2 Samuel 7:13 - Dios Iwene

¹³ Jo̧bada cheju otidakwo̧ma, ötjö Isabenö Jo̧ cheju baibanöma. Ja̧danö jo̧ba itji̧mu tupadanö jojodötjö chujunocha, ba̧kwelöjatebö israel jojodö la'aka tjuluwedö tjö̧jobö.

2 Samuel 7:13 Iomraidhean Croise

Génesis 49:10

Ina yöbawijetö: —Isabenö yötawa, Judá: Ökwötjö tupadanö jojodöma ba̧kwȩlöjatebö la'aka luwedö webö tjuju̧kwakwedö. Jejenö webö tjö̧bakobe bakwo̧, inesö la'aka luwo̧ ichenanö kabatö. Jo̧ba inesö la'aka luwo̧ma okobe deinö jojodö tjuluwo̧ ö̧jakwo̧— yöbawijetö Jacobma itji̧ Judánöma.

2 Samuel 22:51

Jau, isabenö iteda omudawö ujuninökwe la'aka luwo̧, ötjö Davidnö otiwanö chö̧jibinö pjabato̧ Isabenö Jo̧ma, kabatökönö dösölö̧jinö edö pjabato̧, ötjö Davidnöbi, chitji̧mu tupadanö jojodönöbi, isabenö otiwo̧ Isabenö Jo̧ma, —jö̧ba̧lö lo̧inobe Davidma, Isabenö Jo̧nö ösödö.

2 Samuel 7:16

Jau David, ökwönöbi, kwitji̧mu tupadanö jojodönöbi chujunocha, ba̧kwelöjatebö chöba a'o janö, bakwo̧nökwena israel jojodö la'aka tjuluwo̧ tjö̧jobö, ja̧danö kwitji̧mu tupadanö jojodötjö ba̧kwelöjatebö 'dö̧bibajökönö israel la'aka luwo̧ tjö̧jakwedö, —jö̧ba̧lö yöawinobe Isabenö Jo̧ma Natannö, Davidnö yöawobö.

2 Samuel 7:27

Jau chuluwo̧, jejenö pjakatoböma ateboko jö̧ta̧lajabe, jo̧kwaijayonö ökwö Isabenö Jo̧ Okobe Jwiinö Juluwo̧ Israel tjuluwo̧ Diosma, ida̧ökö pjakatakwa̧ wene yökawajabe. Jo̧kwajabetjö̧, yökawaja̧ a̧ja̧kwö, ötjö kwömöayo̧ma chujuluwachibajabe chuluwo̧, ja̧danö kwöba a'otjö yöka̧laja̧danö, dösölö̧jinö edö pjakato jö̧ba̧lö atebakwö.

1 Reyes 2:24

Jau, Isabenö Jo̧da ötjönö kabebö juninama, chabe'do Davidmine ö̧binaka la'aka luwo ö̧bakanö chö̧bobö, ja̧danö jobada 'diinö chö̧jobö iyajabe, ja̧danö jo̧bada, iteda yöbawö ujuninadanö ötjöbi, chitji̧mu tupadanö jojodöbi la'aka luwedö dö̧jobö pjaatajabe. Jo̧ba ötjönö pjabato̧ Isabenö Jo̧ öba a'otjö baikwö isabenö yöta̧la, babe möleda isabenö kwabö lotjakwo̧ Adoniasnö, —jö̧ba̧lö yöbawö ujuninobe.

1 Reyes 2:4

Ja̧danö ju'wibi chitji̧, jejenö Dios wei̧ a̧ja̧kwö kwö̧jitjö̧ma, Isabenö Jo̧ ötjönö yöbawö ujunina jawa badekwachinö ja̧köbakwo̧ja. Jau chitji̧, Isabenö Jo̧ma ötjönö yöbawö ujuninobe, –Kwitji̧muma otiwanö tjö̧jakwa̧ omukwatö, chöba a'otjö okobe jwiinö tjomajadenö, okobe jwiinö tjujulunu ötjö weti̧ a̧ja̧kwö tjö̧jitjö̧ma, isabenö ba̧kwelöjatebö israel jojodötjö la'aka luwedö tjö̧jakwedö. Jau, David, otiwanö a̧ja̧kwö tjö̧jitjö̧ma, ba̧kwelöjatebö 'dö̧jibajökönö kwitji̧mu tupadanö jojodöda israel jojodö la'aka tjuluwo̧ iteakanö tjö̧bakwedö, —jö̧ba̧lö yöbawö ujuninobe, jadanö wei̧ a̧jakwö kwö̧jitjö̧ma, ja yöbawö ujunina badekwachinö ja̧köbakwo̧ja, —jö̧ba̧lö weinobe Salomonnö.

1 Reyes 2:45

Jo̧kwaijayonö, ökwönö lȩebonö, ötjö la'aka luwo̧ Salomonnö chujuluwachibanö pjaatakwo̧, ja̧danö chabe'do David itji̧mu tupadanö jojodö israel jojodö la'aka luwedö dö̧ji̧ma, ba̧kwelöjatebö Isabenö Jo̧ öba a'otjö israel jojodö tjuluwedö dö̧jakwedösa, —jö̧ba̧lö yöa̧linobe Salomonma, Siminö.

1 Reyes 5:5

Ja̧danö, wene jwiinö chö̧jobetjö̧, babeda Dios eju chotidobö chomukwata, chuluwo̧ Isabenö Jo̧ Diosnö otiwanö omukwatö, jobetjö jo̧banö dösödakobetjö̧. Jau chömöledöso̧, damötjö Isabenö Jo̧ma chabe'donö yöawinobe, –Ökwö la'aka luwo̧ kwö̧bemi kwiteakanö, ökwöda kwitji̧nö kabebö chujunocha, ökwö kwö̧binemi jobada israel jojodö la'aka tjuluwo̧ ö̧bakobetjö̧. Ja̧danö, jo̧ba kwitji̧da cheju otidakwo̧ma, ötjönö otiwanö omukwatö, jobetjö ötjönö tjösödakobetjö̧, –jö̧ba̧lö yöawinobe. Ja̧danö, ja̧ yöawina badekwachinö, babe chitebo comunidad Jerusalentjö chotidobö chomukwata.

1 Reyes 6:12

—Beju cheju baibanö kwotidejuma, baikwö yöta̧la: Ötjö ja̧bö kwö̧jaduwobö weti̧bi, ju'wi weti̧bi a̧ja̧kwö kwö̧jitjö̧ma, isabenö ökwönötjö kwabe'do Davidnö yöbawö chujunina jawa badekwachinö ja̧takwo̧sa.

1 Reyes 8:13

Ja̧danö chuluwo̧ Isabenö Jo̧, ökwöda kweju baibanö, jwiinö otiweju chotidajabe, jobe ba̧kwelöjatebö kwö̧jobö chuluwo̧, —jö̧ba̧lö aebinobe Salomonma.

1 Reyes 8:15

Baikwö yöa̧linobe Salomonma: —Isabenö mikwawo̧ Isabenö Jo̧ israel jojodö dösödökwe Diosma, jo̧banö ösödö, –Otiwo̧ja, –jö̧ba̧lö dösödobö, isabenö chabe'do Davidminenö yöbawö ujuninadanö badekwachinö ja̧inobetjö̧.

1 Reyes 8:19

Jo̧kwaijayonö, jejenö kwotidobö kwomukwati̧ otiwijayonö, cheju kwotidökakwo̧ja ökwöma, ökwö kwitji̧da otidakwo̧ma. Jau David, ökwö a̧dekwanö kwi̧tji̧da cheju baibanö o̧do otidakwo̧ma, jojodö ötjö Isabenö Jo̧nö otiwanö omukwatö tjösödakobetjö̧, –jö̧ba̧lö yöawinobe chabe'donö.

2 Reyes 21:4

Ju'wibi, a̧dekwanö Isabenö Jo̧ ejutjöbi, ju'wedö tjösödawö̧nö iyawemi otidö ujuninobe. Jau, Jeruselennö jȩju, Isabenö Jo̧ ejuma, Isabenö Jo̧ Dios yöa̧lineju, —Beju Jerusalennö jȩjuma, ötjöda cheju baibanö 'da̧batö chujunajabe, —jö̧ba̧lö, jo̧kwaijayonö ju'wedö tjösödawö̧nö iyawemi jobe otidö ujuninobe Manasesma.

2 Reyes 21:7

Isabenö jwiinö sulabenö ja̧bö ö̧jinobe Manasesma. Asera ötjaboko jo̧'wo jawa otidajo̧, a̧dekwanö Isabenö Jo̧ eju okwa ujuninobe. Ja̧ ejuma, Isabenö Jo̧ma ajayinö Davidnöbi, itji̧ Salomonnöbi yöawinobe, —Okobe jwiinö israel nijitjö, bejuda, ja̧danö bemi comunidad Jerusalenda 'da̧batö chujunajabe, ba̧kwelöjatebö ötjöda cheju baibanö, ja̧danö ba̧kwelöjatebö chitebo comunidad baibanö.

2 Reyes 8:19

Jo̧kwaijayonö, sulabenö ja̧bö ö̧jijayonö, yayonö itebosaso Judasaso söbebö looböma öpöjödinobe Isabenö Jo̧ma. Ömöayo̧mine Davidnö otiwanö omukwatobetjö̧, ja̧danö Davidnö, —Kwitji̧mu tupadanö jojodö ba̧kwelöjatebö webö tjö̧jobö wetocha, —jö̧ba̧lö yöbawö ujuninobetjö̧, Yoram sulabenö ja̧bö ö̧jijayonö, Juda jojodönö söbebö loinokobe.

1 Crónicas 28:10

Jo̧kwajabetjö̧ obökönö, otiwanö bi̧ya jawa omukwatö kwö̧jo chitji̧. Jau chitji̧, Isabenö Jo̧ma ökwönöda omudawö ujunajabe, iteda ö̧jakweju baibanö o̧do kwotidakobetjö̧. Jo̧kwajabetjö̧, kwujuluwachibanö ja̧nö, o̧do kwotido chitji̧, —jö̧ba̧lö weinobe Davidma.

Diosnö ösödo̧ Job mikwo̧ usula emawina jawa 36:7

Ja̧danö, Dios wei̧ a̧ja̧kwö ju̧kwadönö, otiwanö edö teada̧lo̧ Diosma, jobadönö kabebö wano̧, inesö la'aka luwedökwö bamatö webö tjö̧jobö, jadanö ba̧kwelöjatebö jobadönö otiwanö tjomukwatobö pjabato̧.

Isaías 49:8

Baikwö yöa̧lobe Isabenö Jo̧ma, iteda ömöayo̧nö: Lȩlöjinö edö pjatatakwa̧ möle badekwachenama, akebi̧ a̧jakwö pjatatajabe, tjö̧jibinö pjatatakwa̧ möle badekwachenama, ökwönö pjatatajabe. Ja̧danö, ökwönö tjöbeba̧lö pjatatakwo̧sa, ja̧danö ökwönö chujunocha, tjitebokwena jojodötjö, ötjötjö ö'weje pjabato̧ bakibanö. Ja̧danö ju'wibi ökwönö chujunocha, israel niji yemidanö otiwachibanö kwotidakobetjö̧, ja̧danö tjitebo niji, jojodö deinelö nijima, 'da̧batö junö, ja̧ niji tjö̧jakwedönö kwiyabobö chujunajabe.

Isaías 9:6

Jau chuluwo̧, isabenö tjo'wo ösöwachibanö ju̧kwadö kwömöledöma, bakwuju jitji̧nö jemajobetjö̧, duluwo̧ baibakwo̧ jitji̧nö jemajobetjö̧. Ja̧danö jo̧ba jemajökwema, isabenö duluwo̧ baibanö webö ö̧jakwo̧, ja̧danö jo̧ba imi baikwö ötjabikwo̧: —Inesö waisanö tjomukwatobö pjabato̧, —jö̧ba̧lö ötjabikwo̧. Ja̧danö ju'wibi, —Juluwo̧ Dios, —jö̧ba̧lö ötjabikwo̧. Ja̧danö ju'wibi, —Dabe'do Ba̧kwelöjatebö Jo̧, —jö̧balö ötjabikwo̧. Ja̧danö ju'wibi, —Wene Jwiinö Dö̧jobö Webö Jo̧, —jö̧ba̧lö ötjabikwo̧, duluwo̧ baibanö jemajökwema.

Isaías 9:7

Isabenö inesö la'aka duluwo̧ ö̧jakwo̧ jo̧ba jitji̧ma, ajayitjö bajalekwönönö, ujulu nöamachibanö ba̧kwelöjatebö 'dö̧bibajökönö webö ö̧jakwo̧. Ja̧danö webö ö̧jobetjö̧ 'dö̧bibajökönö ba̧kwelöjatebö wene jwiinö dö̧jakwedösa. Jo̧bama Davidmine iteaka inesö la'aka luwo̧ ö̧binakanö öbamatakwo̧, jadanö David webö ö̧jinemi webö ö̧jakwo̧. Jau, David webö ö̧jinemima yemidanö ditebo baibanö 'diinö 'dö̧bibajökönö ujunakobe, la'akatjöda 'dö̧ibajökö ditebo baibanö, ja̧danö babe jamatö, ba̧kwelöjatebö 'dö̧ibajökönö baibanö, jweinö jwebebö, Dios wei̧danö webö ö̧jakwo̧. Jau, ökwö Okobe Jwiinö Juluwo̧ Isabenö Jo̧ Diosma jobekwö ö̧jobö kwösödobetjö̧, jobekwö baledakobe, jo̧kwajabetjö̧ kwömöledö israel jojodöma kwöba a'otjö tjo̧'wo ösöwachibanö tju̧ju̧kwobe, jö̧balö yöta̧la, tupakwö otiwanö tjö̧jakwa̧ jawama.

Daniel 2:44

Ja̧danö, jobadö tjö̧jakwa̧ möle, mölejȩbe jo̧ Diosma bakwo̧nö ujunakobe, inesö la'aka luwo̧ baibanö, ja̧danö jo̧ba yöbawö ö̧jakwa̧ma la'akatjöda 'dö̧ibökakobe. Bakwo̧bi jo̧banö ujuluwökakobe, ja̧danö jo̧ba ömöledöböködöma la'akatjöda jo̧ba yöbawö ö̧jemi balewö lotjökakwedö, öpöjojodöda webö tjö̧jobö. Jo̧bama okobe deinö jo̧batjö ajayinö ji̧nadö la'aka luwedöbinadö yöbawö tjö̧jinama söbebö loakobe, ja̧danö jo̧ba yöbawö ö̧jakwa̧ma ba̧kwȩlö̧jatebö ja̧kobe.

Mateo 16:18

Ja̧danö baikwö yötawakwö: Ökwöma inawa jö̧ba̧lö Pedro mikwo̧ja, ja̧danö wanedö yötawa, ötjöma biwa inawa wame chejudanöbedö chömöledönö chujunocha. Ja̧danö, isabenö yötawakwö, chejudanöbedöma isabenö 'diinö tjö̧jakwedö, ja̧danö woawama jobadönö juluwökakobe.

Hebreos 3:3

Jo̧kwaijayonö chömöledö, Jesúsnö domukwatena, Moisésnötjö o̧penönö jo̧, jö̧ba̧lö, domukwatobö jo̧be. Wanedö yötawaduwakwö chömöledö, o̧donö wanedö: Böjȩtjö otiweju edinö jeju otidinanöma domukwatobe, Otiwanö otidinobe, jö̧ba̧lö. O̧doda domukwatokobe, o̧doma jo̧kwadama baibokobetjö̧. O̧do otidinanöda, Jo̧bada, jö̧ba̧lö domukwatobö jo̧be. Isabenö, o̧dotjö o̧penönö otidinanöda dösödobö jo̧be. Ja̧danö, jejenö domukwatobö jo̧be Moisésnö, Jesúsnö. Moisésma o̧do la'aka luwo̧ ömöayo̧danö wanekwachökwe, o̧do okwa otido̧danö. Jo̧kwaijayonö Jesús o̧do otidinadanö jo̧ wanekwachökwe, inesö jojodanö. Jo̧kwaobetjö̧ Jesúsnöda domukwatobö jo̧be, Jesúsma Moisésnötjö o̧penönö jo̧, jö̧ba̧lö. Ja̧danö chömöledö, o̧doma jo̧kwadama baibökeju ¿jö̧tö? Bakwo̧ otidenada o̧do baibeju. Jejenö jo̧be böjȩnö ju̧kwi̧bi, mölejȩnö ju̧kwi̧bi. Böjȩnö, mölejȩnö ju̧kwi̧ okobe jwiinö otidinama Diosda.