2 Samuel 9:7 - Dios Iwene

⁷ Atadökwe, Davidma Mefibosetnö yöa̧linobe, —Yebabökönui chömöledöso̧, kwabe'do Jonatanma yöne chömöledöso̧ chösödökwe ö̧jinobe, jo̧kwajabetjö̧ kwabe'dominenö omukwatö, ökwönö dösölö̧jinö pjatatobö chösöda. Jau Mefiboset, okobe jwiinö kwadömine Saul iteboinemi, ökwönö tjetatobö chösöda ökwö kwitebo baibanö. Ja̧danö ju'wibi, yö̧ne chömöledö tjukwi̧danö, ba̧kwelöjatebö ötjökwö mesasötetjö kwukwobö chösöda, isabenö chömöledöso̧köbobetjö̧, —jö̧ba̧lö.

2 Samuel 9:7 Iomraidhean Croise

Génesis 43:18

Ja̧danö, José ömöledöma jejube öbibö i̧'yiawö̧ yebabijadötö. Idödada yöba̧lakwawijadötö: —¡Ayö! Ajayinö dȩwa̧jinanö balada du̧da'wo okwa a̧jinobetjö̧ la'aka luwo̧ma ökwödönö ejube öbibö i̧'yobö weena. Ökwödönö do̧batö, iteda ömöayedö baibanö dö̧jobö omukwatena. Da̧jwi̧mu bu̧lu̧dönöbi 'döebena ökwödönöma— yöba̧lakwawijadötö, yebabinö.

Génesis 43:23

Jejenö jö̧tja̧lökwe: —Jau otiwa. Yebabiduwökönuwi. Ökwödö Kwuluwo̧duwi Diosma, kwabe'doduwi Uluwo̧ Diosma aninobe kwutu̧da'wijuduwinö baladama. Ötjöma chemijatö ökwödö belö kwimidinaduwa baladama. Otiwa— jö̧ba̧lijetö José ömöayo̧ma. Ikenama Simeónnö ka̧lela ba̧kwawejutjö labebö ichejebijetö ömöledö tjuju̧kwobekwö.

2 Samuel 12:8

Ja̧danö, kwuluwo̧bina Saul ejubi, ilekwamunöbi ökwönö chiyijatö, ja̧danö okobe deinö israel jojodönöbi, juda jojodönöbi chiyijatö, kwömöayedö batjibanö. Jejenö nöinö chiyijatö, ja̧danö ja̧tjö bajalekwönönö chiyobö akebinatjö̧ma, jemi tupakwöbi ina nöinö chiyo jö̧ta̧lijatö David.

2 Samuel 19:28

Jau chuluwo̧, cha'dö ökwönö sulabenö ja̧inobetjö̧, okobe deinö ötjönöbi, chömöledönöbi kwabö loköbo jö̧ka̧linobe. Jo̧kwaijayonö kwabö lobökönö, ötjö kwömöayo̧nö kwujunijatö, ökwö inesö la'aka chuluwo̧kwö chukwobö. La'akatjöda jejenö dösölö̧jinö kwedoböma chimikwawijökötö chuluwo̧, ja̧danö tupakwö ötjönö pjakato jö̧ba̧lö ateboböma jwiobe, —jö̧ba̧lö atadinobe Mefibosetma.

2 Samuel 19:29

Yöa̧lökwe, Davidma yöa̧linobe, —Tjowita, tupakwö yöka̧la ja̧ jawama. Omukwatö chujunajabe, kwujuna̧lina niji̧ma, Sibakwö 'da̧batö kwujunaduwo, ökwö ja'ö, jo̧ba ja'ö kwujuna̧laduwobö, —jö̧ba̧lö.

2 Samuel 19:33

Jo̧banö David yöa̧linobe, —Babe ötjökwö kwicho chitebo comunidad Jerusalenbe, ja̧danö ötjönö pjakatinadanö, babe balekwa mikwa ötjöma ökwönö otiwanö iyö chiteada̧locha, —jö̧ba̧lö.

2 Samuel 21:7

Jo̧kwajabetjö̧ Davidma Saul i̧tji̧mu tupadanö jojodötjö ju'wedönö omudawö eminobe, gabaonitas jojodönö iyobö. Jo̧kwaijayonö, Saul itji̧ Jonatannö yöbawö ujunina omukwatö, —Ba̧kwelöjatebö kwi̧tji̧mu tupadanö jojodönö dösölö̧jinö chö̧jakwo̧sa, —jö̧ba̧lö yöbawö ujunina omukwatö, Jonatan itji̧ Mefibosetnö lȩlöinö edinobe, jo̧kwajabetjö̧ ju'wedö Saul itji̧mu tupadanö jojodönöda, Jonatan itji̧muböködönöda omudawö iyinobe.

2 Samuel 9:1

Ja̧danö ju'wi möle Davidma abebö a̧ja̧kwinobe, —Ina Saul i̧tji̧mutjö jelo̧ öjobeji̧? Jo̧ba itji̧ Jonatanma yöne chömöledöso̧ öjinobetjö̧, jo̧ba ömöledönö dösölö̧jinö pjatatobö chösöda, —jö̧ba̧lö.

2 Samuel 9:10

Ja̧danö, baikwö wetakwö Siba, ökwöbi, kwi̧tji̧mubi, kwömöayedöbi, Mefiboset ömöayedö kwö̧jaduwakwedöja, ja̧danö itebo niji kwotidaduwakwedöja, kwuluwo̧mine Saul ö'dö̧ma otiwanö batjo waji̧ kwakwawa ujuna̧lakobetjö̧. Jo̧kwaijayonö, a'dö itea jejenö ujuna̧lijayonö, Mefibosetma yö̧ne chömöledöso̧ ja̧nö, chitea mesasötetjö ukwakwo̧, —jö̧ba̧lö yöawinobe Davidma Sibanö. Jo̧ba Sibama, i̧tji̧mu quincebedönö ujunalinobe, ja̧danö ju'wibi ömöayedö veintebedönö ujuna̧linobe.

2 Samuel 9:11

Ja̧danö Mefiboset ömöayedö kwö̧jaduwakwedöja jö̧ba̧lö yöawökwe, —Jau chuluwo̧ la'aka luwo̧, otiwa. Kwömöayo̧sa chuluwo̧, ja̧danö okobe jwiinö weköbaja̧danö ja̧dakwedösa, —jö̧ba̧lö atadinobe Sibama. Jemi ikenama, David i̧tji̧mu tjukwi̧danö, Mefibosetma David iteasöte mesasötetjö ba̧nö kwiainobe.

2 Samuel 9:3

Atadökwe la'aka luwo̧ Davidma abebö a̧ja̧kwinobe, —Dios öba a'otjö Jonatannö yöbawö chujunijatö, ömöledönö dösölö̧jinö pjatatakwa̧ wenema, jo̧kwajabetjö̧ abebö cha̧ja̧kwakwö, Saul ömöledötjö ina jelo̧ ö̧jobeji̧, jo̧banö dösölö̧jinö pjatatoböma? —jö̧ba̧lö. Abebö a̧ja̧kwökwe Sibama atadinobe, —Jonatan i̧tji̧mutjö bakwo̧ ina ya̧a̧lobe, ömasapiya suli̧ waekwinama, —jö̧ba̧lö.

1 Reyes 2:7

—Jo̧kwaijayonö, Galaad jojo Barzilayma isabenö otiwanö ötjönö pjabatina chitji̧, jo̧kwajabetjö̧ ba̧kwelöjatebö dösö̧lö̧jinö kwö̧jo jo̧ba itji̧munö. Jau chitji̧, kwöpöemine Absolon öba a'otjö döbibajö di̧'yinenama, jobadö Barzilay itji̧muma otiwanö pjatjatinobe ötjönö, jo̧kwajabetjö̧ balekwa mikwa Barzilay itji̧munö otiwanö pjakato, ja̧danö ba̧kwelöjatebö ökwökwö tjukwobö weköbo.

2 Reyes 25:29

Jo̧kwajabetjö̧, ka̧lena ba̧jadö 'dubawajitjado̧ 'yobekwö lobö, luwedö 'dubawajitjado̧ 'duawinobe Joaquinma. Ja̧danö, jemi tupakwö, ö'wö baibenanö baibanö, ba̧kwelöjatebö Babilonia la'aka luwo̧ itea mesasötetjö, la'aka luwedökwö ukwinobe Joaquinma.

Mateo 6:11

Ja̧danö, ju'wibi, mölekwena du̧kwa kwakwawa kwiyobö adeba Dabe'do.

Lucas 22:30

Jau chömöledö, inesö la'aka luwo̧ ja̧nö, yöbawö wetocha, ja̧danö ökwödö chöba̧ja̧di̧ waisachadönö chiyobe, ötjökwö yöbawö weköbaduwobö. Jo̧kwajabetjö̧ ötjökwö luwedö kwö̧jaduwobetjö̧, ötjö ba̧nö chukwöte mesasötetjö ökwödöbi kwanöbi kwukwaduwakwedöja, ja̧danö owöbi kwowaduwakwedöja. Ja̧danö, ju'wibi Israel jojodö a̧li̧nösamutjö dösolataja saso jojodötjö tjuluwedö ja̧nö, luwedö tjiteaka wa̧kwawaökiya wamatö jobadönö yöbawö weköbaduwakobe— jö̧ba̧lö yöawinobe Jesúsma, iteda öba̧ja̧di̧ waisachadönöma.

Apocalipsis 3:20

A̧ja̧kwaduwitjö chömöledö. Wanedö yötawa: Ötjöma apjude a'o ja̧nö, apjudenö 'do'doba̧lö te'ada̧lo̧sa, ötjönö ösödö tekataduwobö. Ja̧danö, bakwo̧ ötjö chiwene a̧ja̧kwö ösödo̧ma, apjude po̧bebö teatena tetachakwo̧sa, jo̧bakwö chukwobö.

1 Samuel 12:24

Isabenö jwaikwöda Isabenö Jo̧nö yebabinö ösödö, wei̧danö ja̧bö kwö̧jaduwobö jo̧be chömöledö, isabenö ökwödönö inesö otiwanö pjaatina wene omukwatö, jo̧banöda kwösödaduwobö jo̧be.

1 Samuel 20:15

Ja̧danö debö chi̧'yaja̧ okobe luwo̧ bakibitjö̧ma, ba̧kwelöjatebö chitji̧munöbi, chi̧tji̧mu tupadanö jojodönöbi ötjönö kwösödo jö̧ka̧li̧danö jobadönö dösölö̧jinö ösödö kwö̧jobö. Jau David, chöwaisa, Isabenö Jo̧ma okobe deinö kwöpöjojodönö jwiinö söbebö loakobe, ja̧danö la'akatjöda chi̧tji̧munö, –Chöpöjojodö, –jö̧ba̧lö omukwatökönö, ba̧kwelöjatebö jobadönö dösölö̧jinö ösödö kwö̧jo, —jö̧ba̧lö aebinobe Jonatanma, Davidnö.

1 Samuel 22:23

Ja̧danö, babema ötjökwö yebabökönö ja̧wi̧, ötjökwö kwö̧jonö otiwanö kwö̧jakobe. Jau, ökwönö kwabö loobö isakwo̧ma, ötjönöbi kwabö loobö isakwobe. Jo̧kwaijayonö ötjökwö kwö̧jitjö̧ma, otiwanö chiteada̧locha, ökwönö kwabö lotjapji jö̧ba̧lö, —yöa̧linobe Davidma Abiatarnö.