Apocalipsis 16:15 - Dios Iwene

¹⁵ Damötjö, Duluwo̧ Jesucristoma ja̧ möle baledakwa̧ma baikwö yöawijatö: A̧ja̧kwaduwitjö. Ö'wiawakwawalö̧jönö ja̧nö eda̧lö te'ada̧lakwawö ju̧kwaduwi, ötjö chichakwa̧ma. Ötjöma, naukwabo̧ ichi̧danö chichakwo̧sa, jojodö wajwitjemi okwanö. Wanedö yötawa: Bakwo̧ kamijido̧ jwibo̧, yenada juna̧lo̧ma, ju'wedö tjichitjö̧ma omönanö emibö 'duawena, kamijido̧ jwibo̧ jö̧könö. Jo̧bama taba jwiinö jo̧. Jejenö ö̧jena, bakwo̧ ötjö chichakwa̧ ö'wiawakwawalö̧jönö ja̧nö eda̧löda te'ada̧lo̧ma. Chichenama otiwanö ö̧jakwo̧, taba̧lökönö, jö̧ba̧lö wanedö yöawijatö Jesúsma, damötjöma.

Apocalipsis 16:15 Iomraidhean Croise

Éxodo 32:25

Ja̧danö, Moisésma Israel jojodönö edö ¡ayö! Aarónma jobadönö jweinöma öibinokobe, obadöda batjibanö. Ja̧danö, döpöjojodö bidönö edö, omukwatöködödanö ichejekwadö, jö̧ba̧lö, tjomukwatena.

Isaías 47:3

Kwa̧dobi 'yobekwö ja̧nö, kwa̧do jwibö kwö̧ji̧ öwawinö tjedobö kwö̧jakwujuja, jwiinö taba lö̧joko bakibanö. Jobekwö wanedö yöta̧la, ökwödö Babilonia jojodönö lȩtebakwa̧ma. Jau, chömöledönö sulabenö ja̧köbaduwi̧tjö̧, balekwa mikwa ökwödönö lȩtebakwo̧sa, ökwödötjö bakwo̧nöbi lȩlöinö edökönö, labinö lȩtebakwo̧sa,

Mateo 25:13

Jau chömöledö, ö'wiakwawönö te'ada̧lö ja̧nö kwite'ada̧laduwo, yemidanö chichakwa̧ möle, ja̧danö yemidanö chichakwa̧ hora wajwiköbaduwobetjö̧— jö̧ba̧lö yöawinobe Jesúsma.

Mateo 26:41

Abökönö te'ada̧lö Diosnö akebaduwo, sulabenö ja̧köbaduwojobö jö̧ba̧lö balediawö̧, sulabenö ja̧köbaduwapji jö̧ba̧lö. Kwo̧'wo̧ luwo̧duwitjö isabenö otiwanö ja̧köbaduwobö ösödadöja chömöledö, jo̧kwaijayonö kwiteba'oduwitjö juluwöködöja— jö̧ba̧lö.

Marcos 14:38

Ikenama öba̧ja̧di̧ waisachadönö jö̧ba̧lijetö: —Diosnö abebaduwi ökwödönö pjaatobö tupadanö kwo̧'wo̧duwi juluwachibanö kwi̧'yaduwobö. Diosnö abebaduwi sulabenö ja̧köbaduwökakobetjö̧. Isabenö kwo̧'wo̧duwi luwo̧ma, Otiwanö ja̧bö chö̧jo, jö̧ka̧laduwijayonö ökwödöda kwujuluduwinö otiwanö ja̧bö ju̧kwöködöja. Me'dawadöja—jö̧ba̧lijetö Jesúsma öba̧ja̧di̧ waisachadönöma.

Lucas 21:36

Jau chömöledö, ökwödöma ba̧kwȩlö̧jatebö eda̧lö ja̧nö Diosnö akebaduwo kwujuluwachibaduwanö pjaatobö, yötawaja̧ baledakwa̧ jawa baledenama, otiwanö kwöbaledaduwakobetjö̧, ja̧danö baledajadö ötjö jojo baibanö jeminökwe chöba a'otjö otiwanö kwö̧jaduwakobetjö̧— jö̧ba̧lö yöawinobe Jesúsma.

Hechos 20:31

Jo̧kwaobetjö̧ yöta̧la chömöledö, otiwanö kwite'ada̧laduwo ökwödödabi, ökwödö kwite'ada̧laduwawö̧nöbi. Kwomukwataduwo, ötjöma wa̧pötakwa o̧biya jenanö mölebi, yö̧tebi budekwabinö lȩbebö yöbawiachijatö. Kwite'ada̧laduwo ökwödödabi, ökwödö kwite'ada̧laduwawö̧nöbi— yöbawijetö Pabloma.

2 Corintios 5:3

jejenö 'yaya'o balekwa'o dujuna̧lenama, isabenö jwiinö otiwa'o dujuna̧lakobetjö̧. Jau chömöledö, bi'o babe dujuna̧la'o 'yo̧dekwenama, diteba'o jwibadö dö̧jökakwedösa, balekwa'o babe dujuna̧la'otjö bajalekwönönö otiwa'o dujuna̧lakobe.

1 Tesalonicenses 5:4

Jejenö wajwitjonö ja̧ möle baibakobe yȩa'wo okwa ju̧kwadönö chömöledö, jo̧kwaijayonö yȩa'wo okwa jö̧ködöja ökwödöma. Jo̧kwajabetjö̧ naukwabo̧ ichibi̧danö badekwachökena ja̧ möle ökwödönöma chömöledö, ja̧ möle te'ada̧lö kwö̧jaduwobetjö̧.

1 Tesalonicenses 5:6

Jo̧kwajabetjö̧, wanedö yötawa: Kwo̧'wo̧ luwo̧duwi jawama, ju'wedö tjaba̧li̧danöma daba̧laduwoko chömöledö, möle eda̧ladödanö dö̧jo, 'dukwachinö jö̧könö.

1 Pedro 4:7

Ja̧danö chömöledö, 'dö̧ibaji̧ möle yöneawachibobe. Jo̧kwajabetjö̧, jweinö omukwatö eda̧lakwawö kwö̧jaduwo, ja̧danö waisanö omukwatö Diosnö abebö kwö̧jaduwo.

2 Pedro 3:10

Jo̧kwaijayonö Duluwo̧ma lekwe ite'ada̧lijayonö, isabenö yemidanö ichakwo̧ chömöledö. Ja̧danö wanedö yötawa, naukwabo̧ ju'wedö tjomukwatokonö tebachö önaukwi̧danö, jojodö jo̧ba ichakwa̧ tjomukwatokonö ja̧ inesö lȩebakwa̧ möle baibakobe chömöledö. Ja̧danö, ja̧ baibenama, labinö ökwöobetjö mölejȩma jwiinö baibakobe, ja̧danö mölejȩnö la̧jadöma ökwölanö ubö jwiinö baibakobe, ja̧danö böjȩbi, okobe jwiinö böjȩnö ji̧bi ubö jwiinö baibakobe. Jau chömöledö, obadö ichökena jö̧ba̧lö otjijayonö, isabenö ichakwo̧ Duluwo̧ma.

Apocalipsis 22:7

Ikenama Jesúsma jö̧a̧lijatö ötjönöma: —A̧ja̧kwitjö. Lekwökö chichakwa̧ma. Yötawakwö. Bi'ye baledakwa̧ kwiwȩyudina'ye weawa a̧ja̧kwadöma tjo̧'wo̧ ösöwanö tjö̧jakwedö— yöawijatö Jesúsma.

Apocalipsis 3:11

Chömöledö chichakwa̧ma lekwokobe. Ja̧danö, lekwokobetjö̧ kwo̧'wo̧ luwo̧duwi okwanö ö'wiawakwawalö̧jönö ja̧nö kwite'ada̧laduwo. Jejenö ja̧nö, ötjönö kwo̧'wo̧ wana̧lö ja̧duwi, ju'winö, mölejȩbenö kwichibaduwena, ökwönö otiwa jawa chiyo jö̧ta̧laja̧ jelo̧nöda chiyapji, jö̧ba̧lö.

Apocalipsis 3:18

Chömöledö, jejenö usulasedödanö kwö̧jaduwobetjö̧ ökwödönö pjabatö yötawaduwakwö, wanedö yöbawö. Ötjötjö orotjö kwemaduwo juna̧ladödanö bakibaduwakobetjö̧. Ja̧ oro, ökwölatjö laebaja̧ bakwai̧ oro, jwiinö mikwawi̧ oroma. Ja̧danö, ja̧ oro, ötjötjö kwemaduwi̧ oroma, Dios isabenö mikwawi̧ iyi̧ jawa wanekwachobe. Ja̧danö, kamisi̧ dewi̧ o̧di̧juma ötjötjö emibö 'dukawaduwo, otiwanö taba jwiinö kwekachaduwakobetjö̧. Ja̧danö, jowobu'be ötjötjö emö, kwöbajalebiyaduwi kwa̧bekwaduwo yemidanö otiwanö kwedaduwakobetjö̧.