2 Samuel 7:25 - Dios Iwene

²⁵ Ja̧danö, babe atebakwö Chuluwo̧ Isabenö Jo̧ Dios. Isabenö otiwanö ökwödö israel jojodönö pjakatajabe, ja̧danö otiwanö ötjönöbi chi̧tji̧mu tupadanö jojodönöbi pjakatakwa̧ wene yökawajabe. Jejenö yöbawö kwujunaja̧danö ba̧kwelöjatebö ja̧köbobö atebakwö chuluwo̧, chi̧tji̧mu tupadanö jojodönö yöka̧laja̧danö pjakatobö atebakwö,

2 Samuel 7:25 Iomraidhean Croise

Génesis 32:12

Dios, ötjönö jö̧ka̧lina omukwati̧, Kwi̧'yobema pjatatakwo̧sa, jö̧ba̧lö, jö̧ka̧linama. Ja̧danö, jö̧ka̧linama omukwati, ökwötjö tupadanö jojodöma so̧bi̧ya̧pu̧ i̧so̧pja̧danö tjöba̧jekwachinö pjatatakwo̧sa, jö̧ba̧lö. Jejenö ötjönö kwiwene yöbawö junö jö̧ka̧linobetjö̧ atebakwö: ¡Pjabatitjö!— abebijetö Jacobma Diosnöma.

2 Samuel 7:24

Ja̧danö ökwödö israel jojodönö 'da̧batö kwujunijatö, ba̧kwelöjatebö 'dö̧bibajökönö kwömöledö dö̧jobö. Ja̧danö ökwö Isabenö Jo̧da, ökwödö israel jojodö dösödökwe Dios bakibijatö chuluwo̧.

2 Samuel 7:26

Inesö otiwo̧ kwö̧ji̧ wene öwawakobetjö̧. Jau chuluwo̧, jejenö ja̧köbiawö̧, bö̧jȩ jojodöma ba̧kwelöjatebö ösödö yötja̧lakwedö, Isabenö Jo̧ Okobe Jwiinö Juluwo̧ Diosma, israel jojodö tjuluwo̧ Dios jö̧ba̧lö. Ja̧danö pjakatawö̧, chi̧tji̧mu tupadanö jojodöma ba̧kwelöjatebö israel jojodö tjuluwedö ja̧nö kwöba a'o tjö̧jakwedö.

1 Reyes 2:4

Ja̧danö ju'wibi chitji̧, jejenö Dios wei̧ a̧ja̧kwö kwö̧jitjö̧ma, Isabenö Jo̧ ötjönö yöbawö ujunina jawa badekwachinö ja̧köbakwo̧ja. Jau chitji̧, Isabenö Jo̧ma ötjönö yöbawö ujuninobe, –Kwitji̧muma otiwanö tjö̧jakwa̧ omukwatö, chöba a'otjö okobe jwiinö tjomajadenö, okobe jwiinö tjujulunu ötjö weti̧ a̧ja̧kwö tjö̧jitjö̧ma, isabenö ba̧kwelöjatebö israel jojodötjö la'aka luwedö tjö̧jakwedö. Jau, David, otiwanö a̧ja̧kwö tjö̧jitjö̧ma, ba̧kwelöjatebö 'dö̧jibajökönö kwitji̧mu tupadanö jojodöda israel jojodö la'aka tjuluwo̧ iteakanö tjö̧bakwedö, —jö̧ba̧lö yöbawö ujuninobe, jadanö wei̧ a̧jakwö kwö̧jitjö̧ma, ja yöbawö ujunina badekwachinö ja̧köbakwo̧ja, —jö̧ba̧lö weinobe Salomonnö.

1 Reyes 8:26

Ja̧danö chuluwo̧ ökwödö israel jojodö dösödökwe Dios, weköbi̧ da̧ja̧kwiökwe, ja̧ yöbawö kwujuninabi badekwachinö pjakatobö atebakwö.

1 Samuel 1:23

Yöja̧lökwe, jilekwe Elcanama atadinobe, —Jao, Otiwa, kwomukwati̧danö ja̧bi. Ja'yuwo̧kwö ji̧bi, o̧do̧'bi̧ 'dökebenanö kabatö, inesö chösödi̧ma bi̧ya, Isabenö Jo̧nö yöbawö kwujuninadanö badekwachinö ja̧köbobö Dios pjaatobö, —jö̧ba̧lö. Ja̧danö, Anama okobe jitji̧nö o̧do̧'mi ojwö jö̧jibinobe, 'döjebenanö kabatö.