2 Samuel 7:27 - Dios Iwene

²⁷ Jau chuluwo̧, jejenö pjakatoböma ateboko jö̧ta̧lajabe, jo̧kwaijayonö ökwö Isabenö Jo̧ Okobe Jwiinö Juluwo̧ Israel tjuluwo̧ Diosma, ida̧ökö pjakatakwa̧ wene yökawajabe. Jo̧kwajabetjö̧, yökawaja̧ a̧ja̧kwö, ötjö kwömöayo̧ma chujuluwachibajabe chuluwo̧, ja̧danö kwöba a'otjö yöka̧laja̧danö, dösölö̧jinö edö pjakato jö̧ba̧lö atebakwö.

2 Samuel 7:27 Iomraidhean Croise

2 Samuel 7:13

Jo̧bada cheju otidakwo̧ma, ötjö Isabenö Jo̧ cheju baibanöma. Ja̧danö jo̧ba itji̧mu tupadanö jojodötjö chujunocha, ba̧kwelöjatebö israel jojodö la'aka tjuluwedö tjö̧jobö.

1 Reyes 11:38

Jejenö 'da̧batö chujunenama, baikwö wetakwö Jeroboan: Isabenö okobe jwiinö ökwönö weti̧ kwa̧ja̧kwobö ja̧kobe, -Baikwö ja̧bö kwö̧jo, -jö̧ba̧lö ökwönö weti̧ a̧ja̧kwö, chösödi̧danö ja̧bö kwö̧jo. Jau, chömöayo̧ David a̧ja̧kwö ö̧jinadanö, ökwöbi jwaikwöda ja̧bö kwö̧jobö weti̧bi, ju'wi weti̧bi kwa̧ja̧kwobö ja̧kobe, ja̧danö otiwanö a̧ja̧kwö kwö̧jitjö̧ma, isabenö ökwökwö ja̧nö otiwanö pjatatakwo̧sa. Jau Jeroboan, chömöayo̧ David otiwanö a̧ja̧kwö ö̧jitjö̧, itji̧mu tupadanö jojodöbi otiwanö luwedö 'diinö tjö̧jobö 'da̧batö chujunajabe, ja̧danö jo̧ba a̧ja̧kwinadanö ökwöbi a̧ja̧kwö kwö̧jitjö̧ma, bakwainö ökwönöbi pjatatakwo̧sa, kwitji̧mu ba̧kwelöjatebö israel luwedö 'diinö tjö̧jakobetjö̧.

1 Samuel 2:35

Ja̧danö, ökwönöbi, kwitji̧mu tupadanö jojodönöbi kabatibö, ökwö kwö̧jinemi, balekwo̧nöda kabebö chujunakwo̧sa, isabenö otido jö̧a̧li̧danö otidakwo̧nöma. Jo̧bama isabenö okobe jwiinö chösödi̧danö, ja̧danö chomukwati̧danö otidö ö̧jakwo̧, ja̧danö jo̧banö iteda i̧tji̧mu tupadanö jojodönö chiyocha, jo̧badanö otiwanö tjotidakwedönöma. Jau Eli, jobadöma ba̧kwelöjatebö omudawö chujunajökwe la'aka luwo̧ öba a'otjö otidö tjö̧jakwedö.

1 Samuel 9:15

Jemi abönö möle, Isabenö Jo̧ma Samuelnö yöawinobe,