2 Samuel 8:12 - Dios Iwene

¹² Edom nijitjö do̧ataja̧bi, Moab nijitjö do̧ataja̧bi, amonitas jojodötjö do̧ataja̧bi, filisteo jojodötjö do̧ataja̧bi, amalecita jojodötjö do̧ataja̧bi, Rejob itji̧, Soba niji la'aka luwo̧ Hadad Ezertjö do̧ataja̧bi.

2 Samuel 8:12 Iomraidhean Croise

2 Samuel 10:11

Ja̧danö, jejenö 'da̧batö junajo̧, Abisainö yöa̧linobe, —Dölakwabikwawonö, siria jojodö tjujuluwitjö̧ma, ökwödönö pjabatö kwichaduwo dujuluwobö, ja̧danö amonitas jojodökwö kwölakwabikwawonö tjujuluwitjö̧ma, ökwödöma pjabatö dichakobe.

2 Samuel 10:14

Ja̧danö, dötjibajobe edö, amonitas jojodöbi Abisai öba a'otjö dötjibajinobe, ja̧danö döbibajö, comunidad okwa tetjachinobe. Jemi ikenama Joabma amonitas jojodönö ölakwabikwawö kabatibö, Jerusalenbe ȩwa̧jinobe.

2 Samuel 8:2

Ja̧danö, Moab niji jojodönöbi ujuluwinobe Davidma. Jobadönö juluwajo̧, ölakwabikwawa jojodönö weinobe nijinö isa'ba wapö'bakwa baibanö tjö̧bamatobö. Ikenama dö'balataja ba̧jadönö kwabö loinobe, ja̧danö jele'banö ba̧jadö tjö̧jibobö weinobe. Jemi ikenama ji̧bajadöbi, ju'wedö Moab niji jojodöbi David ömöayedö batjibinobe, o̧ba bakwabakwena tjiteatjö Davidnö midadö batjibanö.

1 Crónicas 18:11

Jejenö tjiyiökwe, La'aka luwo̧ Davidma ja̧ tjiyaja̧ 'da̧batö ujuninobe, Isabenö Jo̧nö iyawa jawa jö̧ba̧lö, ju'wi 'da̧batö ujunina jawakwö. Ba̧kwelöjatebö ju'wedö tjitebo jojodönö ujuluwenama, Davidma tjitea platatjöbi, orotjöbi 'da̧batö ujuninobe, Isabenö Jo̧nö iyawa baibanö, Edom nijitjö do̧ataja̧bi, Moab nijitjö do̧ataja̧bi, amonitas jojodötjö do̧ataja̧bi, filisteo jojodötjö do̧ataja̧bi, amalecita jojodötjö do̧ataja̧bi.

1 Samuel 15:8

Ja̧danö, okobe deinö amalecita jojodönö kwabawö lotjinobe, amalecita jojodötjö sule la'aka tjuluwo̧ Agag mikwo̧nö kwabö lobökönö, ina 'yaba̧lo̧nö do̧atinobe.

1 Samuel 27:8

Baikwö laebobe David jobe filisteo jojodö tjitebonö ö̧jina wene. Jobe tjö̧jonö, Davidma ömöayedönö öbibö, ju'wedö israel jojodö tjöpöjojodönö ölakwabikwawö, tjitea emö 'yi̧a̧inobe, gesurita jojodönöbi, gezritas jojodönöbi, amalecitas jojodönöbi, israel jojodö tjichibakwa̧ abönö ja̧ nijinö jinadönöma. Jobe David ölakwabikwawö yi̧nemima, Telam comunidadtjö a̧likwö Shur niji baibanö, ja̧danö egipto niji badeibö baibanö.

1 Samuel 30:17

Jemi ikenama, yȩayi̧ i̧yanö dewachenama, Davidbi ömöayedöbi amalecita jojodönö kwabawö metji̧binobe, ja̧danö möle baledibanö jobadönö ölakwabikwawö tjujuluwinobe, yi̧ibena baibanö. Jwiinö jobadönö juluwö kwabawö lotjinobe, okobe deinö jobadö amalecita jojodötjö sule cuatrocientos ömadöda Davidtjö tjö̧jibinobe. Jobadöma tjajwimu kameyu̧dönö wanö 'dötjibajinobe.

1 Samuel 30:20

Ja̧danö, ju'wibi Davidma ujuluwajawö̧ amalecita tjajwimunö eminobe, obejadönöbi, pa̧ka̧yadönöbi, ja̧danö, emajo̧, tjȩwa̧jinobe. Ja̧danö tjȩwa̧jonö, tjabönö amalecita jojodö tjajwimunö ko̧ko̧dalö öbibö tjȩwa̧jinobe. Jejenö öbibö, jojodöma tjajwimunö yötja̧linobe, —Bidöma David juluwajo̧ emaja̧wö̧, —jö̧ba̧lö.