧ omukwati̧bi, isowi juna̧lo̧ omukwati̧bi.

Apocalipsis 17:12

Ja̧danö, ö'yekiya domulataja jawa ökiyama ju'wedö la'aka luwedönö wanekwachobe, ju'winö kabebö tjö̧wanakwawö̧. Jobadöma ju'winö, kabebö tjöwanajawö̧ma, bakwöta horada la'aka luwedö baibanö webö tjö̧jakwedö, sulabo̧ duwo̧kwö.

Apocalipsis 17:16

Ja̧danö, ö'yekiya domulataja jawa ökiyama, la'aka luwedönö wanekwachobe. Jobadöma, sulabo̧ duwo̧kwö, Babilonianö wanekwachujunö jwiinö öpöjödö, inia tjöjinö ja̧tjakwedö. Jiteabi tjönaukwakwedö, tea jwiinö jö̧jobö. Ja̧danö, jökamijido̧bi jwiinö jö̧jobö ja̧tjakwedö. Ja̧danö, jobuju jitebiyama tjukwakwedö, jiwe'ijuma juwö lobö.

Apocalipsis 18:19

Ja̧danö, jobadöma, tjo̧'wo̧ tjo̧achibawö̧, nijitjö yudebö möakwö tjikwakwedö, yemidanö tjuunö wamatinö. Jejenö ja̧bö tjo̧'wo̧ tjo̧bekwö budekwabinö ja̧nö jwöjwötjakobe, ¡Ayö inesö la'aka comunidad Babiloniama jwiinö söbebö loajabe! jö̧ba̧lö. Ye, ajayinöma isowi nöowinö 'ya̧jadöma balada juna̧ladö badibinö, tea iyabiadinobe Babiloniatjöma, balada juna̧ladö tjuju̧kwemima. Jo̧kwaijayonö, yemidanöma diyokobe jobema, juluwanö juwö lotjajabetjö, jö̧ba̧lö, budekwabinö jwöjwötjakobe tea iyabinö isowinö kwebachiabinadöma, jö̧ba̧lö, Dios iwene yöa̧lobe cha̧ja̧kwijatö.