Apocalipsis 14:15 - Dios Iwene

¹⁵ Ja̧danö, jelo̧ ángelnö chedijatö mölejȩbetjö, Dios eju okwatjö labebo̧nö. Labebajo̧ labinö ojwiyo'wonö lo̧nö jwöbeba̧lö wei̧ cha̧ja̧kwijatö, baikwö: —Tjo̧wi̧ batjiju junawa wa̧ji̧ ida̧ökö yȩajabe. 'Wibaji— jwöbeba̧lö wei̧ cha̧ja̧kwijatö.

Apocalipsis 14:15 Iomraidhean Croise

Génesis 15:6

Ja̧danö, Abramma Dios yöawi̧ ösödijetö, Diosma jweinö yöbawo̧, jö̧ba̧lö. Jejenö ösödiökwe Diosma jo̧banö jö̧ba̧lijetö, Chedemi bitema suli̧ jwibo̧, jö̧ba̧lö.

Isaías 62:1

Isabenö cho̧'wo tjo̧ekwobe Sion mösa'o ju̧kwadönö, chitebo comunidad Jerusalen omukwatö, cho̧'wo tjo̧ekwobe, jo̧kwajabetjö̧ wi̧inö chö̧jökakwo̧sa. Jau, jwaikwöda yöbawö chö̧jakwo̧sa, Jerusalen comunidad jojodö Dios wei̧ tja̧ja̧kwenanö baibanö. Jau, baikwö wanedö yöta̧la, ja̧ möle tjö̧jibinö Dios pjaatakwa̧ma, dȩju̧wa'yudanö öwawakobe, ja̧danö Dios wei̧ a̧ja̧kwö tjö̧ji̧ma, möle dewachi̧danö salöinö dewakobe.

Mateo 13:30

Wainö trigosa'yekwö, sula'wosa'yekwö bakobe pokwobö jo̧be, wa̧ji̧ tjemakwa̧ möle baibenanö kabatö. Otidadönö wa̧ji̧ tjemobö wetenama, abönö sula'wosa'ye 'yebö lotjobö wetocha, ja̧danö ko̧ko̧dö, di̧batibö juwö lotjobö wetocha, ja̧danö jejenö sula'wo juwö lobajadö, trigo ödebiya emö, ko̧ko̧dö trigo jawa lödaweju okwa tjödobö wetocha— jö̧ba̧lö wanedö yöawinobe Jesúsma.

Mateo 13:39

ja̧danö sula'wosa'ye ikwö juno̧nö badekwachi̧ma, Awetjanö badekwachobe. Ja̧danö, batjonö wa̧ji̧ emö tjotidi̧ badekwachi̧ma, 'dö̧ibaji̧ möle jawa badekwachobe, ja̧danö batjonö wa̧ji̧ emö otidadönö badekwachi̧ma, ángelesdönö badekwachobe.

Mateo 23:32

Isabenö jobadödanö bakwaibedöja, ja̧danö babema jobadö Dios weawö̧nö kwabö lobö jamatö ja̧tjinama, jemi tupakwöbi badekwachinö ja̧köbaduwakwedöja.

Marcos 4:29

Jemi ikenama ida̧ökö yȩenama 'döbö 'ya̧jadö, ida̧ökö nöinö 'deawena baibobetjö̧. Jejenö jo̧be, Dios La'aka Luwo̧ ö̧jena tjuju̧kwi̧ma— jejenö Jesús wanedö yöbawijetö, Dios La'aka Luwo̧ ö̧jena wanedöma.

1 Tesalonicenses 2:16

Jau chömöledö, judío jojodöböködönö tjö̧jibobö yödawenama, judío jojodöma tjöpöjödobe, judío jojodöböködönöma yökawaduwa jö̧ba̧lö, ja̧danö yödawökönö sulabenö ja̧tjobö tjisakwobe chömöledö. Jau chömöledö, la'akatjöda sulabenö ja̧biatjinadanö, ja̧bi sulabenö ja̧tjajabe judío jojodöma. Ja̧danö wanedö yötawa: Sulabenö ja̧tji̧ma su̧'bȩ baibajabe ida̧ökö. Jo̧kwajabetjö̧, babema bajaliyanö Dios lȩebi̧ma jobadönö badekwachajabe chömöledö.

Apocalipsis 11:19

Ikenama mölejȩbetjö Dios eju apjude po̧ibobe chedijatö. Jejenö po̧ibobe chedemi okwa isapjo chedijatö, Dios u̧kwapjo, domulataja weina jawa a̧japjoma. Ikenama, böba ölabi̧ a̧ja̧kwö, ja̧danö, nekakanö dejö baledobe chedijatö. Tjiwenebi, böba labinö ökwödi̧bi ökwöi̧ma cha̧ja̧kwijatö. Ja̧danö, niji tjö̧bebö li̧leibobe chedijatö. Ikenama ojwiyo o̧bi̧danö, inawiyadanö ichejekwi̧ labinö mölejȩbetjö nijakwö tjoduwobe chedijatö.

Apocalipsis 13:12

Ja̧danö, ojwe okwatjö labebajo̧ wei̧danö webo̧, böjȩ teebetjö labebajo̧ma. Jo̧bama ojwe okwatjö labebajo̧ öba a'o ja̧nö, böjȩnö ju̧kwadönö ojwe okwatjö labebajo̧nö tjösödobö webo̧, ö'wö baibenanö dȩawatjö̧ woachibajökwenöma.

Apocalipsis 14:14

Ikenama chedemi ojwiyo'wo dewa'wo chedijatö. Ja̧danö, jojodanöso̧nö chedijatö, ja'wonö lo̧nöma. Jo̧bama butjawaka orotjö otikwaka, butjawo̧. Ja̧danö, kwölöte'o, akwaka'o, batjo junawa wiawa'o do̧ba̧lö lo̧, ojwiyo'wo dewa'wonö.

Apocalipsis 14:16

Jejenö weökwe jo̧ba ojwiyo'wonö lo̧ma, kwölöte'o wökwö, böjȩnö batjiju junawa wa̧ji̧ 'wiobe chedijatö.

Apocalipsis 14:17

Ikenama jelo̧ ángel Dios mölejȩbe eju okwatjö laebobe chedijatö, jo̧babi kwölöte'o jwiinö sȩa'o do̧ba̧lö.

Apocalipsis 14:18

Ja̧danö, jo̧ba ökömanö jelo̧ ángel laebobe chedijatö, juwö iyawapjotjö labebo̧nö. Jo̧bama ökwöla juawa te'ada̧lo̧. Ja̧danö, jo̧ba ángelma kwölöte'o sȩa'o juna̧lo̧ ángelnö wei̧ cha̧ja̧kwijatö, baikwö: —Kwölöte'onö 'wibi okobe jwiinö böjȩ batjijutjö uba ochijuma, ida̧ökö yȩobetjö̧— wei̧ cha̧ja̧kwijatö.

Apocalipsis 15:6

Jemi ikenama, jelemutjö du̧ju̧tajanö ángelesdönö, Dios ejutjö labebadönö chedijatö. Jobadöma, jelemutjö dötölatajanö inia tjötjinö baledakwa̧ jawa juna̧ladö. Ja̧danö, kamisi jwiinö dewi̧ o̧do̧, ödöi̧ o̧do̧ 'dubawadö. Ja̧ o̧di̧juma lino mikwi̧tjö otikwa o̧di̧ju, salöi̧ o̧di̧ju. Ja̧danö, jobadö ángelesdöma, tjomukonö di̧batakwawadö, orodanö duwapjayi o̧do̧.

Apocalipsis 16:17

Ja̧danö, ikena luwo̧, ökömakwö sa̧bo̧ ángelma idȩja̧'do̧ do̧ba̧lö ja̧'do̧nö okwobu jwa̧lȩ'epjonö sa̧obe chedijatö. Sa̧emi iwene labinö ökwöobe cha̧ja̧kwijatö, Dios eju okwatjö, Dios ö̧belö, Tjo̧wi̧, 'dö̧ibaja̧ babema, jö̧ba̧lö.

Apocalipsis 6:10

Ja̧danö, jobadö öwawöködöma labinö Diosnö atjeba̧li̧ cha̧ja̧kwijatö, baikwö: —Duluwo̧ Dios, ökwöma okobe jwiinö webo̧ja, suli̧ jwibo̧ja, jweinö yöba̧lo̧ja. ¿Dokwa lekwe kwite'ada̧lakwa̧da ökwödönö kwabö lobinadönö lȩkeboböma? ¿Dokwa lekwe kwite'ada̧lakwa̧da balekwa mikwa lȩbebö weköbakwa̧ma?—budekwabinö atjeba̧li̧ cha̧ja̧kwijatö.