Apocalipsis 15:1 - Dios Iwene

¹ Ja̧danö, ju'wi i̧sekwi̧ma mölejȩtjö chedijatö. Edinö chöbajale jalaka babibö, ¡Ayö! jö̧ba̧lö, cheda̧lijatö. Ja̧danö, ángelesdönö, jelemutjö du̧ju̧tajanö chedijatö. Jobadöma ju'winö baledakwa̧ jawa juna̧ladö, jelemutjö dötölataja jawa, jojodönö inia tjötjinö baledakwa̧ jawama. Ja̧ inia tjötji̧ baledakwa̧, Dios ölabi̧ 'dö̧ibaji̧ jawama.

Apocalipsis 15:1 Iomraidhean Croise

Daniel 6:27

Jo̧bama iteda ömöledönö tjö̧jibinö pjabato̧, ja̧danö wene tjujuna̧li̧tjö latjebobö pjabato̧. Mölejȩbetjöbi, böjȩtjöbi iteda ujulu i̧sebö jojodö edajitjökö jawa i̧sebo̧ Diosma, ja̧danö jo̧bada iteda ujulu i̧sebö Danielnö didibadötjö ö̧jibinö pjaatajabe— jö̧ba̧lö iwȩyudinobe Daríoma.

Apocalipsis 10:3

Ja̧danö, jo̧ba jwöi̧ma labinö, didiba jwöi̧ ökwöi̧danö cha̧ja̧kwijatö. Ja̧danö, jwöawö̧ma jelemutjö du̧ju̧tajanö böbadö tjökwödi̧danö tjatadobe cha̧ja̧kwijatö.

Apocalipsis 11:14

Ja̧ inia tjötjinö baledobe chedinama, tjo̧wi̧ dötölatajanö inia tjötjinö baledinama. Ina jemi ikena trompeta pjubo̧ pjuakobe, ju'wi inia tjötjinö baledakwa̧ abönö, wa̧pötakwa baibanö inia tjötjinö baledakwa̧ma.

Apocalipsis 14:19

Jejenö weökwe jo̧ba ángelma kwölöte'onö 'wiobe chedijatö, uba ochijuma. Ja̧danö, 'wibajo̧ ja̧takwakwawena ödabobe chedijatö, isobu ebawobö ja̧takwakwawenama. Ja̧ uba ochiju labinö ja̧takwakwawanö wanekwachobe Dios bakwai̧da ölabi̧ i̧sebö baledakwa̧ma.

Apocalipsis 16:1

Ikenama Dios ejutjö iwene cha̧ja̧kwijatö, labinö yöa̧li̧ma, jejutjö labebajadö ángelesdö, jelemutjö du̧ju̧tajanöbedönö webö: —Böjȩkwö 'ya̧duwi, dȩja̧'di̧ju okwa a̧ji̧ jawa nijibe sa̧sa̧köbaduwo, Dios jwiinö ölabi̧ ji̧ma— weobe cha̧ja̧kwijatö.

Apocalipsis 17:1

Ikenama ángelesdö jelemutjö du̧ju̧tajanö dȩja̧'di̧junö okwi̧ sa̧badötjö bakwo̧ ichö ötjönö jö̧a̧lijatö: —Juan, ötjökwö ichi, chi̧sebokwö. Dios, isuju, jelo̧ jelo̧nö ju̧junö lȩebakwa̧ kwedo ichi. Jobujuma, ojwebiya ba̧jekwi ödö lö̧jena ö'öbönö bu̧ju.

Apocalipsis 19:15

Ja̧danö, Dios Iwene ötjabökwe aatjö isa̧pi̧ ödöapi̧, bakwachakwadanö sȩapi̧ aatjö laebi̧pi̧ chedijatö. Ja̧pi̧nö okobe deinö böjȩnö ju̧kwadö, jelobebi jelobe Diosnö öpöjödadönö ujuluwakwo̧, Dios Iwene ötjabökwema. Ja̧danö, ujuluwajawö̧nöma webö ö̧jakwo̧, iteda inesö ujulunö, iteda wei̧ ja̧tjoböma. Yelösöda, bakwo̧bi jo̧banö ujuluwakwo̧ma deobe. Ja̧danö, jo̧bama Juluwo̧ Dios jwiinö ölabi̧ i̧sebö, uba ochiju tjöja̧takwi̧danö öja̧takwo̧ Diosnö öpöjödadönöma.

Apocalipsis 21:9

Ja̧danö, ángelma, jelemutjö du̧ju̧tajanö dȩja̧'di̧ju juna̧ladötjö bakwo̧ ichö jö̧a̧lijatö ötjönöma: —Ötjökwö ichi, Obeja Itji̧danö Jo̧ ilekwo̧ baibanö emakwujunö chi̧sebokwö— jö̧a̧lijatö.

Apocalipsis 8:13

Ikenama cha̧ja̧kwijatö muko jwöeba̧li̧ma. Jo̧bama mö köba̧lö labinö jwöeba̧li̧ cha̧ja̧kwijatö: —¡Ayö, ökwödöwe! ¡Inia tjököbaduwinö baledakobe! ¡Ayö! Ju'wedö ángelesdö trompeta pjutjenama yelösöda inia tjököbaduwinö baledakobe. ¡Ökwödöwe! Jwiinö inia tjököbaduwinö baledakwawö̧ja ökwödö, böjȩnö ju̧kwadönöma— labinö muko jwöeba̧li̧ma cha̧ja̧kwijatö.

Apocalipsis 8:2

Jemi ikenama chedijatö ángelesdönö, jelemutjö du̧ju̧tajanö, Dios öba a'o ju̧kwadönö. Jobadönö iyabobe chedijatö, bakwo̧nökwena, pjuawa onu, trompeta mikwi̧.

Apocalipsis 8:6

Ikenama ángelesdö jelemutjö du̧ju̧tajanö, trompeta iyajawö̧ma ida̧ökö, trompeta pjutjobö tjö̧jobe chedijatö.

Apocalipsis 9:20

Ina i̧sebi̧ chedijatö. Yelösöda, ka̧ba̧yu̧döma inia tjötjinö ba̧jekwadö wotjawinö ja̧tjobe chedijatö. Jejenö ji̧jayonö, ju'wedö woböködöma, ina sulabenö omukwatö ju̧kwadönö chedijatö. Tjomukwati̧ tjöbalewacho jö̧tja̧laja̧ma balewachökönö ju̧kwadönö chedijatö. Ina jobadöma Awetja ömöayedönö ösödöbi, o̧'wo̧ jawa ösödöbi, sulabenö tjomukwati̧ kabatibökönö ju̧kwadö. Ja̧ o̧'wo̧ jawa tjösödi̧ma, orotjö platatjö broncetjö towitjö otikwa o̧'wo̧ jawama 'yaa̧lökö. Edöbi edökö. A̧ja̧kwöbi a̧ja̧kwökö. Kwebachöbi kweachökö o̧'wo̧ jawama. Yayonö jobadöma sulabenö tjomukwati̧ kabatibökönö ja̧ jawa ösödö ju̧kwadönö chedijatö.