2 Samuel 7:9 - Dios Iwene

⁹ Ja̧danö okobe jwiinö kwekachi̧teniama, ökwökwö ja̧nö pjatatijatö, ja̧danö okobe deinö kwöpöjojodönö kwöba a'otjö söbebö lotijatö. Ja̧danö jemi tupakwö isabenö pjatatocha ökwönö, okobe deinö kwimi a̧ja̧kwö tjöwaisobö. Jau David, bö̧jȩtjö inesö juluwadö tji̧mibiya tja̧ja̧kwi̧danö, okobe deinö ökwönöbi tja̧ja̧kwobö ja̧takwo̧sa, Davidma isabenö juluwo̧ jö̧ba̧lö.

2 Samuel 7:9 Iomraidhean Croise

Génesis 12:2

Ina jö̧ba̧lijetö Isabenö Jo̧ Diosma Abramnöma: —Abram, ökwötjö tupadanö jojodönöma, tjitebonö ba̧jekwachö juluwadö batjibobö dösölö̧jinö edö pjatatakwo̧sa. Ja̧danö Abram, ökwönö otiwanö kwö̧jobö dösölö̧jinö edö pjatatakwo̧sa. Jejenö pjatatobetjö̧ okobe deinö bö̧jenö ju̧kwadöma jojodö yötjawi̧ a̧ja̧kwö tjöwaisachibakwedö, Abramma Dios dösölö̧jinö edö pjaatökwe, jö̧ba̧lö. Ja̧danö Abram, ökwönö dösölö̧jinö edö pjatatobetjö̧, ökwönödamaö̧kö̧, okobe deinö böjȩnö ju̧kwadönö dösölö̧jinö edö pjatatocha— yöba̧lijetö Isabenö Jo̧ Diosma Abramnöma.

2 Samuel 22:1

Isabenö Jo̧ma Davidnö ö̧jibinö pjaatinobe, Saultjöbi, okobe deinö ju'wedö David öpöjojodötjöbi. Ja̧danö, jejenö ö̧jibinö pjaatiökwe, Davidma Isabenö Jo̧nö ösödö lo̧inobe.

2 Samuel 22:30

Isabenö pjabato̧ja, ökwö kwujulunö ba̧jȩkwadö ölakwabikwawa jojodönö chujuluwobe, ja̧danö pjakatonö, tjöekwemi wamenö dötobö jo̧be.

2 Samuel 22:43

Jo̧kwajabetjö̧ nijiso̧pja batjibi̧danö jwiinö jobadönö söbebö lotijatö, mananö 'ya̧nö lete'o tjö̧jati̧danö, jobadönö söbebö lotijatö.

2 Samuel 23:1

Davidma Isai itji̧, ja̧danö Dios ujuninökwe, inesö la'aka luwo̧ ö̧jobö. Jacobo ösödinökwe Dios omudawö ujuninökwe Davidma, israel jojodö la'aka tjuluwo̧ baibanö. Ja̧danö ju'wibi, Israel jojodötjö inesö otiwa jawa lo̧awa wȩyudo̧, jö̧ba̧lö ötjabinobe Davidnö. Baikwö laebobe David bajaleapo waisanö i̧wȩyudinama:

2 Samuel 5:10

Ja̧danö ajayitjö bajalekwönönö nöinö ujuluwachibinobe Davidma, Okobe Jwiinö Juluwo̧ Isabenö Jo̧ Dios jo̧banö otiwanö pjaatobetjö̧.

2 Samuel 8:13

Ja̧danö, Sayu wabeko mikwobe, Davidma edomitas ölakwabikwawa jojodökwö ölakwabikwawenama, jobadötjö dieciocho milbedönö kwabawö loinobe. Ja̧danö, jobadönö ölakwabikwawö ȩwa̧jenama, ajayitjö bajalekwönönö okobe deinö tjöwaisachibinobe Davidnö, Isabenö juluwo̧ Davidma jö̧ba̧lö.

2 Samuel 8:14

Ja̧danö, Edom niji̧ ju̧kwadönö juluwajo̧, Edom niji ba̧kwemeachibanö Davidma iteda ömöayedö ölakwabikwawa jojodö tju̧ju̧kwemi ujuninobe, edomitas jojodönö wetjobö, ja̧danö edomitas jojodöma David ömöayedö batjibinobe. Jejenö okobe jwiinö David ölakwabikwawö i̧'yiteniama, Isabenö Jo̧ma Davidnö pjaatinobe, öpöjojodönö ujuluwobö.

2 Samuel 8:6

Ikenama, juluwajo̧, Damasco comunidadtjö iteda ömöayedö ölakwabikwawa jojodö tju̧ju̧kwemi ujuninobe, siria jojodönö wetjobö. Jo̧kwajabetjö̧ jobadö siria jojodöbi David ömöayedö batjibinobe, o̧bakwena tjiteatjö Davidnö midadö batjibanö. Okobe jwiinö David ölakwabikwawö ö̧ji̧ma, Isabenö Jo̧ma Davidnö pjaatinobe, ja̧danö okobe deinö öpöjojodönö ujuluwobö weinobe.

1 Crónicas 17:8

Ja̧danö okobe jwiinö kwekachi̧teniama, ökwökwö ja̧nö pjatatijatö, ja̧danö okobe deinö kwöpöjojodönö kwöba a'otjö söbebö lotijatö. Ja̧danö jemi tupakwö isabenö pjatatocha ökwönö, okobe deinö kwimi a̧ja̧kwö tjöwaisobö. Jau David, bö̧jȩtjö inesö juluwadö tji̧mibiya tja̧ja̧kwi̧danö, okobe deinö ökwönöbi tja̧ja̧kwobö ja̧takwo̧sa, -Davidma isabenö juluwo̧tö, -jö̧ba̧lö.

Lucas 1:52

ja̧danö la'aka luwedönö luwedö ba̧kwawakatjö meatö loajabe, jo̧kwaijayonö, Mikwawöködösa jö̧ba̧lö omukwatadönö kabebö ujunajabe Diosma, Bidöma otiwadö, jö̧ba̧lö.

Josué 6:27

Ja̧danö, ja̧ möle baledi̧natjö̧, öwaetjöda öwawinobe, Isabenö Jo̧ma Josuekwö jo̧ jö̧ba̧lö. Ja̧danö niji ba̧kwemeachibanö jojodöma Josuenö tja̧ja̧kwinobe, Isabenö Josuema juluwo̧, jö̧ba̧lö.

1 Samuel 18:14

Isabenö Jo̧ otiwanö Davidkwö ja̧nö pjaatobetjö̧, okobe jwiinö ölakwabikwawö ö̧ji̧ma, waekwökönö otiwanö ujuluwinö ölakwabikwawinobe.

1 Samuel 18:30

Ja̧danö, filisteo jojodöma kabatökönö israel jojodönö tjujuluwotö jö̧ba̧lö ölakwabikwawö tjö̧jinobe, ja̧danö ba̧kwelöjatebö jobadökwö ölakwabikwawö ö̧jenama, Davidma ju'wedö israel jojodö ölakwabikwawa luwedötjö bajalekwönönö waisanö ölakwabikwawö jobadönö juluwiainobe. Jo̧kwajabetjö̧, jejenö waisanö ujuluwiaiawö̧, okobe deinö jojodöma Davidnö otiwanö tjomukwatinobe, —Isabenö Davidma juluwo̧, ölakwabikwawa waiso̧, —jö̧ba̧lö.

1 Samuel 2:8

Isabenö otiwanö pjabato̧ Isabenö Jo̧ma, usula jojodö niji̧so̧pjanö ba̧jadönö, niji̧sopja tjö̧bemitjö kabebo̧, ja̧danö jwibadönö ökwölasopja̧nö tjö̧bemitjö otiwanö kabebo̧, la'aka luwedö tjö'da̧de tjö̧bamatobö, ja̧danö otiwanö tjomukwatawö̧ tjiteaka ba̧jadö batjibobö. Jobekwö webo̧ Isabenö Jo̧ma, Jo̧bada bö̧jȩ la'aka wa̧pedö ujuninobetjö̧, ja̧danö la'aka wa̧pedajo̧, jo̧ba̧da bö̧jebi wa̧pedö ujuninobetjö̧.

1 Samuel 31:6

Jejenö bakwöta möle, Saulbi, i̧tji̧mu wamedukwabi, ömöayo̧ itea ölakwabikwawa jawa kwebato̧bi, ju'wedö jo̧bakwö ölakwabikwawadöbi okobe deinö i̧yada möle debö tji̧'yinobe.

1 Samuel 5:10

Jejenö balediawö̧, Dios iteapjo wetjinobe Ecrón comunidadbe. Jo̧kwaijayonö, Dios iteapjo Ecrónbe ichibenama, Ecrón jojodöma juluwanö yebabinö jwötjeba̧linobe, —Ayö, Israel jojodö tjösödökwe Dios iteapjo tjichejebajabe, Diosma ökwödönöbi, dömöledönöbi kwabö loakobe jö̧ba̧lö, —yebabinö jwötjeba̧linobe Ecrón comunidad jojodöma.