Apocalipsis 18:14 - Dios Iwene

¹⁴ Jejenö, tea iyabidöma budekwabinö yötja̧lakwedö, Babilonia comunidadnö ju̧kwadönö yötja̧li̧danö. Yötja̧lakobe, Ökwödö kwemaduwobö kwösödaduwi̧ma tjo̧wi̧ta, kwemaduwokobe babema, jö̧ba̧lö. Ajayinö kwiteaduwima jwiinö otiwi̧ jawa kwujuna̧linaduwajayonö tjo̧wi̧ta, juwö lotjajabe, jö̧ba̧lö, yötja̧lakwedö. Tjo̧wi̧ta, jwibadödanö bakibaduwajabe, yemidanöma kwemaduwökönö, jö̧ba̧lö, yötja̧lakobe tea iyabidöma, Babilonianö ju̧kwadönö yötja̧li̧danö, jö̧ba̧lö, Dios iwene yöa̧lobe cha̧ja̧kwijatö. Ina yöa̧lobe:

Apocalipsis 18:14 Iomraidhean Croise

Mateo 11:8

¿Otiwado̧ 'dubawo̧nö edö kwi̧'yinaduwiji̧? Ja̧maökö. Otiwado̧ 'dubawadöma, la'aka luwedö tjejubiyanö ja̧dö, ¿jö̧tö?

Lucas 12:20

Jo̧kwaijayonö, jejenö omukwatijayonö Diosma jo̧banö yöa̧linobe: Ökwöma wajwibö omukwato̧ja, biya̧da yö̧teda woköbakwo̧ja. Ja̧danö jejenö woköbaja̧ okobema, nöinö kwujuna̧li̧ma ¿ti ujuna̧lakwa̧da? Kwujuna̧li̧ma ¿ökwönö pjaatakwa̧ji̧?— jö̧ba̧lö wanedö yöawinobe.

Lucas 16:25

Aebökwe Abrahamma atadinobe: Chitji̧, ina böjȩnö kwö̧jayi kwö̧jina omukwatibi. Jenama, ökwöma otiwa jawa kwujuna̧lonö, bite Lázaroma usula emawö suli̧ jawada ujuna̧linobe, ¿jö̧tö? Babema ötjökwö o̧'wo̧ ösöwanö ö̧jonö, ökwöma usula emawö jo̧ja.

1 Corintios 10:6

Chömöledö, jobadönö baledinama, ökwödönö wanedö i̧sekwa baibanö baledinobe, ökwödö jobadö sulabe jawa tjösödinadanö ökwödöbi dösödapji jö̧ba̧lö,

Santiago 4:2

Yelösöda, kwomajadeduwinö kwedaduwobe ju'wi jawabi, ju'wi jawabi böjȩ jawa kwujuna̧laduwobö. Jejenö kwujuna̧laduwobö kwösödaduwijayonö waekwobe. Kwujuna̧laduwokobe. Jo̧kwaobetjö̧ kwomajadeduwinö jwiinö sulabenö baibanö, Chujuna̧lobö chösöda jelo̧nö kwabö lotitjö̧bi, jö̧ba̧lö, kwomukwataduwena. Yelösöda, ju'wedö tjujuna̧li̧ sulabenö edö, ö'wiabinö, Ötjöbi chujuna̧lowe, jö̧ba̧lö, kwomukwataduwijayonö, kwujuna̧laduwoböma waekwobe. Jo̧kwaobetjö̧ dameakwö baibanö kwömöledöduwikwö wene juna̧lö, kwo̧'wo̧ luwo̧duwi okwanö sulabenö edö, ja̧danö jobadökwö ölakwabikwawö kwö̧jaduwobe. Ja̧danö chö̧ja̧wo̧dö, abebö cha̧ja̧kwaduwakwö. ¿Tajawedö kwujuna̧laduwobö kwösödaduwi̧ma kwujuna̧laduwokobeda? Yötawaduwakwö. Ju'wikwenama Diosnö akebaduwokobetjö̧ kwujuna̧laduwokobe.

Apocalipsis 18:13

Ja̧danö, toawa pjaatakwawa jawa, canela mikwi̧bi, ja̧danö, söinö 'dö̧ekwi̧ perfume mikwi̧bi iyiatjinobe. Ja̧danö, duawa o'bebi söinö 'dö̧ekwi̧ duawama, ja̧danö, söinö 'dö̧ekwi̧ juwawabi iyiatjinobe. Ja̧danö, uba obu 'dukwachi̧bi, o̧tebi, trigobi, pa̧ka̧yö̧nöbi, o̧bȩja̧dönöbi, ka̧ba̧yu̧dönöbi emiatjinobe. Ja̧danö, kolukiya kabayu tötji̧ ökiyabi iyiatjinobe. Ja̧danö, jojodönöbi, mikwanö iyiatjinawö̧nö iyiatjinobe Babilonia comunidadtjöma. Jo̧kwaijayonö ja̧ mölema, Babilonia lȩebi̧ möle baibenama, jobe ju̧kwadö emadöma detjakobe, jemi okobe jwiinö pjolachaibanö söbebö loinobetjö̧.

Apocalipsis 18:15

Ja̧danö, jobadöma yebabinö, ödö ja̧nö tjubudekwabikwedö, ¡Ayö! Ökwödönöbi inia tjödinö baledena, jö̧ba̧lö. Yelösöda, jobadö tea iyabidöma balada juna̧ladö babibinadö, Babiloniatjö tea iyiatjinobetjö̧. Ja̧danö, jobadöma, yebabinö, ödö tjö̧jakwedö, Babilonianö lȩebobe eda̧lö.