2 Samuel 6:5 - Dios Iwene

⁵ Ja̧danö, kwetjachonö, Davidbi, okobe deinö ju'wedö israel jojodöbi tjo̧'wo ösöwachibanö Isabenö Jo̧ öba a'otjö kwetjachinobe, lo̧böbi, lo̧awa jawa arpabi, lirabi, panderetasbi, sistrosbi, cimbalosbi ökwöinö.

2 Samuel 6:5 Iomraidhean Croise

2 Reyes 3:15

Jo̧kwajabetjö̧ baikwö wetakwö, lo̧awa jawa waiso̧nö ichejebaduwi, lo̧awa jawa pjeonö, Isabenö Jo̧ yöawi̧ cha̧ja̧kwakobetjö̧, —jö̧ba̧lö. Jemi ikenama, lo̧awa jawa waiso̧ arpa pjeonö, Isabenö Jo̧ ujulu ichibinobe Eliseokwö,

1 Crónicas 13:8

Ja̧danö, Dios iteapjo emö tjȩwa̧jonö, Davidbi, okobe deinö ju'wedö israel jojodöbi tjo̧'wo ösöwachibanö Dios öba a'otjö kwetjachinobe, lo̧böbi, lo̧awa jawa arpabi, lirabi, panderetasbi, cimbalosbi, trompetasbi ökwöinö.

1 Crónicas 15:28

Ja̧danö okobe deinö israel jojodö Isabenö Jo̧ iteapjo wei̧ wȩyukwaba döbölataja a̧ja̧pjo kwetjatonö, tjo̧'wo ösöwachibanö jwötjeba̧li̧ ökwöinobe, ja̧danö trompeta jawabi, ju'wi pjuawa jawabi, cimbalos jawabi, arpa jawabi, lira jawabi, labinö lo̧awa jawa ökwöinö tjo̧'wo ösöwachibanö tjichejebinobe Jerusalen comunidadbe.

Daniel 3:10

Jo̧da weköbatö lo̧awa jawa ökwöobe da̧ja̧kwenama, okobe deinö nijakwö bȩbachibö o̧'wo̧ jawa otidö kwujuninökwenö dösödobö,

Daniel 3:15

Isabenö jejenö kwöpöjödaduwatjö̧ma, bakwötanö ina lȩlö̧jinö chedena, yemidanö kwösödaduwobö chite'ada̧lena. Jo̧kwajabetjö̧ yemidanö lo̧awa jawa ökwöi̧ kwa̧ja̧kwaduwenama, nijakwö bȩbachibö kwösödaduwo, ja̧danö jejenö kwösödaduwitjö̧ma, wene jwiena. Jo̧kwaijayonö kwösödaduwökötjö̧ma juluwanö ökwödönö ökwöla jwiinö tubola 'dii jawa otikwolanö ikwö lotakwawö̧ja. Ja̧danö jejenö ikwö lotitjö̧ma, ¿tida ökwödönö pjaatakwo̧ma? ¡Deakobe! Diosbedötjöbi bakwo̧bi deakobe, kwö̧jibaduwinö pjaatobö juluwo̧ma —jö̧ba̧lö yöawinobe Nabucodonosorma.

Daniel 3:5

Okobe jwiinö lo̧awa jawa ökwöakobe, cuernö ötjabi̧bi tjasabikobe, ja̧danö flauta ötjabi̧bi tjasabikobe, ja̧danö guitara ötjabi̧bi petjakobe, ja̧danö arpa ötjabi̧bi petjakobe, ja̧danö salterio ötjabi̧bi tjasabikobe, ja̧danö okobe jwiinö ju'wi lo̧awa jawabi ökwöakobe. Jejenö ökwöi̧ kwa̧ja̧kwaduwenama, okobe deinö nijakwö bȩbachibö jojo o̧'wo̧ jawanö, la'aka luwo̧ Nabucodonosor otidinökwenö kwösödaduwobö ja̧kobe.

Daniel 3:7

Jejenö weiawö̧, yöawaja̧danö lo̧awa jawa ökwöi̧ tja̧ja̧kwenama, okobe deinö jobe ko̧ko̧kwajadöma nijakwö bȩbachibö tjösödinobe la'aka luwo̧ Nabucodonosor orotjö otidö ujuninökwe jojo o̧'wo̧ jawanö.

1 Samuel 10:5

Ikenama, jobetjö labebajo̧, Guibea comunidad mösa'o Dios iteasa'o jö̧ba̧lö ötjaba'obe kwichibakwo̧ja, filisteo ölakwabikwawa jojodö tjöjena pjeasa'obe. Jobe comunidadbe kwichibenama, möemi Diosnö iyawemitjö yutubajadö Dios yöawi̧ yöbawadönö kwöbadekwajakobe, lo̧awa jawa arpabi, panderobi, flautabi, lirabi kwebatö, Dios yöawi̧ yöbawö kwebachadönö.

1 Samuel 16:16

Jo̧kwajabetjö̧ baikwö weköbobö domukwata, ökwödö kwömöayedönö weköbo, arpa pjeawa waiso̧nö disakwobö. Ja̧danö, Dios weökwe o̧'wo luwo̧ sulabo̧ usula kwemawinö ja̧enama, arpa waiso̧ma kwöba a'o pjeena, ja̧danö musika ökwöi̧ a̧ja̧kwö otiwanö usula kwemawi̧tjö kwö̧bibajena, —jö̧ba̧lö.