2 Samuel 7:18 - Dios Iwene

¹⁸ Jejenö yöawiökwe, la'aka luwo̧ Davidma Dios eju okwa tebachö, Isabenö Jo̧ öba a'o öbamatinobe. Ja̧danö, bamatajo̧, yöa̧linobe, —Chuluwo̧ Isabenö Jo̧ Dios, ötjöma mikwawö̧kö̧sa, ja̧danö chömöledöma mikwawöködö, ida̧ökö pjakataja̧danö pjakatoböma. Isabenö pjakato jö̧ka̧li̧tjö jwiinö bajalekwönönö pjakatajabe ida̧ökö chuluwo̧.

2 Samuel 7:18 Iomraidhean Croise

Génesis 32:10

Ötjönöma ba̧kwȩlöjatebö pjabato̧ja. Ötjöma mikwawökösa̧ ötjönö otiwanö pjakato jö̧ba̧lö. Mikwawö̧kö̧chijayonö ba̧kwȩlöjatebö dösölö̧jinö edö pjakatobe ötjönö, kwömöayo̧nöma. Okobe jwiinö yöbawö kwujuninama badekwachobö ja̧bo̧ja. Ajayinöma chitea jwiinö chi̧'yijatö Harán niji jobekwö. Ja̧danö, Jordan ojwe pebibö, tokwawö kweachakwawötekwöda petibijatö. Babema chȩwa̧jabe nöinö chiteakwö, cha̧jwi̧mukwö, chömöayedökwö, bidö dötölataja jenanö.

Génesis 32:11

Atebakwö: Chöpöe Esaútjö chö̧jibanö isabenö ¡pjabatitjö! Yetabi jo̧banöma, ichö ötjönöbi, ja̧danö, ya̧dönöbi, tjemunöbi kwabö loapji jö̧ba̧lö.

2 Samuel 23:5

Jobekwö yöawajabe Diosma, la'aka luwo̧ otiwo̧nö, ja̧danö, jejenö jo̧be, Dios öba a'otjö israel jojodönö yöbawö chö̧ji̧ma. Jo̧kwajabetjö̧, otiwanö israel jojodönö yöbawö chö̧jiökwe, Diosma isabenö ja̧akwa̧ wene yöbawö ujunajabe ötjönö, ba̧kwelöjatebö ja̧kwa̧ yöbawö junawama. Yöbawö ujuni̧ma, okobe jwiinö otiwanö labebö lobö yöawajabe, la'akatjöda balewö loawa jwii̧ wenema. Isabenö ötjönöbi chi̧tji̧mu tupadanö jojodönöbi pjaatakwa̧ wene yöbawö ujunajabe, ja̧danö ja̧ badekwachobö inesö chösödi̧ badekwachinö isabenö ja̧akwo̧ Diosma, la'akatjöda ökwödönö pjabatöma kaatakwawökakobe.

2 Samuel 7:17

Ja̧danö, jejenö i̧'wididanö yöawajökwe, Natanma okobe jwiinö yöawaja̧danö yöawinobe Davidnö.

1 Crónicas 17:16

Jejenö yöawiökwe, la'aka luwo̧ Davidma Dios iteapjo eju okwa tebachö, Isabenö Jo̧ öba a'o öbamatinobe. Ja̧danö, bamatajo̧, yöa̧linobe, —Chuluwo̧ Isabenö Jo̧ Dios, ötjöma mikwawö̧kö̧sa, ja̧danö chömöledöma mikwawöködö, ida̧ökö pjakataja̧danö pjakatoböma. Isabenö pjakato jö̧ka̧li̧tjö jwiinö bajalekwönönö pjakatajabe ida̧ökö chuluwo̧.

1 Crónicas 29:14

Jo̧kwaijayonö, jobekwö ökwönö ösödö yöda̧lijayonö, ökwönö diyobö jö̧da̧lidanö diyoböma jwibadösa chuluwo̧. Jau chuluwo̧, okobe jwiinö dujuna̧li̧ma, ökwö kwiyina jawada juna̧ladösa chuluwo̧, jo̧kwajabetjö̧ ökwönö diyi̧ma, ökwödöda jawamaökö chuluwo̧, ökwö kwiyina jawada tjebatö diyobö jo̧be.

Éxodo 3:11

Jejenö yöa̧liökwe atadijetö Diosnö: —Ötjöma webö̧kö̧sa. ¿Dakwö abebö chi̧'yobö jo̧banöma, webitjö Israel jojodönö belö labeibö chi̧'yo, jö̧ba̧löma? Abebö chi̧'yökena— atadijetö Moisésma.

Isaías 37:14

Asiria luwo̧ i̧wȩyudinöja e'ewö tjiyinobe Ezequiasnö, ja̧danö tjiyökwe, emö yöa̧linobe Ezequiasma. Ikenama yöba̧lajo̧, kwiyalusöja e'ewö i̧'yinobe Isabenö Jo̧ ejube, ja̧danö ichibajo̧, Isabenö Jo̧ öba a'otjö kwiyalusöja sedatö i̧sȩbinobe.

Efesios 3:8

Chömöledö, ötjöma ju'wedö Dios ömöledö babibinadötjö baikwönönöda jo̧sa. Jejenöijayonö Diosma ötjönö lȩlö̧jino edö 'da̧batö ujuninobe, judío jojodöböködönö yötawobö, Cristoma jwiinö pjabato̧, jwiinö otiwo̧, jwiinö juluwo̧, jö̧ba̧lö. Ja̧ jawa, Cristo pjaati̧, otiwi̧, ujuluwi̧ jawa kaatiboböma jwibo̧, jö̧ba̧lö, yötawobö 'da̧batö ujuninökwesa.

Jueces 6:15

Weökwe, Gedeonma atadinobe, —Ötjöma luwo̧bö̧kö̧sa, israel jojodö tjö̧jibanö pjatatobö. Okobe deinö Manasesessaso jojodötjö, baikwönönösasobedösa, ökwödö chabe'dö ömöledöma, ja̧danö okobe deinö chömöledötjö baikwönönöbo̧sa ötjöma, luwo̧bö̧kö̧sa, —jö̧ba̧lö.

1 Samuel 15:17

Ikenama Samuelma Saulnö yöawinobe Isabenö Jo̧ Saulnö yöa̧li̧ma: —Ajayinö kwomukwatinobe, ökwödada, ju'wedö israel jojodötjö baikwönönöbo̧sa jö̧ba̧lö. Jo̧kwaijayonö israel jojodö bakwasokwena jojodö la'aka tjuluwo̧ babibinaja, ¿jö̧tö? Jau, Isabenö Jo̧ma ökwönö omudawö ujuninobe, Israel jojodötjö inesö la'aka luwo̧ bakibanö.

1 Samuel 18:18

Jejenö chitjijunö wetocha jö̧a̧liökwe, Davidma atadinobe, —Isabenö mikwawö̧kö̧sa, inesö la'aka luwo̧ o̧joli chö̧joböma. Ötjöma mikwawö̧kö̧sa, ja̧danö chömöledö chabe'dö a'dödöma, mikwawöködö israel nijitjöma, —jö̧ba̧lö atadinobe Davidma.

1 Samuel 9:21

Jejenö, —Ökwöda kwujuna̧lakwo̧ja, —jö̧ba̧lö yöawiökwe, —Ötjöma Benjaminsaso jojosa, ja̧danö Benjaminsasoma, okobe deinö israel jojodötjö baikwönönösasobedösa. Ja̧danö Benjamin jojodötjö, Chabe'do ömöledödöma ju'wedötjö baikwönönöbedösa. Jo̧kwajabetjö̧ tajawedö jejenö yöka̧laja̧da ökwödönö? —jö̧ba̧lö abebö a̧ja̧kwinobe Saulma.