Apocalipsis 16:12 - Dios Iwene

¹² Ja̧danö, ikena luwo̧ ángel, jelemutjö bakwo̧ sa̧bo̧ baibanö ángelma, idȩja̧'do̧ do̧ba̧lö, ja̧'do̧nö okwobu ojwe nöödönö, Eufrates mikwödönö sa̧obe chedijatö. Sa̧emi okobe jwiinö kököachibobe chedijatö, nijida baibanö. Ja̧danö, ju'wedö la'aka luwedöma, tjömöayedö guardia jojodökwö ja̧wo̧ ichobetjö labebö tjichakobetjö̧, nijida baibobö sa̧bo̧, ángelma.

Apocalipsis 16:12 Iomraidhean Croise

Isaías 11:15

Ja̧danö Isabenö Jo̧ma jwiinö söbebö loakobe Egipto niji jwaibalawa bajalema, ja̧danö iteda ujulunö, jwa̧le'epjo inesö tubapjo weakobe, inesö jalödö Eufrates ojwema ja'yuwödöda baibakobetjö̧. Jobekwö weobetjö̧, inesö jalödöma ja'yuwödöbiya baibanö 'da̧achibakobe, da̧kwöködö jelemutjö dödölataja ojwebiya baibanö. Ja̧danö Diosma jojodönö öibakobe wene jwiinö kwebachöda jalödö ji̧nemi petjibakobetjö̧.

Isaías 41:25

Jo̧kwaijayonö jobadö o̧'wo jawama tupakwö baledakwa̧ wajwitjonö, tupakwö baledakwa̧ waiso̧sa. Ötjöma bakwo̧nö wetajabe, u'dakwötjö ichobö, iteda itebo jawo̧ laebobekwötjö baikwö ichobö. Ötjöda chujulunö jo̧banö omudawö chujunajabe, ja̧danö jobekwö omudawö chujuniökwe, tjitebotenia la'aka luwedönö söbebö loakobe. Jwiinö jobadönö söbebö loakobe, baikwö wanedö yötawa, lete'otjö otidakwo̧ lete'o ja̧tö otidi̧danö, ja̧danö bloke 'diatakwawa otidadö ja̧tö tjotidi̧danö, la'aka luwedönö ja̧tö loakwo̧ omudawö chujunajökwema.

Isaías 42:15

Ja̧danö, babema mösa'iju jwiinö söbebö lotocha, okobe jwiinö mösa'ijunö pokwi̧ köködö lotocha. Ojwebiyabi köködö lotocha, ojwe ö'wejenö ö'wejesa'o öwawachibenanö baibanö, ja̧danö o̧pesobubiyabi köködö lotocha.

Isaías 44:27

Ja̧danö ju'wibi, ötjöda jwaibalawa webo̧sa, —Kököachibi, —jö̧ba̧lö, ja̧danö —Ojwebiya kököachibobö wetakwo̧sa, —jö̧ba̧lö yöbawajo̧, badekwachinö webo̧sa.

Isaías 46:11

Jau, yötawinadanö badekwachinö, wiyuli ödötjö ichi̧danö ichakwo̧nö jwötocha, ödö itebotjö jawo̧ laebobekwötjö ichobö. Jobekwö baledakwa̧ yöbawö chujunajabe chömöledö, ja̧danö ju'wibi badekwachinö ja̧takwo̧sa. Baledakwa̧ omukwatö chujunajabe, ja̧danö isabenö badekwachinö chotidakwo̧sa.

Isaías 8:7

Jo̧kwajabetjö̧, chiteada̧li̧ tjöpöjödobetjö̧, baikwö wanedö yötawakwö: Ötjö Isabenö Jo̧ma wetocha, inesö nöödö buluwadö jobadönö okwatibobö wetocha, ja̧danö welachibanö juda nijibi okwatibanö isuwakobe, jwiinö chömöledö israel jojodönö okwatibakobe, tjulume'anö ichibenanö kabatö. Jau Isaias, Asiria niji la'aka luwo̧ma iteda ujulunö ba̧jȩkwadö ömöayedönö öbibö ichakobe, iteda ömöayedötjö Juda niji su̧'be baibenanö kabatö. Jo̧kwaijayonö jobekwö ichijayonö, ötjö Diosma ökwödökwö Jo̧sa, jadanö wanedö yöta̧la, pji̧yu tjö̧wa̧ja̧piya debatö tjiteada̧li̧danö, ökwödönö chiteada̧lakwo̧sa, —jö̧ba̧lö yöawinobe Diosma.

Apocalipsis 11:14

Ja̧ inia tjötjinö baledobe chedinama, tjo̧wi̧ dötölatajanö inia tjötjinö baledinama. Ina jemi ikena trompeta pjubo̧ pjuakobe, ju'wi inia tjötjinö baledakwa̧ abönö, wa̧pötakwa baibanö inia tjötjinö baledakwa̧ma.

Apocalipsis 17:15

Ina yöawijatö ötjönöma: —Ojwebiya ba̧jekwi̧ ödö kwedaja̧, isuju jelo̧ jelo̧nö juju ö'öbönö jö̧bena ojwebiya kwedaja̧, jojodönöda wanekwachobe, böjȩ okobe jwiinö ju̧kwadö jojodö, jelobebi, jelobe ju̧kwadönö, wainökwena tjiwene yöba̧ladönö.

Apocalipsis 7:2

Jemi ikenama jelo̧ ángelnö chedijatö, ja̧wo̧ ichobetjö labebö mölejȩbekwö kabekwajo̧nö. Jo̧bama seyu dobö wȩyukwa jawa do̧ba̧lö kaekwachajobe chedijatö, Ba̧kwȩlö̧jatebö 'Yaba̧lo̧ Dios u̧kwa seyu dobö wȩyukwa jawama. Kabekwachajo̧ mölejȩbe ichibö ángelesdönö, jwa̧lȩ'epjo tjöbeba̧ladönöma, böjȩbi, ojwebi, sulabenö baibanö ja̧tjobö webawedönöma labinö jwöi̧ cha̧ja̧kwijatö .

Apocalipsis 9:14

Ja̧danö, trompeta pjubo̧nö webö ökwöi̧ cha̧ja̧kwijatö: —Sulabedö ángelesdönö ejati latjebo, ojwe nöödö Eufrates mikwödö ö'öbö di̧batö ujuninawö̧nöma —jö̧ba̧lö, ökwöi̧ cha̧ja̧kwijatö.