Apocalipsis 11:8 - Dios Iwene8 Ja̧danö, kwabawö loajawö̧ma, jobe inesö la'akasemi comunidad ö'weje la̧manö tjö̧bajobe, i̧lȩdo̧ okwa lödawöködöda. Jemi comunidadma Sodoma, jö̧ba̧lö, ötjabemi, suli̧ baibinemi Sodomanö wanekwachobetjö̧. Ja̧danö, Egipto, jö̧ba̧lö, ötjabemi, suli̧ baibinemi Egiptonö wanekwachobetjö̧. Jemima jobadö kwabö loajawö̧ tjuluwo̧nö ösötenö bȩtjinemi. Faic an caibideil |
Apocalipsis 11:8
40 Iomraidhean Croise
Isabenö wene juna̧ladö Juda jojodöma, tjöba edöbi öwaetjöda öwawobe, wene tjujuna̧li̧ma. Jau, taba jwiinö, sulabenö ja̧bö tjö̧ji̧ i̧sebadö, inesö sulabedö Sodoma jojodö tji̧sȩbinadanö. Ayö, isabenö Dios lȩebakwawö̧ Juda jojodönö, jadanö jobadönö lȩebakwa̧ma baikwö yötawa, Idöda wene jwötjekwobetjö Dios lȩebakwa̧ tjemakwedö.
Ja̧danö chömöledö, jo̧ba iyajökwe a̧tjȩo̧nö jojodö tjö̧jemi tupakwö juwö lotjinökwema Jesúsnö öwanekwachinobe, isabenö jo̧ iyawakwo̧nö. Jo̧kwaobetjö̧ Jesús itedada iyawena, jo̧babi jojodö tjö̧jemi tupakwö usula emawö woinobe. Chömöledö jobetjöda Jesúsma itedada iyawinobe, ökwösobu ebawinö, jojodö tjusula tjumusidi̧ midawö. Jejenö jojodö tjusuli̧ dichö lobö imidawinobetjö̧, jojodöma dichawedö, otiwadöda, Dios öba a'oma ichibadö, Jesúsnö do̧batö emadöma. Chömöledö, ökwödöma Jesús dö̧jibinö pjaatinawö̧sa. Jo̧banö ösödadösa. Ja̧danö, Dios öba a'oma suli̧ dichawedö ichibadösa. Jo̧kwaijayonö ju'wedö, Dios ajayinö yöbawö ujunina wei̧ a̧ja̧kwadöma Jesús pjaati̧tjö tjemoböma jwibadö. Jau chömöledö, jobadöma jojodö tjö̧jemi tupakwö tjujuwobö weinökwe itebiya tjukwobö jwii̧danö Jesús pjaati̧tjö tjemoböbi jwibadö. Jo̧kwaobetjö̧ jobadöma Dios öba a'oma suli̧tjö dichawedödanö ichiböködö.
Ja̧danö Sodoma comunidad ju̧kwadöbi, Gomorra comunidad ju̧kwadöbi, ö'öbö comunidad jobadö ja̧tji̧danö sulabenö 'da̧'da̧bakwawö ja̧badö, ja̧danö tjöpöjödo jö̧tja̧li̧ jawa sulabenö ösödadöma Dios lȩebi̧tjö tjeminobe, ¿jö̧tö? Jau chömöledö, ökwöla tiibokolama jobadönö söbebö loinobe, ja̧danö ja̧ jobadönö baledinama öwaetjöda i̧sebobe, jobadöjayedönö Dios isabenö lȩebakwawö̧ jö̧ba̧lö, ¿jö̧tö?
Katjekwachaja̧ okobema böjȩ niji jwiinö tjö̧bebö li̧leibobe. Yelösöda, tjö̧bebö li̧leibobetjö̧ jobe comunidad o̧di̧juma pjolachakwawobe. Ja̧danö, jobe ju̧kwadöma, siete mil jojodö wotjobe, jejenö niji tjö̧bebö li̧leibobetjö̧. Ja̧danö, jejenö baledobetjö̧ ju'wedöma jwiinö yetjaibobe. Ja̧danö, Diosnöda omukwatö tjösödobe, ¡Ayö! Diosma, mölejȩbe jo̧ma, jwiinö juluwo̧, jö̧ba̧lö.
Ja̧danö, wa̧pötakwa mölenö ja'ö baledibanö, jojodöma böjȩ bakwameachibanö ju̧kwadötjö, wainökwena tjiwene yöba̧ladöbi, wainökwena ji̧nadötjö tupadanö jojodöbi, jelobebi jelobe ju̧kwadöbi, lödawöködöda ö'weje mananö tjö̧bajobe baledö tjeda̧lobe. Jobadönö edö, Otiwa, wainö woböda tjö̧bajadö, jö̧ba̧lö, jobadö tjö̧bajonö tjöbaledobe. Ja̧danö, jojodöma, jobadönö i̧lȩdo̧ okwa lödö tje'ewoböma yelösöda wetjokobe.
Ja̧danö, comunidad ö'öbötjöda tjöja̧takwawobe chedijatö, uba ochijuma. Jejenö, ochiju tjöja̧takwobema tjökwösobuda ebawobe chedijatö, nöinö. Tjöja̧takwemi isuwi̧ma tjökwösobuda, ojwedanö, da̧kwinö lo̧be chedijatö, kabayu öwamenönö da̧kwinö. A̧li̧ isuwobe chedijatö, tres ciento kilómetro jenanö, ödö.
Ikenama jelo̧ ángel, ajayinö icho̧ ökömanö icho̧ma labinö jwöeba̧lobe cha̧ja̧kwijatö, Babilonia comunidadnö lȩebakwa̧ yöbawö: —Babilonia comunidad, inesö la'akasemi comunidadma, yelösöda, okobe jwiinö o̧di̧jubi pjolachakwawinö baibakobe. Yelösöda jobema, Dios lȩebi̧ baibanö söbebö loemi baibakobe. Ja̧danö, Babilonia comunidadma sulabenö baibinemi, jemima jojodö ba̧jekwadö sulabenö ja̧tjobetjö̧ tji̧lȩkwa̧muböködökwö ja̧nö. Ja̧danö, jobadöma, Babilonianö ju̧kwadöma ju'wedönö sulabenö ja̧tjobö, jelobekwö öbibö ja̧biatjinobe. Ja̧danö, böjȩ jojodöma jelobebi jelobe ju̧kwadöma, Babilonianö ju̧kwadö sulabenö ja̧tji̧ ösödö, jobadöbi sulabenö omukwatö ju̧kwiatjinobe. Jo̧kwaobetjö̧ Diosma lȩebakobe Babilonia comunidadma, jobe ju̧kwadöma jojodönö sulabenö jelobekwö öbibö ja̧tjobetjö̧— jejenö ángel jwöeba̧lobe cha̧ja̧kwijatö, Babilonia comunidad lȩebakwa̧ yöbawö.
Ja̧danö, jobema, Babilonia mikwemi, inesö la'akasemima, okobe jwiinö lileibobe chedijatö. Ja̧danö, wa̧po'okwa jenanö baibanö baledobe chedijatö jemima, Babiloniama. Ja̧danö, jelobebi jelobe comunidadesbi jejenö pjolachakwawibanö baledobe chedijatö. Jejenö Diosma Babilonianö ju̧kwadönöma lȩebobe chedijatö, jo̧banö sulabenö omukwatö tjö̧jobetjö̧. Ja̧danö, jobadöma ojwiyo tjowi̧danö Dios ölabi̧sobutjö owadö. Ja̧ isobuma, Dios ölabi̧sobuma wanekwachobe Diosma Babilonia ju̧kwadönö iteda ujulunö i̧sebö lȩebi̧ma.
Ja̧danö, jöbanö jimibiya wȩyukwuju, ju'wedö wajwitji̧ jimima, baikwö: Bisuma inesö la'akasemi Babilonia iminö mikwuju, jö̧ba̧lö. Ja̧danö, Sulabedö, jelo̧ jelo̧nö ja̧dötjö ajayinö sulabuju, jö̧ba̧lö, mikwuju. Ja̧danö, Okobe jwiinö böjȩ sulabenö taba̧löji̧ jawanö wanekwachuju, jö̧ba̧lö, mikwuju. Jejenö jöbanö jimibiya wȩyukwuju.
Ja̧danö, jobadöma yebabinö, ödö tjö̧jakwedö, ¡Ayö! Ökwödönöbi inia tjödinö baledena, jö̧ba̧lö. Ja̧danö, yötja̧lakobe, Ayö, dösödemi Babilonia comunidad, ajayinöma yelösöda otiwinemi, inesö la'aka comunidad ji̧nemima, jö̧ba̧lö, yötja̧lakobe. Babema juluwanö, sulemi baibanö, lȩebinö jemima, jö̧ba̧lö, ödö ja̧nö yötja̧lakwedö, böjȩ la'aka luwedöma. jö̧ba̧lö, Dios iwene yöa̧lobe cha̧ja̧kwijatö. Ina yöa̧lobe:
Jamatajo̧ma labinö jwöeba̧lobe cha̧ja̧kwijatö, baikwö: Tjo̧wi̧ pjolachaiba Babilonia comunidad, inesö la'akasemi comunidadma. Babema Awetja ömöayedö tjuju̧kwemida baiba. Yelösöda, okobe deinö jwiinö sulabedö, öwawöködö tjuju̧kwemi baiba. Ja̧danö, okobe deinö sulabedö pji̧yu̧bi, matjoböbi weököwö̧ pji̧yu̧ tjuju̧kwemi baiba, Babiloniama.
Ikenama yöa̧lobe cha̧ja̧kwijatö: Babilonianö ju̧kwadöma sulabenö tjuju̧kwobetjö̧ Diosma jobadönö sö̧bebö lobö lȩebakwo̧. Jobadöma Dios yöawi̧ yöbawinadönö kwabö lobinadö, tjökwösobu ebawinö. Ja̧danö, Dios ömöledö babibinadönöbi, ju'wedö böjȩnö ju̧kwadönöbi kwabö lobinadö. Ba̧jekwadönö, tjökwösobu ebawinö kwabö lobinadö, Babilonianö ju̧kwadöma. Jo̧kwaobetjö̧ Diosma jobadönö söbebö lobö lȩebakwo̧, jö̧ba̧lö ángel yöa̧lobe cha̧ja̧wijatö.
Sanasan