3 Juan 1:2 - Dios Iwene

² Ja̧danö Gayo, Diosnö atebobe ökwönö pjaatobö okobe jwiinö kwö̧ji̧ma. Ja̧danö, ö'wöchökönö kwö̧jobö atebobe Diosnö, kwiteba'obi juluwachibanö kwö̧jobö, kwo̧'wo̧ luwo̧ juluwinö kwö̧ji̧danö.

3 Juan 1:2 Iomraidhean Croise

Mateo 9:12

Jejenö atjebiökwe, Jesúsma wanedö atadinobe: —Kwöwaisaduwa, ö'wöchöködöma dötölö pjaatobö jwibadö. Sule ö'wöchadönöda pjabato̧, dötölöma— jö̧ba̧lö.

Filipenses 2:27

Isabenö kwa̧ja̧kwinaduwadanö ö'wöchinobe chömöledö, ja̧danö ö'wö baibo jö̧a̧linobe, nöinö ö'wöchobetjö̧. Jo̧kwaijayonö Diosma jo̧banö lȩlö̧jinö edö pjaatinobe chömöledö, ja̧danö ötjönöbi lȩlö̧jinö edö Epafroditonö pjaatinobe chömöledö, ö'wö baibitjö̧ ajayinö cho̧'wo̧ tjo̧achi̧tjö bajalekwönönö cho̧'wo̧ tjo̧achapji jö̧ba̧lö.

Filipenses 2:4

Ja̧danö, kwömöledöduwinö kwomukwataduwo, jobadönö pjakataduwobö. Jau chömöledö, sule ökwödöda jawama omukwatökönaduwi, ju'wedönöbi kwomukwataduwo, jobadönö pjakataduwobö.

2 Tesalonicenses 1:3

Chö̧ja̧wo̧dö, Diosma ökwödönö pjaatobetjö̧, jo̧banö dösödobö jo̧be, ja̧danö dösödo jö̧da̧li̧danö kabatökönö otiwanö Diosnö ösödö yöda̧lobe, otiwanö Tesalónicanö ju̧kwadönö pjabato̧ja jö̧ba̧lö. Jau chömöledö, ökwödönö pjaatobetjö̧, Jesúsnö kwösödaduwi̧ma nöachobedanö ichejekwa, ja̧danö kwömöledö Jesúsnö ösödadönö kwösödabikwawaduwi̧bi nöachobedanö ichejekwa. Ja̧danö jejenö pjaatinobetjö̧, otiwanö pjabato̧ja jö̧ba̧lö yöta̧lanö chömöledö.

2 Tesalonicenses 2:13

Chömöledö kabatökönö Diosnö ösödö adebobö jo̧be, ökwödönö pjaatinobetjö̧. Jau chömöledö, ökwödöma Duluwo̧ ile niebawö̧ja, ja̧danö Diosma la'akatjöda ökwödönö omudawö ujuninobe, kwö̧jibaduwobö. Ja̧danö, Dios O̧'wo̧ Luwo̧ ujulunö ökwödönö 'da̧batö ujuninobe, iteda ömöledö bakibaduwanö, isabenö wene kwösödaduwobetjö̧.

Santiago 5:12

Ja̧danö chö̧ja̧wo̧dö, a̧ja̧kwaduwitjö jwiinö mikwawi̧ yötawi̧ma, biya̧: Yöbawö kwujunaduwena, Jau jejenö ja̧tocha, jö̧ba̧lö, ju'wi wanedakwawö yökawaduwoko. Yökawaduwoko, Omönada yöta̧litjö̧ma, mölejȩbe jo̧ Dios ötjönö lȩebotjö, jö̧ba̧lö. Jejenö wanedakwawö yökawaduwoko chö̧ja̧wo̧dö. Ja̧danö, jelo̧nöbi böjȩnö kwuluwo̧duwinö wanedakwawö yökawaduwoko, Böjȩtjö chuluwo̧ma ötjönö lȩebo omönada yöta̧litjö̧ma, jö̧ba̧lö. Yelösöda jejenö yöka̧laduwoko. Chö̧ja̧wo̧dö jweinö yöka̧laduwo, Jejenö ja̧tocha, jö̧ba̧lö. Ja̧danö, ja̧köbaduwoböma jwiitjö̧ma jweinö yöka̧laduwo, Jejenö ja̧tökakobe, ja̧toböma jwia, jö̧ba̧lö.

1 Pedro 4:8

Ja̧danö inesö mikwawi̧ ja̧bö kwö̧jaduwobö yötawaduwakwö chömöledö, jwaikwöda kwömöledö Jesúsnö ösödadönö ösödabikwawö kwö̧jaduwo jö̧ba̧lö. Ja̧ma, ju'wi jayetjö bajalekwönönö inesö mikwawi̧ chömöledö, jejenö ösödabikwawö kwö̧jaduwitjö̧ma, kwömöledö sulabenö ja̧tjaja̧ omukwatökönö jobadönö ösödö kwö̧jaduwakobetjö̧.

2 Pedro 3:18

Jau chömöledö, jobadö sulabenö yötjawi̧ ösödökönö, ökwödö Jesúsnö ösödadöma jo̧ba mikwa jwiinö iyi̧tjö kwöda̧peachaduwobö jo̧be, ja̧danö tupakwönönö Duluwo̧ dö̧jibinö pjabato̧ Jesucristonö döwaisachibobö jo̧be. Jo̧banöda otiwo̧ja jö̧ba̧lö dösödobö jo̧be chömöledö, babebi, ja̧danö ba̧kwȩlö̧jateböbi dösödobö jo̧be, jejenö otiwa. Biya̧da ötjö Simón Pedroma ökwödönö pjabatö wȩyudö wetaduwakwö chömöledö. Biya̧data.

3 Juan 1:1

Gayo dokwa. Ötjöma Jesúsnö ösödadö tjuluwo̧sa. Ja̧danö, te'ada̧lakwawa jojosa. Ja̧danö, böja kwialusöjama ökwönö chiwȩyuda Gayo, Jesústjö chöjawo̧ chösödökwenöma. Gayo, ökwönö ile nibebo̧sa bakwainö Dios yöawi̧, isabenö ji̧ iwenema dösödobetjö̧.

Apocalipsis 2:9

Jo̧bama baikwö yöawobe ökwödö Esmirna jojodönö, jo̧banö ösödadönöma: Ökwödö, Esmirna jojodönö inia tjököbaduwinö baledi̧ma chöwaisa. Yelösöda, jwibadöja, usulasedö babibinadöja, chöwaisa. Jo̧kwaijayonö, ökwödöma kwo̧'wo̧ luwo̧duwinö okobe jwiinö juna̧ladödanö kwö̧jaduwobe, böjȩ jawa jwiköbaduwijayonö. Chöwaisa, judío jojodötjö ju'wedöma omöna yötja̧lobe ökwödönöma, Sulabenö ja̧badö, jö̧ba̧lö. Jobadöma, Ökwödödasa Dios ömöledö, jö̧ba̧lö, yötja̧lijayonö, tjo̧'wo̧ luwo̧nö Dios ömöledö babibinöködö. Jobadöma Awetjanöda ösödadö.