Apocalipsis 16:2 - Dios Iwene

² Jejenö weökwe ajayinö luwo̧ ángelma böjȩnö ichö, idȩja̧'do̧ do̧ba̧lö, ja̧'do̧ okwobuma nijinö sa̧obe chedijatö. Sa̧emi tutiyubiya saduwaibobe chedijatö, ojwe okwatjö labebinanö ösödadönö, jo̧ba imi dobawedönö, jo̧ba o̧'wo̧ jawabi ösödadönöma. Yelösöda, tutiyubiya sulabenö 'dö̧ekwi̧ tutiyubiyama jobadönö saduwaibawö̧da babibadönö chedijatö, ajayinö luwo̧ ángel idȩja̧'do̧nö okwobu sa̧emima.

Apocalipsis 16:2 Iomraidhean Croise

Isaías 3:17

Ja̧danö jobekwö sulabenö ja̧tjitjö̧, ötjö Isabenö Jo̧ma lȩtebakwo̧sa jobadönö. Jerusalen ya̧dö tjuu ba̧kwemeachibanö wale'debiya saminö wetakwo̧sa, ja̧danö tjöba tjöwö'ye jwobö lotakwo̧sa, tabakwö tjö̧jakobetjö̧, —jö̧ba̧lö yöawajabe Isabenö Jo̧ma.

Isaías 3:24

Ja̧danö, jobekwö 'döebiawö̧, omewi̧ jawa 'dö̧ekwinemi, woinö 'dö̧tjekwakwedö Jerusalen ya̧döma. Ja̧danö koleasö̧jȩ ötiwö̧je tjönawinemi, a̧la̧chi'bo ju'wedö tjujuluwajawö̧ tjönawa'bo tjönawakwedö. Ja̧danö tjöwö'ye otiwa'ye tjujuna̧linemi, tjöwö'ye jwobö lotjawö̧ tjö̧jakwedö. Ja̧danö kamisi otiwa̧do̧ 'dutjawinemi, a̧do epju̧yunö kalukaa̧do̧ 'dutjawakwedö. Ja̧danö otiwadö tjö̧jinemi, tjuluwo̧ imi tubedö dobö wȩyukwawö̧ tjö̧jakwedö̧.

Hechos 12:23

Ikenama omönanö Duluwo̧ weajökwe ángelma Dios ujulunö isȩbö ja̧ijetö Herodesnö wi̧ba̧'dö̧ nöinö tja̧jinö, ukwa'wo 'ye'yeachibanö. Herodesma, jojodönö jwebeba̧lö yöa̧lokobetjö̧, Ötjöma Diosbö̧kö̧sa, jö̧ba̧lö, Diosnöda ösödaduwi, jö̧ba̧lö, jejenö baledijetö, wi̧ba̧'dö̧ tja̧jinö Herodes ukwa'wonö. Ikenama ju'wi möle, lekwokobetjö, Herodesma ö'wö babibijetö, ukwa'wo wiba'dö̧ nöinö tja̧jobetjö̧.

Deuteronomio 28:27

—Ju'wibi, ökwödönö suli̧ waedö, kwi̧sȩdoduwinö tutiyubiya saduwaibobö weakobe Isabenö Jo̧ma, damötjö Egipto jojodönö saduwaibobö weinadanö, ja̧danö ju'wi tutiyubiyabi, wale'debiyabi, kö'öwi̧bi usula kwemawaduwobö weakobe, ja̧danö ja̧tjö bi̧bajökönö kwö̧jaduwakwedöja.

Deuteronomio 28:35

—Ja̧danö ju'wibi, ökwödönö suli̧ waedö, Isabenö Jo̧ma tutiyubiya ökwödönö saduwaibobö weakobe, kwu̧yu̧kijunöbi, kwi̧bȩjwaduwinöbi, okobe jwiinö kwiteba'oduwinöbi inesö nii̧ tutiyubiya ökwödönö saduwaibobö weakobe, ja̧danö ja̧tjö kwö̧bibajaduwobö jwiköbaduwakwedöja.

Deuteronomio 7:15

Ja̧danö ökwödönö tjöbeba̧lö pjaatakobe Isabenö Jo̧ma, tjö'wöchi̧tenia ökwödö kwö'wöchaduwapji jö̧ba̧lö. Jau chömöledö, kwöwaisaduwa Egipto nijitjö inesö tjö'wöchina jawama, jö̧tö? Ja̧ tjö'wöchi̧ jawa kwö'wöchaduwapji jö̧ba̧lö, otiwanö tjöeba̧lakobe Diosma, jo̧kwaijayonö ja̧tjö ökwödö kwö'wöchaduwokonö, okobe deinö kwöpöjojodöda ja̧jaye tjö'wöchobö weakobe, ökwödönö pjabatö.

Apocalipsis 13:12

Ja̧danö, ojwe okwatjö labebajo̧ wei̧danö webo̧, böjȩ teebetjö labebajo̧ma. Jo̧bama ojwe okwatjö labebajo̧ öba a'o ja̧nö, böjȩnö ju̧kwadönö ojwe okwatjö labebajo̧nö tjösödobö webo̧, ö'wö baibenanö dȩawatjö̧ woachibajökwenöma.

Apocalipsis 14:16

Jejenö weökwe jo̧ba ojwiyo'wonö lo̧ma, kwölöte'o wökwö, böjȩnö batjiju junawa wa̧ji̧ 'wiobe chedijatö.

Apocalipsis 14:9

Ikenama jelo̧ ángelma, ajayinö ichajadö tjökömanö köbö icho̧ma labinö jwöeba̧lobe cha̧ja̧kwijatö: —Ojwe okwatjö labebajo̧nö, jo̧ba o̧'wo̧ jawabi ösödadönö, jo̧ba imi döbö wȩyudakwawedönöma, tjöbanö, tjömamunö dobö wȩyudakwawedönöma yelösöda Dios jwiinö ölabikwawö̧, jobadönö lȩbebö. Yelösöda, Dios ölabi̧ma wiwodabökönö ölabikobe, bakwai̧ ölabi̧da ölabikobe. O̧'do̧bu bakwai̧sobu, ojwiyokwö pjatakwawokobu bakwai̧sobudanö, Diosma jwiinö, ölabi̧da ölabikobe ojwe okwatjö labebajo̧nö ösödadönöma. Ja̧danö, jobadöma usula tjemawakwedö, Dios jejenö usula tjemawinö ja̧obetjö̧. Yelösöda, ökwöla tiibokola ubolanö ja̧nö, jwiinö tubinö, azufretjö ubolanö, ba̧kwȩlö̧jatebö tjö̧jakwedö. Ja̧danö, Obeja Itji̧danö Jo̧bi, suli̧ jwibadö ángelesdöbi tjeda̧lonö jobadöma ökwölanö ja̧nö usula tjemawakobe.

Apocalipsis 16:1

Ikenama Dios ejutjö iwene cha̧ja̧kwijatö, labinö yöa̧li̧ma, jejutjö labebajadö ángelesdö, jelemutjö du̧ju̧tajanöbedönö webö: —Böjȩkwö 'ya̧duwi, dȩja̧'di̧ju okwa a̧ji̧ jawa nijibe sa̧sa̧köbaduwo, Dios jwiinö ölabi̧ ji̧ma— weobe cha̧ja̧kwijatö.

Apocalipsis 16:11

Ja̧danö, jwiinö mölejȩnö jo̧ Diosnöma jwiinö tjöpöjödobe chedijatö, inia tjötjinö baledobö weobetjö̧. Ja̧danö, tutiyubiya saduwaibobö weobetjö̧ Diosnö jwiinö tjöpöjödobe, Ökwödönö sulabenö webo̧, jö̧ba̧lö, chedijatö. Ina jelobekwö omukwatö, tjomukwati̧ balewachökönö öpöjödadö Diosnöma.

Apocalipsis 8:7

Abönö pjubo̧ pjuena mölejȩbetjö nijakwö inawiyadanö ji̧, ubi̧ öwiyabi, tjökwösobudanö ji̧kwö pjaachinö labinö tjoduwobe chedijatö. Nijibe meena jwiinö labinö, böjȩma ö'wemida ubobe chedijatö, towibiyabi, okobe jwiinö meje'yebi.

1 Samuel 5:6

Isabenö Jo̧ma isabenö jwiinö usula tjemawinö lȩebinobe Asdodnö ju̧kwadönöbi, jobe pjeanö ju̧kwadönöbi. Jwiinö yetjaibanö nöinö tutiyu saaminö weinobe, Asdod comunidadnö ju̧kwadönöbi, ö'öbönö ju̧kwadönöbi.

1 Samuel 5:9

Jo̧kwaijayonö, Gatbe tjichejebaja̧ ikenama, Isabenö Jo̧ma jobadönöbi jwiinö usula tjemawinö lȩebinobe, jwiinö yetjaibanö. Ja̧ comunidad jojodötjö ömadönö nöinö tutuyubiya saaminö weinobe, damönöbi, ina möayedönöbi, usula tjemawinö.