2 Samuel 8:6 - Dios Iwene

⁶ Ikenama, juluwajo̧, Damasco comunidadtjö iteda ömöayedö ölakwabikwawa jojodö tju̧ju̧kwemi ujuninobe, siria jojodönö wetjobö. Jo̧kwajabetjö̧ jobadö siria jojodöbi David ömöayedö batjibinobe, o̧bakwena tjiteatjö Davidnö midadö batjibanö. Okobe jwiinö David ölakwabikwawö ö̧ji̧ma, Isabenö Jo̧ma Davidnö pjaatinobe, ja̧danö okobe deinö öpöjojodönö ujuluwobö weinobe.

2 Samuel 8:6 Iomraidhean Croise

2 Samuel 10:19

Jejenö balediawö̧, siria niji la'aka luwedö, ajayinö Hadad Ezer mikwo̧ ömöayedöbinadöma tjedinobe, israel jojodöma ökwödönö tjujuluwajabe jö̧ba̧lö. Jo̧kwajabetjö̧ tjo̧wita jö̧ba̧lö, israelkwö ölakwabikwawa katjatakwawakwa̧ wene yöbawö tjujuninobe Davidnö, kwömöayedö badibakwedösa jö̧ba̧lö. Ja̧danö, jemi tupakwö amonita jojodönö pjatjatinokobe siria jojodöma, israel jojodönö yetjabobetjö̧.

2 Samuel 23:14

ja̧danö juwibi ja̧ möle filisteo jojodöma Belen comunidadtjö ölakwabikwawadö tju̧ju̧kwemi tjujuna̧linobe. Ja̧danö, Davidma ötölanö ja̧nö,

2 Samuel 3:18

Babema jejenö kwomukwataduwi̧ badekwachinö ja̧köbaduwobö jo̧be, baikwö yötawa. Isabenö Jo̧ Diosma damötjö yöbawö ujuninobe Davidnö: –Ökwö Davidma chömöayo̧ja, ja̧danö ökwönötjö̧ chömöledö israel jojodönö pjatatakwo̧sa, filisteo jojodötjöbi, ju'wedö tjöpöjojodötjöbi tjö̧jibinö –jö̧ba̧lö yöbawö ujuninobe Davidnö. Jo̧kwajabetjö babema inesö la'aka duluwo̧ baibanö dujunonö, —jö̧ba̧lö yöa̧linobe Abnerma, israel jojodötjö luwedönö.

2 Samuel 5:10

Ja̧danö ajayitjö bajalekwönönö nöinö ujuluwachibinobe Davidma, Okobe Jwiinö Juluwo̧ Isabenö Jo̧ Dios jo̧banö otiwanö pjaatobetjö̧.

2 Samuel 7:9

Ja̧danö okobe jwiinö kwekachi̧teniama, ökwökwö ja̧nö pjatatijatö, ja̧danö okobe deinö kwöpöjojodönö kwöba a'otjö söbebö lotijatö. Ja̧danö jemi tupakwö isabenö pjatatocha ökwönö, okobe deinö kwimi a̧ja̧kwö tjöwaisobö. Jau David, bö̧jȩtjö inesö juluwadö tji̧mibiya tja̧ja̧kwi̧danö, okobe deinö ökwönöbi tja̧ja̧kwobö ja̧takwo̧sa, Davidma isabenö juluwo̧ jö̧ba̧lö.

2 Samuel 8:14

Ja̧danö, Edom niji̧ ju̧kwadönö juluwajo̧, Edom niji ba̧kwemeachibanö Davidma iteda ömöayedö ölakwabikwawa jojodö tju̧ju̧kwemi ujuninobe, edomitas jojodönö wetjobö, ja̧danö edomitas jojodöma David ömöayedö batjibinobe. Jejenö okobe jwiinö David ölakwabikwawö i̧'yiteniama, Isabenö Jo̧ma Davidnö pjaatinobe, öpöjojodönö ujuluwobö.

2 Samuel 8:2

Ja̧danö, Moab niji jojodönöbi ujuluwinobe Davidma. Jobadönö juluwajo̧, ölakwabikwawa jojodönö weinobe nijinö isa'ba wapö'bakwa baibanö tjö̧bamatobö. Ikenama dö'balataja ba̧jadönö kwabö loinobe, ja̧danö jele'banö ba̧jadö tjö̧jibobö weinobe. Jemi ikenama ji̧bajadöbi, ju'wedö Moab niji jojodöbi David ömöayedö batjibinobe, o̧ba bakwabakwena tjiteatjö Davidnö midadö batjibanö.

2 Samuel 8:7

Ajayinö Hadad Ezer mikwo̧ ölakwabikwawa jojodötjö luwedöma, tjöekwapi orotjö otikwapi kwetjatjinobe, ja̧danö juluwajo̧ ja̧ kwetjatajapima, David 'döebinobe, ja̧danö Jerusalenbe e'ewinobe.

1 Reyes 4:21

Ja̧danö, jwiinö jalobe webö ö̧jinobe Salomonma. Okobe jwiinö Eufrates ojwe ö'öbö tjitebotenia nijitjö, filisteo jojodö tjitebo baibanö nijibi, Egipto bakwachobe ichibanö nijibi, okobe deinö tjitebokwena jojodöma, Salomon ömöayedö tjö̧jinobe. Salomon ina 'yaba̧lo̧ ö̧jayi, okobe deinö ja̧ niji tjitebokwena luwedöma, Salomon ömöayedö ja̧nö, tjiteatjö Salomonnö midö tjö̧jinobe.

2 Reyes 1:1

Israel jojodötjö inesö la'aka luwo̧ Acab mikwo̧ ö̧jayima, Moab jojodöma israel jojodö tjö̧möayedö tjö̧jinobe. Jo̧kwaijayonö Acab ö'wö baibaja̧ ikenama, Israel tjö̧möayedö tjö̧ji̧tjö latjebotö jö̧ba̧lö, wetji̧ a̧ja̧kwökönö katjatibinobe.

2 Reyes 14:28

Jobekwö ja'yubenö laebobe Jeroboan webö ö̧jina jawama. Ja̧danö ju'wibi nöinö ja̧bö ö̧jinobe Jeroboanma, ja̧danö ja̧ ja̧bö ö̧jina jawabi, ujulu i̧sȩbina jawabi, ajayinö Juda jojodö tjujuluwinemi Damasco comunidadbi, Hamat comunidadbi yemidanö israel niji baibanö ujuluwina jawabi, Israel la'aka luwedö tjö̧jina'ye mikwa'yenö laebobe.

2 Reyes 18:7

Ja̧danö, jobekwö ösödö ö̧jiökwe, Ezequiaskwö ja̧nö pjaatinobe Isabenö Jo̧ma. Jo̧kwajabetjö̧ okobe jwiinö Ezequias otidi̧teniama otiwanö laebinobe. Ajayinö Asiria la'aka luwo̧ ömöayo̧ ö̧jinajayonö, wei̧ a̧ja̧kwobö öpöjödinobe Ezequiasma, ja̧danö ömöayo̧ ö̧jitjö laebinobe.

2 Reyes 3:4

Moab niji la'aka luwo̧ Mesa mikwo̧ma, obejadönö ajwikwö ö̧jinobe, ja̧danö Israel niji la'aka luwo̧ ömöayo̧ ö̧jobetjö̧, o̧bakwena obejadö tji̧tji̧munö cien milbedönö iyobö ji̧nobe, ja̧danö obejadö ömadö cien milbedö tjöwö'yebi iyobö ji̧nobe.

1 Crónicas 18:13

Ja̧danö, Edom niji̧ ju̧kwadönö juluwajo̧, Davidma iteda ömöayedö ölakwabikwawa jojodö tju̧ju̧kwemi ujuninobe Edom nijinö, edomitas jojodönö wetjobö, ja̧danö edomitas jojodöma David ömöayedö batjibinobe. Jejenö okobe jwiinö David ölakwabikwawö i̧'yiteniama, Isabenö Jo̧ma Davidnö pjaatinobe, öpöjojodönö ujuluwobö.

Proverbios 21:31

Ja̧danö, ju'wibi yötawa: Isabenö Jo̧da ökwödönö pjabato̧ma, döpöjojodönö dujuluwobö. Isabenö ¿dakwö dujuluwobö Isabenö Jo̧ma ökwödökwö pjabatö ö̧jökötjö̧ma? Juluwöködösa. Wanedö yötawa: Guardia jojodöma tja̧jwi̧mu̧ ka̧ba̧yu̧dönö otidadö, tjöpöjojodö tjö̧jobekwö ölakwabikwawö tji̧'yakwa̧ abönö. Isabenö yötawa: Jobekwö ka̧ba̧yu̧dönö otidö, juluwadönö wa̧matö tji̧'yijayonö Isabenö Jo̧da tjujuluwobö pjabato̧ma.

1 Samuel 13:3

Jobe Guibeatjö, filisteo jojodö ölakabikwawa jojodö tjö̧jemi ji̧nobe, ja̧danö Jonatanma ömöayedö ölakwabikwawa jojodökwö jobadö filisteo jojodönö ölakwabikwawö ujuluwinobe, ja̧danö filisteo jojodöma ja̧ baledaja̧ wene tja̧ja̧kwinobe. Jejenö balediökwe, Saulma weinobe, israel niji ba̧kwemeachibanö yöbawadönö asabikwawi̧ jawa trompeta asabikwawö, jojodönö yötjawobö, —Ökwödö Hebreo jojodöma, filisteo jojodönö ölakwabikwawö kwichaduwo, —jö̧ba̧lö.

1 Samuel 14:1

Ja̧danö, ju'wi möle Jonatanma iteda ömöayo̧, Jonatan itea ölakwabikwawa jawa kwebato̧nö yöa̧linobe, —Ötjökwö ichi, yai badeibö filisteo jojodö tjabakwemibe di̧'yaduwo, —jö̧ba̧lö. Jo̧kwajabetjö̧ Jonatanbi, ömöayo̧bi filisteo ölakwabikwawa jojodö tjö̧jobekwö tji̧'yinobe, jo̧kwaijayonö Jonatanma abe'do Saulnö yöawinokobe i̧'yakwa̧ma.

1 Samuel 14:15

Ja̧danö kwabawö lotjiawö̧, jemi filisteo tjabemi ju̧kwadöma tjö̧bawö yetjaibinobe, ja̧danö mejenö ju̧kwadöbi tjö̧tja̧winobe, ja̧danö okobe deinö filisteo jojodö yebaibö, tjö̧tja̧winobe. Filisteo tjabemi ju̧kwadöbi, tjabelö labebö Israel jojodönö tjujuluwobö 'ya̧jadöbi tjö̧bawö yetjaibinobe. Ja̧danö Diosma niji̧bi tjö̧awobö weinobe, okobe deinö filisteo jojodö jwiinö yetjaibanö, —Dakwö ja̧dakwajö, —jö̧ba̧lö.

1 Samuel 14:6

Ja̧danö, Jonatanma iteda ömöayo̧ ölakwabikwawa jawa kwebato̧nö yöa̧linobe, —Yai tupakwö idö Diosnö ösödöködö tjötade bajalesado̧ 'wibekwöködö tjöjobe di̧'yaduwo. Jobe di̧'yitjöma, Isabenö Jo̧ma ökwödönö pjaatena, isabenö juluwo̧obetjö̧. Du̧ju̧tajada tjö̧jitjö̧böbi, ba̧jekwadö tjö̧jitjö̧böbi bakwaiobe Diosnöma, jo̧bama isabenö juluwo̧, dö̧jibanö pjaatobö, —jö̧ba̧lö yöa̧linobe Jonatanma.