Apocalipsis 12:4 - Dios Iwene

⁴ Jo̧ba öwali'boma juluwo̧. Öwali'bonö labinö wökwebö mölejȩbe lö̧jadö si̧li̧'i̧dönöma, ö'wedönöda böjȩkwö jaobe chedijatö. Ja̧danö, jo̧bama metu'wo nioko jö̧bemi badeibö te'ada̧lö jo̧nö chedijatö, jemibökwenö ukwotö jö̧ba̧lö.

Apocalipsis 12:4 Iomraidhean Croise

Éxodo 1:16

Hebreo ya̧dö tjemunö tjemobe te'ada̧lö kwedaduwemi iso̧nö jemitjö̧ma kwabö loköbaduwonö. Jo̧kwaijayonö isujunö jemitjö̧ma kwabö loköbaduwoko, wainö jö̧jakwuju— webijetö Egipto inesö la'aka luwo̧ma.

Isaías 27:1

Ja̧danö, ja̧ möle Isabenö Jo̧ma Leviatan ötjabökwe jwaibalawanö jo̧nö lȩebakobe. Inesö nöbo̧ a̧ko'da Leviatanma, Dios öba a'otjö döibajakobe, öwali'bo wi̧su̧inö ja̧bö döibajakwo̧ Leviatanma, jo̧kwaijayonö Diosma iteda itea kwölöte'o, inesö nöa'o juluwa'onö kwabö loakobe jwaibalawanö jo̧ Leviatannö.

Juan 8:44

Ökwödö kwabe'doduwima Awetjada. Ökwödö ösödö kwö̧jaduwi̧ma Awetja ösödi̧danö ösödö kwö̧jaduwobe. Jo̧bama jojodönö kwabö lobo̧, ajayitjöda babe baibanö. Ja̧danö, isabenö jawa yöbawö̧kö̧, omönada yöbawo̧. Jo̧ba omajade okwa sule omönada a̧jobetjö̧ omönada yöbawo̧. Ja̧danö, isabenö yöawakwawama öpöjödo̧. Jo̧bama ajayinö omöna yöbawina. Ja̧danö, jojodönö tjo̧'wo̧ luwo̧nö öibobe omönada yötjawobö.

1 Pedro 5:8

Jweinö omukwatö eda̧lö kwö̧jaduwo chömöledö, kwöpöjojo Awetjama, ökwödönö suli̧ öwaedobö isakwobetjö̧. Kwöpöjojonö baikwö wanedö yötawa chömöledö: Didiba nöbo̧ma tulubö kwebacho̧, ukwakwo̧nö isakwö, ¿jö̧tö? Ja̧danö, Awetjama ökwödönö suli̧ öwaedobö isakwo̧ chömöledö, jo̧kwajabetjö̧ jweinö omukwatö eda̧lö kwö̧jaduwobö jo̧be.

Apocalipsis 12:7

Ikenama mölejȩbetjö jwiinö ölakwabikwawö kwakwatjakwawobe chedijatö. Ja̧danö, bakwo̧ ángel, Miguel mikwo̧ma, ömöayedö ángelesdöma, toba'dadanöso̧kwö, jo̧ba ömöayedökwö ölakwabikwawö kwakwatjakwawobe chedijatö.

Apocalipsis 12:9

Ikenama nöbo̧ toba'dadanöso̧nöma mölejȩbetjö böjȩkwö labinö jabö lotjobe chedijatö. Jo̧bama damötjö, a̧ko'da ji̧na, Awetja mikwo̧, böjȩnö ju̧kwadönö okobe deinö omöna yöba̧lo̧, jö̧ba̧lö, ötjabökwe. Ja̧danö, iteda ömöayedö, sulabedö ángelesdönöbi labinö jabö lotjinawö̧, mölejȩbetjö böjȩkwö.

Apocalipsis 13:2

Ja̧danö, jo̧bama wainö ichejekwo̧, yawidanö. Ja̧danö, ömasapiya waya ömasapadanö lö̧kwe, nöbo̧, inejebiyabi ödöbo̧. Ja̧danö, aama didiba aadanö lö̧kwe. Ja̧danö, toba'dadanöso̧ma iteda ujulu iyo̧ ojwe okwatjö labebajo̧nöma, jojodönö weobö, inesö la'aka luwo̧ ba̧kwawakanö ba̧nö.

Apocalipsis 13:4

Ja̧danö, jobadöma toba'dadanöso̧nöbi nöinö ösödadö, ojwe okwatjö labebajo̧nö iteda ujulu iyiawö̧, la'aka luwo̧ baibanö. Ja̧danö, ojwe okwatjö labebajo̧nöma edö, ¡Ayö! Bitema jwiinö juluwo̧, jo̧badanö juluwo̧ma deobe, jö̧ba̧lö, tjösödobe chedijatö. Ja̧danö, ¿Tida jo̧banötjö o̧penönö juluwo̧ma? ¿Tida jo̧banö kwabö lobo̧ma? ¿Tida jo̧banö ujuluwakwo̧ma? Deobe, jö̧ba̧lö, ojwe okwatjö labebajo̧nö tjösödobe chedijatö.

Apocalipsis 16:13

Ikenama chedijatö wa̧medukwa isapjobedönö, sulabedönö, puledanö ichejekwadönö. Jobadötjö bakwo̧ toba'dadanöso̧ aa okwatjö labebo̧. Ja̧danö, jelo̧, ojwe okwatjö labebina aa okwatjö labebo̧. Ja̧danö, jelo̧, böjȩ okwatjö labebina, Ötjöma Dios yöawi̧ yöbawo̧sa, jö̧ba̧lö, omöna yöba̧lo̧ aa okwatjö labebo̧.

Apocalipsis 17:18

Ja̧danö, isuju kwedajokoma, inesö la'akasemi Babilonia comunidadnö wanekwachuju, okobe deinö böjȩ la'aka luwedönö weemi comunidadnö wanekwachujuma— jejenö yöawijatö ángelma ötjönöma.

Apocalipsis 20:2

Jo̧bama, böjȩnö ichibö, toba'dadanöso̧nö do̧batö ka̧lenasonö 'diinö nu'yö di̧batö ödobe chedijatö. Jo̧bama, jejenö di̧batö ödajökwema, Awetja, damötjö ji̧na a̧ko'da, omöna yöba̧lo̧. Ja̧danö, di̧batö ödajökwema lekwe, mil imiamebiya jenanö, labebökönö bo̧.

Apocalipsis 8:10

Jemi ikena trompeta pjubo̧ pjuena sili'i nöbo̧, dejewa'yu̧danö ubo̧ mölejȩbetjö ojwebiyanöbi, ojwe se'dijunöbi meobe chedijatö, ö'wemida.

Apocalipsis 8:11

Jo̧ba sili'ima, lebo̧ mikwo̧. Meajemima leinö baibinemi, ojwebiyabi ojwe se'dijubi ö'wemida. Jo̧kwaobetjö̧ ojwenö ojwese'donö meajelö owadöma ba̧jekwadö wobajadönö chedijatö, ojwiyo niinö baibanö leobetjö̧.

Apocalipsis 8:12

Jemi ikena pjubo̧ pjuenama möle ja̧wo̧tjöbi, yö̧te ja̧wo̧tjöbi, ö'wedöda, si̧li̧'i̧dötjöbi ö'wedöda suli̧ tjöwaekwibobe chedijatö, juluwanöda dejatadö baibanö. Ja̧danö, möle ja̧wo̧ma, möle ja'ö baibenama yȩatibobe chedijatö, dejatökönö baibanö. Ja̧danö, yö̧te jawo̧bi, si̧li̧'i̧döbi, yö̧te ja'ö baibenama yȩtjatibobe chedijatö, tjidejatökönö.

Apocalipsis 8:7

Abönö pjubo̧ pjuena mölejȩbetjö nijakwö inawiyadanö ji̧, ubi̧ öwiyabi, tjökwösobudanö ji̧kwö pjaachinö labinö tjoduwobe chedijatö. Nijibe meena jwiinö labinö, böjȩma ö'wemida ubobe chedijatö, towibiyabi, okobe jwiinö meje'yebi.

Apocalipsis 8:8

Jemi ikenama pjubo̧ pjuena, mö'ösa'odanö, möa'o, uba'o, ojwe nöödö ö'wödönö loobe chedijatö, jödönö jamatinö.

Apocalipsis 8:9

Ja̧danö, ja'o jamatenama ojwe nöödöma tjökwösobuda baibobe chedijatö, ö'wödöda. Jo̧kwaobetjö̧ jödö ö'wödönö ju̧kwadöma wobajadönö chedijatö. Ja̧danö, ökwösowi jödö ö'wödönöda 'yo̧wi isowima meajobe chedijatö.

Apocalipsis 9:10

Jobadö ma̧la̧ka̧yö̧ma itiyu ölö̧'i̧danö ja̧wö̧. Ja̧danö, jobadöma, i̧ti̧yu̧dö lotjawi̧danö lobawadö. Ja̧wo̧dö bakwamu luwanö Diosnö öpöjödadönö, lotjawobö weawö̧, inia tjötjinö.

Apocalipsis 9:19

Ja̧danö, jobadö ka̧ba̧yu̧döma, tjaatjö laebi̧bi, tjöwali'bijunöbi jwiinö juluwi̧ juna̧ladö. Tjöwali'bijuma a̧ko̧'dö̧ tjuubiyadanö lö̧jawö̧. Ja̧ tjöwali'biju bajalema tjuubiya lö̧jawö̧. Ja̧danö, tjöwali'biju bajale tjuubiya lö̧jinö jojodönö yelösöda yö̧yö̧badö. Jejenö ötjönö i̧sebi̧ chedijatö.