Apocalipsis 1:2 - Dios Iwene

² Ja̧danö, ötjöma biya̧, Dios iwene, Jesucristo i̧sebi̧ jawa wenema wȩyudö wetaduwakwö okobe jwiinö i̧sebi̧ chedi̧ma.

Apocalipsis 1:2 Iomraidhean Croise

Juan 1:32

Ina yöawinobe Juanma: —Ajayinöma wajwitijatö, Jo̧bada Dios weinökwe, jö̧ba̧löma. Ikenama Diosma, jojodönö ojwenö chubu̧datobö weenama, baikwö yöawijatö ötjönöma: Cho̧'wo̧ Luwo̧ mölejȩbetjö mebibö chöjamatökwema, jo̧bada jojodönö Cho̧'wo̧ Luwo̧nöda iyakwo̧, jö̧ba̧lö, yöawijatö Diosma ötjönöma— yöawinobe Juanma. Ja̧danö tupakwö yöawinobe: —Ötjöma chedijatö Dios O̧'wo̧ Luwo̧nö, mö köba̧lo̧ yunukudanö mölejȩbetjö mebibö öjamatobe, yemidanö tjebachajökönö, ite baikwö icho̧nöma.

Juan 12:17

Ja̧danö, jobe ju̧kwadötjö ju'wedöma Lázaronö wobajaletjö 'yaibajinö otidi̧ edinadö. Jobadöma Jesús ujulu i̧sebi̧ tjedina jojodönö yötja̧lakwawinobe, Lázaronö 'yaibajinö otidinama.

Juan 19:35

Isabenö, ötjö, Juanma, ja̧ baledi̧ edinasa. Chedinobetjö̧ jweinö yötawaduwakwö, kwomukwataduwobö, Juanma jweinö yöbawö iwȩyudinobe, jö̧ba̧lö.

Juan 21:24

Chömöledö, ötjö, Juan, yötawaduwakwö: Ötjödasa Jesús öba̧ja̧di̧ waisacho̧ma, Jesús Pedronö jö̧a̧linökwe. Okobe jwiinö biya̧ yöbawö chiwȩyudi̧ma edöbi chedijatö. A̧ja̧kwöbi cha̧ja̧kwijatö. Ja̧danö, biya̧ chiwȩyudi̧ma jweinö yöbawö chiwȩyuda.

Juan 3:11

Isabenö yötawa ökwönö. Ökwödöma isabenö döwaisi̧da yöbawadösa. Yödawi̧ jawama isabenö dedijatö. Jo̧kwaijayonö ökwödöma kwöpöjödaduwobe yödawi̧ma.

Hechos 22:15

Ökwöma okobe deinö jojodönö yökawakobe ökwö kwedinabi, kwa̧ja̧kwinabi, jö̧ba̧lö, yöawijatö Ananíasma ötjönöma.

Hechos 26:16

Ja̧danö ötjönö weijatö, Tjo̧wi̧ a̧laibi. Ökwönö 'da̧batö chujunobö chöwawachajabe, ötjö weti̧ ja̧köbobö, jö̧ba̧lö. Ötjönö kwedi̧bi, ju'winö ökwönö chi̧sebakwa̧bi jojodönö yökawobö 'da̧batö chujuna ökwönöma, jö̧ba̧lö, iwene jwöi̧ma cha̧ja̧kwijatö— jö̧ba̧lijetö Pabloma.

Hechos 4:20

Ökwödöma döwaisa otiwanö ja̧dakwa̧ma. Jo̧kwaobetjö̧, ökwödö dedina, da̧ja̧kwina jojodönö yöbawökönö kadatiboböma jwidobe—jö̧ba̧lijadötö.

1 Corintios 2:1

Chömöledö, ötjöma Dios jawa ökwödönö damötjö yöbawö chichinenama, böjȩ jojodö waisadö yötjawi̧danöma yötawijökötö, ja̧danö nöinö chöwaisi̧ jawa chi̧sebotö jö̧ba̧löma yötawijökötö.

1 Juan 1:1

Chömöledö, Jesústjö chö̧ja̧wo̧dö dokwa. Ötjö Juan ökwödönö chiwȩyuda. Ja̧danö, ökwödönö yöbawö chiwȩyuda, Dios Iwene Jo̧, jö̧ba̧lö, ötjabökwenö, do̧'wo̧ luwo̧nö ba̧kwȩlö̧jatebö dö̧jobö pjabato̧nöma. Chö̧ja̧wo̧dö, jo̧ba Dios Iwene Jo̧, jö̧ba̧lö, ötjabökwema Jesucristoda. Ja̧danö, jo̧bama la'akatjöda ji̧na, böjȩ ina Dios otidapjii. Ja̧danö, Diosma jo̧banö böjȩkwö ichobö weinobe jojo babibö öbötjachobö. Ja̧danö, jojo babibö bötjachajo̧ma böjȩnö ju̧kwadökwö ö̧jinobe. Chö̧ja̧wo̧dö ökwödöma, ötjö, ju'wedö chömöledöbi jo̧bakwö kwebachiadijatö böjȩnö. Ja̧danö, jo̧ba yöawobe a̧ja̧kwiadijatö. Döbajalenöbi ediadijatö jo̧banöma. Chö̧ja̧wo̧dö, jo̧bakwö ja̧nö ö̧ji̧ma eda̧liadijatö. Dömamunöbi mabiadijatö jo̧banö, Dios weinökwenöma. Chö̧ja̧wo̧dö, jo̧bakwö dö̧jinobetjö̧ jweinö yöbawadösa jo̧banöma. Ja̧danö, ökwödönö kwöwaisaduwobö yödawobe, Jo̧ba dedinökwe Jesucristoma Dioskwö la'akatjöda ji̧nabi, bemi tupakwö ba̧kwȩlö̧jatebö ö̧jakwo̧bi, jö̧ba̧lö.

1 Juan 4:14

Ja̧danö chö̧ja̧wo̧dö ju'wi jawabi, Dioskwö dötewinö 'ya̧dösa, jö̧ba̧lö, döwaisoböma. Ökwödö Jesucristonö edinadöma dedina yöbawadösa, Dabe'do Diosma iteda Itji̧nö weinobe böjȩnö ju̧kwadönö tjö̧jibinö pjabatö, jö̧ba̧lö.

3 Juan 1:12

Ja̧danö, jelo̧ dömöledöso̧ Demetrionö yötawa. Jojodöma ba̧jekwadö jo̧banö otiwanö yötja̧lobe, Demetrioma otiwi̧ jawa ja̧bö jo̧, Dios isabenö ji̧ yöawi̧ a̧ja̧kwo̧, jö̧ba̧lö. Ötjöbi jejenö yöta̧la jo̧banöma, Otiwi̧ jawa ja̧bö jo̧ Demetrioma, jö̧ba̧lö. Ja̧danö, kwöwaisa ötjö yöta̧li̧ma jweinöda yöta̧lobe.

Apocalipsis 1:11

Ja̧ ökwöi̧ma jojo yöa̧li̧da cha̧ja̧kwijatö. Ja̧danö, baikwö jö̧a̧lijatö ötjönöma: —Juan, biya̧ kwedi̧ma wȩyudi weköbo jelemutjö dötölatajanö tjuju̧kwitenia ju̧kwadönö, ötjönö ösödö ko̧ko̧kwa̧ladönöma. Biya̧ comunidadesnö ju̧kwadönö, Éfesonö, Esmirnanö, Pérgamonö, Tiatiranö, Sardisnö, Filadelfianö, Laodiceanö ju̧kwadönö wȩyudi weköbo, ötjönö ösödö ko̧ko̧kwa̧ladönöma— jejenö weijatö ötjönöma, trompeta pjutji̧danö ökwöinö yöba̧lo̧ma.

Apocalipsis 1:19

Ina yöawijatö: —Juan, wetakwö, kwedi̧ma kwiwȩyudo, babe baledi̧ kwedi̧bi, ju'winö baledakwa̧ chi̧sebobe kwedi̧bi.

Apocalipsis 1:9

Chömöledö, ötjöma ökwödö kwömöledöduwiso̧sa. Ökwödöma bakweminö Jesúskwö dötewinö babibinadösa. Ja̧danö, Jesúsnö dösödobetjö̧ ökwödönöbi, ja̧danö, ötjönöbi inia tjödinö baledobe. Ja̧danö, ju'winö, bakweminö Jesúskwö dö̧jakwedösa, iteda La'aka Luwo̧ ö̧jakwa̧ möle baledena. Ja̧danö, ökwödöma ja̧ möle baledakwa̧ bakweminö te'ada̧ladösa, Jesús La'aka Luwo̧ ö̧jakwa̧ möle baledakwa̧ma. Ja̧danö, labi̧ jawa baledenabi, do̧'wo̧ 'dibachibö ja̧nö ju̧kwadösa, bakweminö. Ja̧danö, chömöledö, ökwödönö yötawobö jö̧ta̧la ötjönö baledina, kwöwaisaduwobö. Ötjöma, Dios iwenebi, Jesús ö̧jina wenebi yötawobetjö̧ ötjönö do̧batö, e'ewö lotjijatö bi'o o'wejesa'onö, Patmos mikwa'onö le'dedö. Jau, le'dedö lotjinökwesa ötjöma, bi'onöda chö̧jobö.

Apocalipsis 12:11

Dios ömöledö babibinadö wobinadöma Awetja weelö ji̧binadö, Obeja Itji̧danö Jo̧ ökwösobutjö tjidichawobetjö̧. Ja̧danö, Dios iwene yötjawinobetjö̧ Awetjanö juluwinadö. Jobadöma tjo̧'wo̧ 'dibachibö ja̧nö yöbawinadö, jobadönö kwabö lotjenabi.

Apocalipsis 12:17

Jejenö baledobetjö̧ toba'dadanöso̧ma isujunö jwiinö ölabobe chedijatö. Jo̧kwaobetjö̧ jobuju ji̧tji̧munö, ajayinö jeminawö̧nö inia tjötjinö ja̧otö jö̧ba̧lö i̧'yobe chedijatö. Jobadöma, ajayinö jeminawö̧ ji̧tji̧muma, Dios weina a̧ja̧kwadö, Jesús jawa yöbawadö. Ja̧danö, toba'dadanöso̧ma so̧bi̧ya̧pu̧nö jamatö jo̧nö chedijatö, ojwe ö'öbö.

Apocalipsis 20:4

Ja̧danö, chedijatö ba̧kwawa ökiya, nöinö, la'aka luwedö tjö̧baji̧ ökiya. Ja̧ ökiyanö ba̧jadöma Dios lȩebakwa̧ jawa yötjawobö ba̧jadö. Ju'wedönöbi chedijatö, öwawöködönö. Jobadöma tjuubiya bulabinö lotjinawö̧, Dios iwenebi Jesús yöawinabi yötjawobetjö̧. Jobadöma ojwe okwatjö labebinanö, jo̧ba o̧'wo̧ jawabi öpöjödadö. Ja̧danö, jo̧ba imi número doawa, tjömamunöbi tjöbanöbi öpöjödadö. Jejenö tjöpöjödobetjö̧, tjuu bulatö lotjinawö̧. Ja̧danö, jobadöma wotjinajayonö yemidanö 'yabibajinadö, Cristokwö jojodönö webö tjö̧jobö, ja̧ mil imiamebiya jenanö.

Apocalipsis 22:21

Ja̧danö, Duluwo̧ Jesúsma ökwödönö, iteda ömöledö babibinadönö lȩlö̧jino edobö chösöda. Ja̧danö, böja kwialusöja wȩyukwa baledakwa̧ wenema, Isabenö ji̧ wene, jö̧ba̧lö, yöta̧la. Tjo̧wi̧ta, biya̧da chiwȩyuda.

Apocalipsis 6:9

Ja̧danö, Obeja Itji̧danö Jo̧ma ösöja tö'awi̧ ö'be pöekwatjö bakwamusa'be baibanö kaebobe chedijatö. Ja̧'be kaebena juwö iyawemi chedijatö mölejȩbetjö. Jemi juwö iyawemi teebetjö chedijatö öwawöködönö, Jesúsnö ösödadönö kwabö lotjinawö̧ tjo̧'wo̧ luwo̧. Jobadöma, Dios iwene tjösödobetjö̧, ja̧danö, jo̧ba iwene yötjawobetjö̧ kwabö lotjinawö̧.